- Атадан ёксюз – бир ёксюз, анадан ёксюз – эки ёксюз.
- Керилген да, ургъан кибикди.
- Соргъан айыб тюлдю, билмеген айыбды.
- Ауузу бла къуш тута айланады.
- Айранны сюйген, ийнек тутар.
- Билим – акъылны чырагъы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билгенни къолу къарны джандырыр.
- Джашда акъыл джокъ, къартда къарыу джокъ.
- Чакъырылмагъан къонакъ – орунсуз.
- Юйлю уругъа ит чабмаз.
- Ат басханны джер билед.
- Тилсиз миллет джокъ болур.
- Ёлген эшек бёрюден къоркъмайды.
- Хатерли къул болур.
- Таукел тауну аудурур.
- Акъыллы башны – тили къысха.
- Аш хазыр болса, иш харам болур.
- Мухар, кеси тойса да, кёзю тоймаз.
- Ата – баланы уясы.
- Бетинги сатма, малынгы сат.
- Къатыны харакетли болса, эри къымсыз болур.
- Татлы тилде – сёз ариу, чемер къолда – иш ариу.
- Аш кетер да бет къалыр.
- Иги болса, тамадама – махтау, аман болса, меннге – айыб.
- Окъумагъан сокъурду, сокъур ташха абыныр!
- Хунаны тюбюн къазсанг, юсюнге ауар.
- Ана къолу ачытмаз.
- Хансыз джомакъ болмаз.
- Билимсиз иш бармаз.
- Къолунгдан къуймакъ ашатсанг да, атаны борчундан къутулмазса.
- Таукел адам тау тешер.
- Джыйырма къойну юч джыйырма эбзе кюте эди.
- Ашарыкъда сайлагъаннга – чий гырджын.
- Ичимден чыкъды хата, къайры барайым сата?
- Ашхы атаны – джашы ашхы, ашхы ананы – къызы ашхы.
- Аман адам элни бир-бирине джау этер.
- Тойгъандан сора, ашны сёкме.
- Ашхы – джыяр, аман – джояр.
- Тёгюлген тюгел джыйылмайды.
- Уллу айтханны этмеген – уллаймаз.
- Бозаны арты дауур болур.
- Биреу ашаб къутулур, биреу джалаб тутулур.
- Иги джашны ышаны – аз сёлешиб, кёб тынгылар.
- Билим къая тешер.
- Орну джокъну – сыйы джокъ.
- Юй кюйдю да, кюйюз чыкъды, ортасындан тюйюш чыкъды.
- Кёкдеги болмаса, джердегин кёрмейди.
- Къан бла кирген, джан бла чыгъар.
- Рысхы – сют юсюнде кёмюк кибикди.
Гогуев Ислам Мудалифович, погиб в Афганистане
Читают тему (гостей: 1)