Войти на сайт
24 Июня 2026 года

 

  • Иги болса, тамадама – махтау, аман болса, меннге – айыб.
  • Адам къаллай бир ишленмесе, аллай бир кесин уллу кёреди.
  • Ашына кёре табагъы, балына кёре къалагъы.
  • Чакъырылмагъан къонакъ тёрге атламаз.
  • Ушамагъан – джукъмаз.
  • Байны къызы баймакъ болса да, юйде къалмаз!
  • Аман киши кеси юйюнде – къонакъ.
  • Биреуге аманлыкъ этиб, кесинге игилик табмазса.
  • Ётюрюкню къуйругъу – бир тутум.
  • Тойгъан джерге джети къайт.
  • Тил – кесген бычакъ, сёз – атылгъан окъ.
  • Акъылсызны джууукъгъа алма, акъыллыны кенгнге салма.
  • Джиби бир къат джетмей эди да, эки къат тарта эди.
  • Аш иеси бла татлыды.
  • Тилчи бир сагъатха айлыкъ хата этер.
  • Чакъырылгъанны аты, чакъырылмагъанны багъасы болур.
  • Башынга джетмегенни сорма.
  • Термилгенинги табмазса, кюлгенинге тюберсе.
  • Къызны минг тилер, бир алыр.
  • Джети тилни билген джети кишиди.
  • Къонакъ кёб келюучю юйню, къазаны отдан тюшмез.
  • Къарны аманнга къазан такъдырма, къолу аманнга от джакъдырма.
  • Къазанда болса, чолпугъа чыгъар.
  • Окъуусуз билим – джокъ, билимсиз кюнюнг – джокъ.
  • Ата – билек, ана – джюрек!
  • Дуния аламаты сен эсенг да, игиме деб айтма.
  • Азыкъ аз болса, эртде орун сал.
  • Эри аманны, къатыны – аман.
  • Эм уллу байлыкъ – джан саулукъ.
  • Игини сыйлагъан адетди.
  • Къуллукъчума, деб махтанма, къуллукъ – хаух джамчыды!
  • Айран тёгюлсе, джугъусу къалыр.
  • Ётюрюкчюню шагъаты – къатында.
  • Джарлыны тону джаз битер.
  • Тилсиз миллет джокъ болур.
  • Кирсизни – саны таза, халалны – къаны таза.
  • Этек чакъмакълары баш джаргъан, сёлешген сёзлери таш джаргъан.
  • Сууда джау джокъ, кёб сёзде магъана джокъ.
  • Татлы тилде – сёз ариу, чемер къолда – иш ариу.
  • Башы джабылгъан челекге, кир тюшмез.
  • Телини эшигин, махтау джабар.
  • Намысы болмагъанны, сыйы болмаз.
  • Аманны къуугъан, аманлыкъ табар.
  • Баш болса, бёрк табылыр.
  • Чоюнну башы ачыкъ болса, итге уят керекди.
  • Ётюрюк хапар аякъ тюбю бла джюрюйдю.
  • Билеги кючлю, бирни джыгъар, билими кючлю, мингни джыгъар.
  • Насыб бютеу халкъны юлюшюдю.
  • Кёб къычыргъандан – къоркъма, тынч олтургъандан – къоркъ.
  • Ёпкелегенни ашы татлы болады.

 

Архив Форума » Зеленый Форум [архив] » - ЗФ - Объявления
Страницы: Пред. 1 2 3 След.
RSS
Къулийланы Къайсынны эсгере.
 
