Войти на сайт
10 Мая 2026 года

 

  • Кёл ашады да, кеси ашады.
  • Гугурук къычырмаса да, тангны атары къалмаз.
  • Эл ауузу – элия.
  • Ишни ахырын ойламай, аллын башлама.
  • Таукелге нюр джауар.
  • Ишленмеклик адамлыкъды.
  • Къарны аманнга къазан такъдырма, къолу аманнга от джакъдырма.
  • Тилчи бир сагъатха айлыкъ хата этер.
  • Акъыл бла адеб эгизледиле.
  • Билимли ёлмез, билимсиз кёрмез.
  • Тыш элде солтан болгъандан эсе, кесинги элде олтан болгъан игиди!
  • Эрни эр этерик да, къара джер этерик да, тиширыуду.
  • Кюн – узун, ёмюр – къысха.
  • Къалгъан ишге къар джауар.
  • Ачлыкъда тары гырджын халыуадан татлы.
  • Бетинги сатма, малынгы сат.
  • Кеси юйюмде мен да ханма.
  • Тин – байлыгъынг, терен саулугъунг.
  • Джаш болсун, къыз болсун, акъылы, саны тюз болсун.
  • Тенгни тенглиги джашай барсанг билинир.
  • Узун джолну барсанг, бюгюн келирсе, къысха джолну барсанг, тамбла келирсе.
  • Къазанда болса, чолпугъа чыгъар.
  • Хар адамгъа кеси миннген тау кибик.
  • Джарлыны эшигин махтагъан джабар.
  • Аман адамны тепсинге олтуртсанг, къызынгы тилер.
  • Термилгенинги табмазса, кюлгенинге тюберсе.
  • Юреннген ауруу къалмаз.
  • Джаралыны джастыгъында сау ёлюр.
  • Тау башында, тау болмаз, джангыз терек, бау болмаз.
  • Ач, тоймам, дейди, тойгъан, ач болмам, дейди.
  • Баш болса, бёрк табылыр.
  • Ачыкъ джюрекге джол – ачыкъ.
  • Ариу сёз – джаннга азыкъ, аман сёз – башха къазыкъ.
  • Бир абыннган – минг сюрюнюр.
  • Айтылгъан сёз ызына къайтмаз.
  • Эрине къаргъыш этген къатын, эрнин къабар.
  • Къартны бурнун сюрт да, оноугъа тут.
  • Ашхы атаны – джашы ашхы, ашхы ананы – къызы ашхы.
  • Иесиз малны бёрю ашар.
  • Арбаз сайлама да, хоншу сайла.
  • Къралынгы – душмандан, башынгы от бла суудан сакъла.
  • Джыгъылгъанны сырты джерден тоймаз.
  • Адеб этмеген, адеб кёрмез.
  • Сангырау къулакъ эл бузар.
  • Къартха ушагъан джаш – акъыллы, джашха ушагъан къарт – тели.
  • Хата – гитчеден.
  • Ханы къызы буюгъа-буюгъа киштик болду.
  • Адебни адебсизден юрен.
  • Душманны тышы – акъ, ичи – къара.
  • Бети бедерден, намыс сакълама.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 62 След.
RSS
Келигиз, тил байлыгъыбызны сакълайыкъ!
 
#51
Джаратама0
21.02.2008 15:55:46
ПТЮЧ
карачайча завидываю калай боллукту?
Сукъланама
 
 
 
#52
Джаратама0
21.02.2008 15:56:15
ПТЮЧ

Билгенликге джазаргъа сюймейди
 
 
 
#53
Джаратама0
21.02.2008 15:59:50
Девушка Гор
Сукланама адамлага карачайча иги сёлеше билгенлеге )))
Тюз айтыммы? ))


Къанамат
Солуйса сора
 
 
 
#54
Джаратама0
21.02.2008 16:05:02
ПТЮЧ
Тюз айтыммы?

Айтдыгъыз!
Энди къарачай-малкъар тилни юсюнден бир назму да джазсагъыз!
 
 
 
#55
Джаратама0
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик?
 
 
 
#56
Джаратама0
21.02.2008 16:13:36
ПТЮЧ
Сен а солумаймыса?
 
 
 
#57
Джаратама0
21.02.2008 16:25:27
кокетка
Игитда этебиз ушакъ! Бир кесекчикден! охому?
 
 
 
#58
Джаратама0
21.02.2008 16:40:31
СОРУУЛАРЫМЫ ХОЗЫРЛАЙМ СОРА
 
 
 
#59
Джаратама0
21.02.2008 16:41:45
Ана телим- тауларыми Къадау ташы, Намысыми, насыбыми сыйли башны, Ана телим- джюрегими булбул джары, Меллетими нюр чырагьы, сыйы, сыры. Таугъга-тюзге таб джарашхан ана телим, Кеб джер, суу да кере келген ана тилим, Ташча ауур,тюкча дженгил ана тилим, Дарман-дары бола билген ана тилим. Туздам кибик кирсиз, таза ана тилим. Туздам кибик кирсиз, таза ана тилим, Кекча-мийик, келча-тюбсюз ана тилим.
 
 
 
#60
Джаратама0
21.02.2008 16:43:05
смак
Бек ариу джазылгъанды!
 
