- Айраннга суу къош, телиге джол бош.
- Булут кёкге джарашыу, уят бетге джарашыу.
- Тик ёргени, тик энгишгеси да болады.
- Иши джокъну, сыйы джокъ.
- Элге къуллукъ этмеген, элге ие болмаз.
- Бал чибинни ургъаны – ачы, балы – татлы.
- Бойнуму джети джерден кессенг да, мен ол ишни этеллик тюлме.
- Сууда джау джокъ, кёб сёзде магъана джокъ.
- Биреу къой излей, биреу той излей.
- Ичимден чыкъды хата, къайры барайым сата?
- Ауругъаннга – кийик саулукъ, джетген къызгъа – чилле джаулукъ.
- Айтхан сёзюне табылгъан.
- Борчунг бар эсе, хурджунунга ойлаб узал.
- Бюгюн дуния кибик, тамбла ахыратды.
- Кюлме джашха – келир башха.
- Сескекли кесин билдирир.
- Дуния аламаты сен эсенг да, игиме деб айтма.
- Баш – акъыл ючюн, акъылман – халкъ ючюн.
- Бёрю да ач къалмасын, эчки да ашалмасын.
- Юйюнгден чыкъдынг – кюнюнгден чыкъдынг.
- Сабий кёргенин унутмаз.
- Джан саулукъ бермей, сан саулукъ бермезсе.
- Ашына кёре табагъы, балына кёре къалагъы.
- Эрине къаргъыш этген къатын, эрнин къабар.
- Тынгылагъан тынгы бузар.
- Аман киши кеси юйюнде – къонакъ.
- Сёз – кюмюш, джыр – алтын.
- Эл ауузу – элия.
- Сакъламагъан затынга джолукъсанг, не бек къууанаса, не бек ачыйса.
- Эки ойлашыб, бир сёлешген.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Игилик игилик бла сингдирилиучю затды.
- Кёл – къызбай, къол – батыр.
- Аууздан келген, къолдан келсе, ким да патчах болур эди.
- Ушамагъан – джукъмаз.
- Нарт сёз – тилни бети.
- Аманнга игилик этсенг, юйюнге сау бармазса.
- Ач уят къоймаз.
- Кёбню кёрген – кёб билир.
- Ауурну тюбю бла, дженгилни башы бла джюрюген.
- Сыфатында болмагъаны, суратында болмаз.
- Ач да бол, токъ да бол – намысынга бек бол.
- Аш берме да, къаш бер.
- Окъугъанны бети джарыкъ.
- Ойнаб айтсанг да, эслеб айт.
- Къартха ушагъан джаш – акъыллы, джашха ушагъан къарт – тели.
- Ашаса, ашамаса да, бёрюню ауузу – къан.
- Зар адамны насыбы болмаз.
- Айныгъанлы алты кюн, тогъайгъанлы тогъуз кюн.
- Мал ёлсе, сюек къалыр, адам ёлсе, иши къалыр.
Гогуев Ислам Мудалифович, погиб в Афганистане
Читают тему (гостей: 1)