#26
Джаратама0
22.11.2011 18:44:19
Къайсынны чыгъармачылыгъыны кёп бутакълы уллу терегинеча къарасакъ, аны ариу чакъгъан бутакъларындан бири таулу тиширыуну сыфатыды. Поэт тиширыуну бийик жулдузлагъа тенг этгенди.
Тиширыу ? анагъа, эгечге, жан дарманына ? сюйген адамына, багъалагъан адамларына.
Къайсынны закийлиги, адамлыгъы, чынтты таулулугъу, баям, аны огъурлу анасыны сютю бла берилген болур. Андан айтханды ол "Анасы барны жюрегинде чыракъ жанады", - деп.
Ана!.. Мени анам! ? Жылыу берген, хычыуун, багъалы, огъурлу сёзле.

Белгили назмучубуз, назмучуланы союзларыны келечиси Болатланы Юруслан

 
 
 
#27
Джаратама0
22.11.2011 19:12:45
Къайсын сабийлени бек сюйгенди, алагъа атап кёп назму жазгъанды. Окъуучула бла, студентле бла да кёп кере тюбешгенди, адабият ингирле къурагъанды. Сабийча къууаннганды, кёлю толгъанды, ёрге сюелип алай тынгылагъанды.

Бизни ингирибизге да сабийчикле назмула хазырлап келген эдиле.

Нальчик шахарны 2-чи лицейни Беккийланы Жанна хазырлап, Джаппуланы Зулейха "Къара ат акъ къарда ёледи", "Пусть никогда не умирают дети" деген назмуланы окъугъанды.

МОУ СОШ ?30 г. Нальчик. Малкъар тил бла адабиятны устазлары Мусукланы Жанна бла Тогузаланы Зульфия хазырлагъандыла.

МОУ СОШ с. Звездныйден кесини сохталары бла Газайланы Эльвира келгенди, назмула да окъугъандыла.

МОУ СОШ ?11 г. Нальчик. Малкъар тилни бла адабиятны устазы Асанланы Мариям хазырлагъанды
 
 
 
#28
Джаратама0
22.11.2011 19:13:17
 
 
 
#29
Джаратама0
22.11.2011 19:13:28
 
 
 
#30
Джаратама0
22.11.2011 19:13:39
 
 
 
#31
Джаратама0
22.11.2011 19:13:58
 
 
 
#32
Джаратама0
22.11.2011 19:14:07
 
 
 
#33
Джаратама0
22.11.2011 19:14:23
 
 
 
#34
Джаратама0
22.11.2011 19:14:34
 
 
 
#35
Джаратама0
22.11.2011 19:15:48
 
 
 
#36
Джаратама0
22.11.2011 19:17:33
 
 
 
#37
Джаратама0
22.11.2011 19:18:11
МОУ СОШ с. Кашхатаудан да келгендиле къонакъла. Назмуланы ариу окъуп, кесине сейирсиндирип тынгылатханды Гуппойланы Самат



 
 
 
#38
Джаратама0
22.11.2011 19:20:32
 
 
 
#39
Джаратама0
22.11.2011 19:31:28
Ах, мираж не спиши кесибизни жашчыгъыбызны юсюнден кесим айтайым!!!кашхатаучу фахмулу жашыбызны Саматчыкъны юсюнден! Алай окъугъандан эсе кесигиз бир кёрюгюз!
 
 
 
#40
Джаратама0
22.11.2011 19:32:13
 
 
 
#41
Джаратама0
22.11.2011 19:32:27
Къайсынны юсюнден аны къалам къарындашлары айтхан сёзле:

Андрей Тарковский: "Къайсын Кулиев - поэт небольшого народа, вышедший на общечеловеческое поприще поэзии. Къайсын Кулиев говорит от лица своего народа. Он поэт всего мира..."

Левон Мкртчян: "Къайсын Кулиев был личностью неординарной. Несмотря на превратности судьбы, он был человеком цельным, не утратившим редкую в наши дни душевную щедрость, горячую душевную привязанность к людям".

Чингиз Айтматов: "Жизнь и поэзия Къайсына Кулиева нерасторжимы. Книга судьбы, какую он оставил нам, - "свиток верный", к которому, уверен, будут обращаться как "старые", так и новые друзья поэта, утешая его любовью. А сами, в свою очередь, будут находить в ней непреходящие уроки мужества, благородства и чести".

