- Эки элинги тыйсанг, джети элде махталырса.
- Эм уллу байлыкъ – джан саулукъ.
- Душманны тышы – акъ, ичи – къара.
- Къартны сыйын кёрмеген, къартлыгъында сыйлы болмаз.
- Ата – билек, ана – джюрек!
- Тёзген – тёш ашар!
- Иги болса, тамадама – махтау, аман болса, меннге – айыб.
- Адамны адамлыгъы къыйынлыкъда айгъакъланады.
- Ашаса, ашамаса да, бёрюню ауузу – къан.
- Къарны аманнга къазан такъдырма, къолу аманнга от джакъдырма.
- Сангырау къулакъ эл бузар.
- Къызны минг тилер, бир алыр.
- Тёрдеги кюлсе, эшикдеги ышарыр.
- Ким бла джюрюсенг, аны кёзю бла кёрюнюрсе.
- Ашатыргъа иш – ашхы, ишлетирге аш – ашхы.
- Ашха уста, юйюнде болсун
- Магъанасыз сёз – тауушсуз сыбызгъы.
- Кёбню кёрген – кёб билир.
- Айранын берсенг, челегин да къызгъанма.
- Ёлмесенг да, къарт дамы болмазса?
- Эки итни арасына сюек атма, эки адамны арасында сёз чыгъарма.
- Бёрю да ач къалмасын, эчки да ашалмасын.
- Таукел адам тау тешер.
- Билим къая тешер.
- Чакъырылмай келген къонакъ сыйланмай кетер.
- Арпа, будай – ащды, алтын, кюмюш а – ташды.
- Туз, гырджын аша, тюзлюк бла джаша.
- Джахил болса анасы, не билликди баласы?
- Игиге айтсанг – билир, аманнга айтсанг – кюлюр.
- Сабий кёргенин унутмаз.
- Мадар болса, къадар болур.
- Бети бедерден, намыс сакълама.
- Олтуруб кёрюнмей эди да, ёрге туруб кёрюне эди.
- Эл элде бирер малынг болгъандан эсе, бирер тенгинг болсун.
- Уясында не кёрсе, учханында аны этер.
- Сагъышы джокъ – джукъучу, акъылы джокъ – къаугъачы.
- Аллахха ийнаннган кишини, Аллах онгдурур ишин.
- Уруну арты – къуру.
- Ариу сёзде ауруу джокъ.
- Къыз чыгъаргъан – къызыл къымжа.
- Кёбден умут этиб, аздан къуру къалма.
- Телиге от эт десенг, юйюнге от салыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Аджалсыз ёлюм болмаз.
- Къарт айтханны этмеген, къартаймаз.
- Миллетни бойну – базыкъ, аны бла кюрешген – джазыкъ.
- Биреуге аманлыкъны тилеме да, кесинге ашхылыкъны тиле.
- Керек ташны ауурлугъу джокъ.
- Рысхысына кёре, джаш ёсер, къышлыгъына кёре, мал ёсер.
- Чомарт бергенин айтмаз.
