- Аууздан келген, къолдан келсе, ким да патчах болур эди.
- Aдам боллукъ, сыфатындан белгили.
- Ашаса, ашамаса да, бёрюню ауузу – къан.
- Термилгенинги табмазса, кюлгенинге тюберсе.
- Сёз – кюмюш, джыр – алтын.
- Айныгъанлы алты кюн, тогъайгъанлы тогъуз кюн.
- Урунуу – насыбны анасы.
- Абынмазлыкъ аякъ джокъ, джангылмазлыкъ джаякъ джокъ.
- Халкъны юйю – туугъан джери.
- Иесиз малны бёрю ашар.
- Джигер – джаннга къыйынлыкъ.
- Атынг аманнга чыкъгъандан эсе, джанынг тамагъынгдан чыкъсын.
- Къарт бла баш аша, джаш бла аякъ аша.
- Ишлегенден, къарагъан уста.
- Аллахха ийнаннган кишини, Аллах онгдурур ишин.
- Кийимни бир кюнню аясанг, минг кюннге джарар.
- Ачны эсинде – аш.
- Эринчекни аурууу – кёб.
- Нарт сёз – тилни бети.
- Олтуруб кёрюнмей эди да, ёрге туруб кёрюне эди.
- Тюзню ётмеги тюзде къалса да, тас болмаз.
- Джахил болса анасы, не билликди баласы?
- Терслик кетер, тюзлюк джетер.
- Мухарны эси – ашарыкъда.
- Къазанны башы ачыкъ болса, итге уят керекди.
- Джаным-тиним – окъуу, билим.
- Аманны тукъумуна къарама, игини тукъумун сорма.
- Орундукъ тюбюнде атылсам да, орта джиликме, де да айлан.
- Ишин билген, аны сыйын чыгъарады.
- Соргъан айыб тюлдю, билмеген айыбды.
- Байлыкъдан саулукъ ашхыды.
- Итли къонакъ джарашмаз.
- Джюрек кёзден алгъа кёрюр.
- Адеб базарда сатылмаз.
- Адеб джокъда, намыс джокъ.
- Ашына кёре табагъы, балына кёре къалагъы.
- Эрни эр этерик да, къара джер этерик да, тиширыуду.
- Накъырданы арты керти болур.
- Артына баргъанны, къатына барма.
- Эри аманны, къатыны – аман.
- Керилген да, ургъан кибикди.
- Агъач – джерни чырайы, кийим – эрни чырайы.
- Бек анасы джыламаз.
- Къызгъанчдан ычхыныр, мухардан ычхынмаз.
- Ургъан суудан башынгы сакъла.
- Къонакъ аман болса, къонакъбай джунчур
- Тулпарлыкъ, билекден тюл – джюрекден.
- Сагъыш – къартлыкъгъа сюйюмчю.
- Къралынгы – душмандан, башынгы от бла суудан сакъла.
- Таукел адам тау тешер.
Футбол. 19.11.2011 Эльбрусоид-Байкал
Читают тему (гостей: 1)