- Ёпкелегенни ашы татлы болады.
- Ойнай билмеген, оюн бузар.
- Акъыл къартда, джашда тюйюлдю – башдады.
- Кёзню ачылгъаны – иги, ауузну джабылгъаны – иги.
- Ачлыкъ отха секиртир.
- Аманны тукъумуна къарама, игини тукъумун сорма.
- Тил – кесген бычакъ, сёз – атылгъан окъ.
- Аджал соруб келмез, келсе, къайтыб кетмез.
- Къайгъы тюбю – тенгиз.
- Окъугъан – асыу, окъумагъан – джарсыу.
- Шапа кёб болса, аш татымсыз болур.
- Тили узунну, намысы – къысха.
- Алим болгъандан эсе, адам болгъан къыйынды.
- Баш болса, бёрк табылыр.
- Уллу сёлешме да, уллу къаб.
- «Ёгюз, джаргъа джууукъ барма, меннге джюк боллукъса», - дегенди эшек.
- Сыфатында болмагъаны, суратында болмаз.
- Мухар, кеси тойса да, кёзю тоймаз.
- Бал ашаргъа сюе эсенг, чибин ургъаннга тёз.
- Башы джабылгъан челекге, кир тюшмез.
- Мен да «сен», дейме, сен да «кесим», дейсе.
- Кюлме джашха – келир башха.
- Байлыкъ келсе, акъыл кетер.
- Агъач – джерни чырайы, кийим – эрни чырайы.
- Агъач халкъгъа алтынды, иссиликге салкъынды.
- Юй кюйдю да, кюйюз чыкъды, ортасындан тюйюш чыкъды.
- Зар адам ашынгы ашар, кесинги сатар.
- Игини сыйлагъан адетди.
- Джылыгъа джылан илешир.
- Чомартха хар кюн да байрамды.
- Къан бла кирген, джан бла чыгъар.
- Биреу къой излей, биреу той излей.
- Насыб бютеу халкъны юлюшюдю.
- Къумурсхала джыйылсала, пилни да джыгъадыла.
- Ашхы тенг джолгъа салыр, аман тенг джолдан тайдырыр.
- Уллу къашыкъ эрин джыртар.
- Хаухну атма, ёнгкючню сатма.
- Къонакъ хазыр болгъанлыкъгъа, къонакъбай хазыр тюлдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джарлы эскисин джамаса, къууаныр.
- Тамбла алтындан бюгюн багъыр ашхы.
- Адам къаллай бир ишленмесе, аллай бир кесин уллу кёреди.
- Алма терегинден кери кетмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Намысы болмагъанны, сыйы болмаз.
- Иги адам абынса да, джангылмаз.
- Эркишини аманы тиширыуну джылатыр.
- Ауузу аманнга «иги», деме.
- Битмегеннге сакъал – танг.
- Ёзденликни кёбю ётюрюк.
