- Агъач халкъгъа алтынды, иссиликге салкъынды.
- Тёзгеннге, джабылгъан эшик ачылыр.
- Къатын къылыкъсыз, эр тынчлыкъсыз.
- Сютден ауузу кюйген, суугъа юфгюре эди.
- Аджашханны ызындагъы кёреди, джангылгъанны джанындагъы биледи.
- Ачыкъ джюрекге джол – ачыкъ.
- Ётюрюкчюню шагъаты – къатында.
- Дженгил джетерикме деб, узун джолну къоюб, къысхасын барма.
- Джетген къыз джерли эшекни танымаз.
- Тили узунну, намысы – къысха.
- Насыб бютеу халкъны юлюшюдю.
- Бет бетге къараса, бет да джерге къарар.
- Ашхылыкъ джерде джатмайды, аманлыкъ суугъа батмайды.
- Адам къаллай бир ишленмесе, аллай бир кесин уллу кёреди.
- Насыблы элин сюер, насыбсыз кесин сюер.
- Игини сыйлагъан адетди.
- Иги адамны бир сёзю эки болмаз.
- Чомарт къолда мал къалмаз.
- Къозулугъунда тоймагъан, къойлугъунда тоймаз.
- Къазанда болса, чолпугъа чыгъар.
- Аджал соруб келмез, келсе, къайтыб кетмез.
- Тойгъа алгъа да барма, тойда артха да къалма.
- Ариу сёз джыланны орнундан чыгъарыр.
- Хар сёзню орну барды.
- Джылкъыдан – ат чыгъар, тукъумдан – джаш чыгъар.
- Ханы къызы буюгъа-буюгъа киштик болду.
- Борчунг бар эсе, хурджунунга ойлаб узал.
- Сабий болмагъан джерде, мёлек болмаз.
- Акъыл аздырмаз, билим тоздурмаз.
- Асхат ашлыкъ сата, юйдегиси ачдан къата.
- Намыс сатылыб алынмайды.
- Кёбге таш атма.
- Чабар ат – джетген къыз.
- Джахил болса анасы, не билликди баласы?
- Адамны джюреги нени кёрюрге сюйсе, кёзю да аны кёрюрге ёч болады.
- Эшекни не къадар тюйсенг да, ат болмаз.
- Тенгинг джокъ эсе – изле, бар эсе – сакъла!
- Таукел тауну аудурур.
- Уллу къашыкъ эрин джыртар.
- Аманны эки битли тону болур, бирин сеннге кийдирир, бирин кеси киер.
- Тил – миллетни джаны.
- Джылыгъа джылан илешир.
- Таула не мийик болсала да, аууш табылыр.
- Адеб джокъда, намыс джокъ.
- Чакъырылмагъан къонакъ тёрге атламаз.
- Джыгъылгъанны сырты джерден тоймаз.
- Джигер – джаннга къыйынлыкъ.
- Аджалсыз ёлюм болмаз.
- Ашхы атаны – джашы ашхы, ашхы ананы – къызы ашхы.
- Къоркъакъны кёзю экили кёрюр.
обними свою маму
|
Очень хорошее и служашее напоминанием видео..
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
bir djash)
сау бол )) |
|
|
|
|
|
bir djash)
Дата: 9 Авг 2010 05:33 Аллах разы болсун. |
|
|
|
|
|
Сизге да Аллах разы болсун! Первые два ролика реально делают наставление....
 Аллаха шукурла |
|
|
|
|
|
bir djash)
особенно биринчи ролик, магъанасы аман кюшлюдю! |
|
|
|
|
|
воистину, нет Бога, кроме Аллаха!!!
нет мамы, кроме мамы!!! |
|
|
|
|
|
мамачыгъыма
 ай сау!  |
||||
|
|
|
|||
Читают тему (гостей: 1)