- Ёксюзню тилеги къабыл болур.
- Борчунг бар эсе, хурджунунга ойлаб узал.
- Ана кёлю – балада, бала кёлю – талада.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тиширыусуз юй – отсуз от джагъа.
- Ач да бол, токъ да бол – намысынга бек бол.
- Ойнай-ойнай кёз чыгъар.
- Джол бла сёзню къыйыры джокъ.
- Ёмюрлюк шохлукъну джел элтмез.
- Джаз бир кюнню джатсанг, къыш талай кюнню абынырса.
- Къонакъ хазыр болгъанлыкъгъа, къонакъбай хазыр тюлдю.
- Киштикге къанат битсе, чыпчыкъ къалмаз эди.
- Насыб бютеу халкъны юлюшюдю.
- От этилмеген джерден тютюн чыкъмайды.
- Босагъа таш юйге кирмей эди, тыбыр таш эшикге чыкъмай эди.
- Адамны сабийин сюйген джюреги, бычакъча, джитиди.
- Берекет берсин деген джерде, берекет болур.
- Намысы джокъну – дуниясы джокъ.
- Къатыны харакетли болса, эри къымсыз болур.
- Келгинчи, къонакъ уялыр, келгенден сора, къонакъбай уялыр.
- Чакъырылмагъан къонакъ – орунсуз.
- Ётюрюк хапар аякъ тюбю бла джюрюйдю.
- Адеб этмеген, адеб кёрмез.
- Кёбге таш атма.
- Биреуге аманлыкъны тилеме да, кесинге ашхылыкъны тиле.
- Телиге от эт десенг, юйюнге от салыр.
- Чабакъсыз кёлге къармакъ салгъанлыкъгъа, чабакъ тутмазса.
- Кёз – сюйген джерде, къол – ауругъан джерде.
- Уллу айтханны этмеген – уллаймаз.
- Бетинги сатма, малынгы сат.
- Къартны сыйын кёрмеген, къартлыгъында сыйлы болмаз.
- Къарнынг къанлынга кийирир.
- Ариу сёзде ауруу джокъ.
- Къарнынг бла ёч алма.
- Эри аманны, къатыны – аман.
- Аджаллыгъа окъсуз шкок атылыр.
- Айранны сюйген, ийнек тутар.
- Байлыкъ тауусулур, билим тауусулмаз.
- Тыш элде солтан болгъандан эсе, кесинги элде олтан болгъан игиди!
- Аманны эки битли тону болур, бирин сеннге кийдирир, бирин кеси киер.
- Къызын тута билмеген, тул этер, джашын тута билмеген, къул этер.
- Акъыллы башны – тили къысха.
- Битмегеннге сакъал – танг.
- Баш – акъыл ючюн, акъылман – халкъ ючюн.
- Эли джокъну – кёлю джокъ.
- Джумушакъ сёз къаты таякъны сындырыр.
- Ушамагъан – джукъмаз.
- Таякъ этден ётер, тил сюекден ётер.
- Босагъагъа джууукъ орун болса, ашыгъыб тёрге озма.
- Адеб джокъда, намыс джокъ.
обними свою маму
|
Очень хорошее и служашее напоминанием видео..
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
bir djash)
сау бол )) |
|
|
|
|
|
bir djash)
Дата: 9 Авг 2010 05:33 Аллах разы болсун. |
|
|
|
|
|
Сизге да Аллах разы болсун! Первые два ролика реально делают наставление....
 Аллаха шукурла |
|
|
|
|
|
bir djash)
особенно биринчи ролик, магъанасы аман кюшлюдю! |
|
|
|
|
|
воистину, нет Бога, кроме Аллаха!!!
нет мамы, кроме мамы!!! |
|
|
|
|
|
мамачыгъыма
 ай сау!  |
||||
|
|
|
|||
Читают тему (гостей: 1)