- Ётюрюкчюню шагъаты – къатында.
- Ач, тоймам, дейди, тойгъан, ач болмам, дейди.
- Зарда марда джокъ.
- Эски джаугъа ышанма.
- Бозанг болмагъан джерге, къалагъынгы сукъма.
- Тюз сёз баргъан сууну тыяр.
- Тилчиден кери бол.
- Ёлюр джаннга, ёкюл джокъ.
- Тили узунну, намысы – къысха.
- Окъуу – билимни ачхычы, окъуу – дунияны бачхычы.
- Байма, деб да, къууанма, джарлыма, деб да, джылама.
- Бичгенде ашыкъма, тикгенде ашыкъ.
- Кёлю джокъну – джолу джокъ.
- Тилде сюек болмаса да, сюек сындырыр.
- Акъыллы эркиши атын махтар, акъылсыз эркиши къатынын махтар.
- Джангыз торгъай джырламаз.
- Джюз элде джюз ёгюзюм болгъандан эсе, джюз джууугъум болсун.
- Эринчекни аурууу – кёб.
- Тил джюрекге джол ишлейди.
- Джаз бир кюнню джатсанг, къыш талай кюнню абынырса.
- Чарсда алчыны эл кёреди.
- Къулакъдан эсе, кёзге ышан.
- Окъуусуз билим – джокъ, билимсиз кюнюнг – джокъ.
- Джумушакъ терекни къурт ашар.
- Тешик этген тынчды, аны джамагъан къыйынды.
- Джети тилни билген джети кишиди.
- Эли джокъну – кёлю джокъ.
- Ашхы атаны – джашы ашхы, ашхы ананы – къызы ашхы.
- Къонагъы джокъну – шоху джокъ.
- Хунаны тюбюн къазсанг, юсюнге ауар.
- Къууут – джелге, берне – бошха.
- Тойгъан джерге джети къайт.
- Азыгъы аз, алгъа къабар, аты аман, алгъа чабар.
- Эки элинги тыйсанг, джети элде махталырса.
- Намыс болмагъан джерде, насыб болмаз.
- Агъач халкъгъа алтынды, иссиликге салкъынды.
- Къаллай салам берсенг, аллай джууаб алырса.
- Мени джылытмагъан кюн, меннге тиймесин!
- Къайтырыкъ эшигинги, къаты уруб чыкъма.
- Ёксюзню тилеги къабыл болур.
- Джылкъыдан – ат чыгъар, тукъумдан – джаш чыгъар.
- Окъугъан озар, окъумагъан тозар.
- Къарнынг бла ёч алма.
- Къошда джокъгъа – юлюш джокъ.
- Ишин билген, аны сыйын чыгъарады.
- Аз сёлешген, къайгъысыз турур.
- Джолда аягъынга сакъ бол, ушакъда тилинге сакъ бол.
- Ач къарным, тынч къулагъым.
- Баш – акъыл ючюн, акъылман – халкъ ючюн.
- Таукелге нюр джауар.
Футбол. 19.11.2011 Эльбрусоид-Байкал
Читают тему (гостей: 1)