- Сакъалы текени да бар, мыйыгъы киштикни да бар.
- Тешигини къатында, чычхан да батыр болур.
- Керилген да, ургъан кибикди.
- Къонакъ аз олтурур, кёб сынар.
- Аш берме да, къаш бер.
- Кёл – къызбай, къол – батыр.
- Адамгъа аман кюн соруб келмейди.
- Телиге акъыл салгъандан эсе, ёлгеннге джан салырса.
- Ётюрюкню къуйругъу – бир тутум.
- Аякъларынгы джууургъанынга кёре узат.
- Суу ичген шауданынга тюкюрме.
- Эски джаугъа ышанма.
- Игини сыйлагъан адетди.
- Джырына кёре эжиую.
- Кюл тюбюндеги от кёрюнмейди.
- Минг тенг да азды, бир джау да кёбдю.
- Чакъырылмагъан джерге барма, чакъырылгъан джерден къалма.
- Эки элинги тыйсанг, джети элде махталырса.
- Эл бла кёргенинг эрелей.
- Сагъыш – къартлыкъгъа сюйюмчю.
- Къарнынг къанлынга кийирир.
- Кесине гебен этелмеген, биреуге черен эте эди.
- Таукел тауну аудурур.
- Туз, гырджын аша, тюзлюк бла джаша.
- Чыбыкълыкъда бюгюлмеген, къазыкълыкъда бюгюлмей эди.
- Атадан ёксюз – бир ёксюз, анадан ёксюз – эки ёксюз.
- Къарнынг тойгъунчу аша да, белинг талгъынчы ишле.
- Айтханы чапыракъдан ётмеген.
- Джарлыны эшигин махтагъан джабар.
- Кийимни бичсенг, кенг бич, тар этген къыйын тюлдю.
- Аджалсыз ёлюм болмаз.
- Атлыны ашхысы, ат тизгининден билинир
- Юре билмеген ит, къонакъ келтирир.
- Ач да бол, токъ да бол – намысынга бек бол.
- Чакъырылмагъан къонакъ къачан кетерин сормаз.
- Адам туугъан джеринде, ит тойгъан джеринде.
- Мухарны эси – ашарыкъда.
- Ёксюзню къалачы уллу кёрюнюр.
- Адебсиз адам – джюгенсиз ат.
- Иги джашны ышаны – аз сёлешиб, кёб тынгылар.
- Ёзденликни кёбю ётюрюк.
- Сабий болмагъан джерде, мёлек болмаз.
- Тюзлюк тас болмайды.
- Адеби болмагъан къыз – тузсуз хант.
- Чомарт джарлы болмаз.
- Къарт айтханны этмеген, къартаймаз.
- Рысхы – сют юсюнде кёмюк кибикди.
- Къызын тута билмеген, тул этер, джашын тута билмеген, къул этер.
- Аз сёлеш, кёб ишле.
- Нёгерсизни джолу узун.
Футбол. 19.11.2011 Эльбрусоид-Байкал
Читают тему (гостей: 1)