- Ана кёлю – балада, бала кёлю – талада.
- Бозанг болмагъан джерге, къалагъынгы сукъма.
- Акъыл аздырмаз, билим тоздурмаз.
- Адеб этмеген, адеб кёрмез.
- Бети бедерден, намыс сакълама.
- Тешигини къатында, чычхан да батыр болур.
- Ат басханны джер билед.
- Сакъ юйюне сау барыр.
- Юреннген ауруу къалмаз.
- Ашхы сёз таш тешер.
- Айтхан – тынч, этген – къыйын.
- Къарнынг тойгъунчу аша да, белинг талгъынчы ишле.
- Керилген да, ургъан кибикди.
- Термилгенинги табмазса, кюлгенинге тюберсе.
- Ашхы тенг джолгъа салыр, аман тенг джолдан тайдырыр.
- Аджалсыз ёлюм болмаз.
- Ёлюр джаннга, ёкюл джокъ.
- Телини эшигин, махтау джабар.
- Джырчы джырчыгъа – къарнаш.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыз чыгъаргъан – къызыл къымжа.
- Гугук кесини атын айтыб къычыргъанча, мен, мен деб нек тураса?
- Махтаннган къыз, тойда джукълар.
- Суу кетер, таш къалыр.
- Итли къонакъ джарашмаз.
- Ашын ашагъанынгы, башын да сыйла.
- Атлыны кёрсе, джаяуну буту талыр.
- Бал чибинни ургъаны – ачы, балы – татлы.
- Намыс болмагъан джерде, насыб болмаз.
- Ёзденликни джайгъан – джокълукъ.
- Этек чакъмакълары баш джаргъан, сёлешген сёзлери таш джаргъан.
- Адам къаллай бир ишленмесе, аллай бир кесин уллу кёреди.
- Берекет берсин деген джерде, берекет болур.
- Джаш болсун, къыз болсун, акъылы, саны тюз болсун.
- Башы джабылгъан челекге, кир тюшмез.
- Аллахдан тилесенг, кёб тиле.
- Аджашханны ызындагъы кёреди, джангылгъанны джанындагъы биледи.
- Иши джокъну, сыйы джокъ.
- Айтхан сёзюне табылгъан.
- Бозаны арты дауур болур.
- Босагъагъа джууукъ орун болса, ашыгъыб тёрге озма.
- Ёнгкюч къууана барыр, джылай келир.
- Ашхылыкъ джерде джатмайды, аманлыкъ суугъа батмайды.
- Эркишиге тары кебек танг кёрюнюр.
- Билмезни кёзю кёрмез, этмезни къулагъы эшитмез.
- Къайтырыкъ эшигинги, къаты уруб чыкъма.
- Адам сёзге тынгыла, акъыл сёзню ангыла.
- Джогъун бар этген, барын бал этген.
- Ана къолу ачытмаз.
- Джарашыу сюйген – джалынчакъ.
Внимание!
Сообщение будет показано после одобрения модератором.
Ростислав Туровский: Земельный вопрос был главным фактором нестабильности в Кабардино-Балкарии
Внимание!
Сообщение будет показано после одобрения модератором.
Читают тему (гостей: 1)