Назмучуланы ичинде аны белгили шуёху, Калмыкияны закий поэти Кугультинов Давид Къайсынны юсюнден алай айтханды:

 
 
 
#42
Джаратама0
22.11.2011 20:33:53
Къулийланы Къайсынны юсюнден бюгюнлюкде махтау сёз айтыр кереклиси жокъду. Бек бийик махтау, ыспас да жамауат кеси этеди. Алай, айтмай къояргъа жарамаз, ноябрни 1-де Чегем шахарда Къулийланы Къайсынны музейинде сайтны презентациясы болгъан эди. "Энергия созидания" деген фондуну келечилери тынгылы хапар айтып, сайтны да кёргюзтген эдиле. Ол ахшы хапаргъа алайгъа жыйылгъанла бек къууаннганларын билдиргендиле. Аны юсю бла биз бу ишге къатышхан адамлагъа уллу ыспас этебиз, энтта бир кере жюрек ыразылыгъыбызны билдиребиз. Бу ингирде сайтны юсюнден тынгылы хапар эм да ёсюп келген жаш тёлюге насийхат сёзлерин Чегемде Къулийланы Къайсын атлы музейни таматасы - Къулийланы Фатима бла "Энергия созидания" фондну таматысы Жангуразланы Магомед айтхандыла

 
 
 
#43
Джаратама0
22.11.2011 20:55:14
Уруш заманланы кезиуюнде эм да илму фахмусу шартын, Къулийланы Къайсын бек кеп къырал жетишимлеге жетгенди. СССР-ни Асалезни бегими бла, Къулийланы Къайсын Сталинград шахарны батырлыкъ бла къоруулагъаны ючюн майдал бла саугъаланнганды. 1944 жылда Ата журт урушну 2-чи даражалы ордени берилгенди, 60-чы жыллада СССР-ни баш кенгешине сайланнганды. Къайсын юч къат Ленинни саугъасына тежеленнген эди, алай болгъанлыкъгъа кёп чырмаугъа тюбегенди. Аны юсюнден башкирли назмучу эм драматург Назмутдинланы Назар Къайсын шуёхуна былай жазгъан эди: "... Сени "Жер атлы китабынг" бек уллу саугъагъа тийишлиди. Мени оюмума кере, бу жол санга чырмау этмезле. Аны ючюн бек сау бол!..."
Къулийланы Къайсынны чыгъармачылыкъ ишине къарындаш миллетле да бек уллу эс бергендиле. Армения бла Къыргъызстанда "Чемерлик бла культураны сыйлы устасы" деген ат берилген эди.
Къулийланы Къайсын ? Къабарты-Малкъарны халкъ поэти - 1966ж. "Жаралы таш" деген китабы ючюн РСФСР-ни М.Горький атлы саугъасына; 1974ж. "Жер китабы" ючюн СССР-ни къырал саугъасына; 1985ж., ол дуниядан кетгенден сора, "Адам. Терек. Къанатлы" деген назму китабы ючюн Ленинчи саугъагъа тийишли болгъанды.
 
 
 
#44
Джаратама0
22.11.2011 20:57:22
Сабийлеге саугъала

 
 
 
#45
Джаратама0
22.11.2011 20:57:51
 
 
 
#46
Джаратама0
22.11.2011 20:58:10
 
 
 
#47
Джаратама0
22.11.2011 21:06:24
мираж
Бек развернутый хапар джаздынг! Сау бол!

З.Ы. Общая фотка - супер
 
 
 
#48
Джаратама0
23.11.2011 12:59:08
какие у нас замечательные детки
 
 
 
#49
Джаратама0
23.11.2011 13:10:04
Дитя гор
сау бол!
 
 
 
#50
Джаратама0
23.11.2011 13:10:27
 
 
 
Страницы: Пред. 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.