- Юй кюйдю да, кюйюз чыкъды, ортасындан тюйюш чыкъды.
- Джогъун бар этген, барын бал этген.
- Гыдай эчки суугъа къараб, мюйюзле кёрмесе, джашма алкъын, дегенди.
- Таугъа чыгъаллыкъ эсенг, тюзде къалма.
- Эшекни не къадар тюйсенг да, ат болмаз.
- Къыз тиширыу кеси юйюнде да къонакъды.
- Аджалсыз ёлюм болмаз.
- Нарт сёз къарт болмаз.
- Чакъырылмай келген къонакъ сыйланмай кетер.
- Адам къаллай бир ишленмесе, аллай бир кесин уллу кёреди.
- Телиге акъыл салгъандан эсе, ёлгеннге джан салырса.
- Юре билмеген ит, къонакъ келтирир.
- Байдан умут эте, джарлыдан ёгюз багъасы къорады.
- Аджал соруб келмез, келсе, къайтыб кетмез.
- Хар адамгъа кеси миннген тау кибик.
- Билмегенинги, билгеннге сор.
- Эр сокъур болсун, къатын тилсиз болсун.
- Таш бла ургъанны, аш бла ур.
- Ашхы болсанг, атынг чыгъар, аман болсанг, джанынг чыгъар.
- Бёрю да ач къалмасын, эчки да ашалмасын.
- Ётюрюк хапар аякъ тюбю бла джюрюйдю.
- Рысхы – насыбха къор.
- Эм уллу байлыкъ – джан саулукъ.
- Сабий болмагъан джерде, мёлек болмаз.
- Киштикге къанат битсе, чыпчыкъ къалмаз эди.
- Уллу къашыкъ эрин джыртар.
- Тил джюрекге джол ишлейди.
- Ата – баланы уясы.
- Сагъышы джокъ – джукъучу, акъылы джокъ – къаугъачы.
- Джюрек кёзден алгъа кёрюр.
- Адамны джюреги нени кёрюрге сюйсе, кёзю да аны кёрюрге ёч болады.
- Тынгылагъан тынгы бузар.
- Бал чибинни ургъаны – ачы, балы – татлы.
- Онгсузну – джакъла, тенгликни – сакъла.
- Арбаз къынгырды да, ийнек сауалмайма.
- Джылар джаш, атасыны сакъалы бла ойнар.
- Джарашыу сюйген – джалынчакъ.
- Элде адам къалмаса, ит тахтагъа минер.
- Джангызны оту джарыкъ джанмаз!
- Босагъа таш юйге кирмей эди, тыбыр таш эшикге чыкъмай эди.
- Дуния мал дунияда къалады.
- Чалманны аллы къалай башланса, арты да алай барады.
- Акъыл бла адеб эгизледиле.
- Бек ашыкъгъан меннге джетсин, дегенди аракъы.
- Ёпкелегенни ашы татлы болады.
- Рысхы джалгъанды: келген да этер, кетген да этер.
- Бир абыннган – минг сюрюнюр.
- Адамны артындан къара сабан сюрме.
- Джашны джигитлиги сорулур, къызны джигерлиги сорулур.
- Ауурну тюбю бла, дженгилни башы бла джюрюген.