 
 
#61
Джаратама0
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
 
 
 
#62
Джаратама0
21.02.2008 17:04:54
Девушка Гор
Сакълайбыз
 
 
 
#63
Джаратама0
21.02.2008 17:08:07
 
 
 
#64
Джаратама0
21.02.2008 17:46:32
Багъалы джамагъат! Бюгюн бизни ана тилибизни юсюндер бардыргъан ушагъыбызгъа Къарачай-Черкесс республиканы халкъ поэти, СССР-ни, РФ-ны да джазыучуларыны союзуну члени Сюйюнчланы Азамат къошулады.
 
 
 
#65
Джаратама0
21.02.2008 18:38:50
Ана тил хар халкъны да баш джорукъларыны бириди. Миллетни атын айтдыргъан шартлары, аны джери, ана тили, тин байлыгъы, адетлери боладыла. Къарачай-малкъар тил тюрк халкъланы дуниясында кесини байлыгъы, энчи ариулугъу бла тыйыншлы орун алады. Ол башха тиллени билирге ачхыч да, тылмач да болады. Мен кёб тюрлю тюрк миллтлени арасында айланганма, къазакъ, къыргъыз, тюркмен, тарат, гагауз, азербайджан, къумукъ, ногъай дагъыда ала кибик, ала бла тыйгъычсыз сёлешиб тургъанма. Ана тилни билгеними башыма уллу насыбха санайма. Ана тилни орта школда окъугъанма, артда баш билим алгъанма, кесим да кёб джылланы ана тил бла литератураны окъутуб тургъанма, школлада эмда университетде. Ана тилде дерс китабла, программала джазаргъа да къошулгъанма. джазгъан дерс китабла школлада кёб заманны хайырланадыла. Мен фольклор чыгъармала да джыйыб тургъанма, джомакъла, таурухла, джырла. Артыкъ да бек джыр жанрны бек сюеме. Эм белгили джырчыланы ауазларын эшитгенме, Къочхарланы Къасбот, Семенлени Исмаил, Ёзденлени Абугалий, Отарланы Омар... Ала бек аламат, фахмулу адамла эдиле. Литература артыкъ да бек мени джашау джолум болгъанды. Мен сабий заманымда ат, теке, адам суратла эте эдим. Школгъа баргъанымда таб къуралгъан назму сёзле мени эсими алыб, топуракъдан сёз суратлаугъа кёчген эдим.
 
 
 
#66
Джаратама0
21.02.2008 18:44:19
Багъалы форумчанла! Азаматны танымагъан адамлагъа суратын салайым!


[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs]
 
 
 
#67
Джаратама0
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
 
 
 
#68
Джаратама0
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма.
Ташкёпюр школну устазлары бла сохталарындан уллу салам береме Азаматха!!!
 
 
 
#69
Джаратама0
21.02.2008 18:49:42
Девушка Гор
Джазыучу болургъа 15 джылымда кесиме сёз берген эдим, не ючюн десегиз, ёмюрледен ёмюрге кёпюр болгъан литература миллетни азанчысыды, дерс китабыды деген оюмгъа келген эдим. Алай а мен ол сагъатда джазыучуну иши къыйын болгъанын билмей эдим. Джазыучу тюзлюк бла терсликни базманнга салыб, огъур ишлени кёлтюрюб, осал ишлени айгъакълаб, халкъны джумушчусу болгъанын артда эсгердим. Алай а, суратлай аманла зауукъландырыб мени бу джолгъа салгъан эдиле.
 
 
 
#70
Джаратама0
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме.
 
 
 
#71
Джаратама0
21.02.2008 18:52:34
Девушка Гор
Багъалы Азамат!
Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден?
 
 
 
#72
Джаратама0
21.02.2008 18:57:19
Алик турист
Мен ангылагъанга кёре, бусагъатда окъууну дараджасын кёлтюрюрге кърал проект барды. Ол программагъа кёре, дерслени иги окъутур ючюн, джангы программала, дерс китабла, альбомла, схемала басмаларгъа керекдиле. Бу иш республикаланы тамадаларыны къайгъырыулары бла тынаргъа керекди. Не ючюн десегиз, бусагъатда китаб чыгъарыу уллу джоюмла излейди, аны этерик къралны оноучулары къолгъа алыргъа керекдиле.
 
 
 
#73
Джаратама0
21.02.2008 19:01:41
Сюйюнчланы А
Багъалы Азамат! Мен да сорайым сорууму. Школда окъугъандан бери эсимде сизни "Игиликге ашыкъ, ашыкъ" деген назмуду. Тюзюн айтсам, бюгюн да эсимдеди. Кесигиз да сюе болурсуз, бир ишесис сиз аны:

Суу акъгъанлай, озар заман,
Ат чабханлай, ётер джашлыкъ
Аны сюрюб джетмез инсан,
Игиликге ашыкъ, ашыкъ!

Къалай ариуду къуш учхан,
Сен да аллай мийикге чыкъ.
Къайтыб келмез учхан заман -
Игиликге ашыкъ, ашыкъ!

Къадарынга кючлю къадал,
Джазу кюнюн бермез артыкъ.
Къойма артха, салма болджал.
Игиликге ашыкъ, ашыкъ!

Мурат тартады мийикге,
Насыб тартад алдан алгъа.
Ашыкъ, ашыкъ игиликге,
Адамлыкъ эт адамлагъа!
 
 
 
#74
Джаратама0
21.02.2008 19:03:42
Сюйюнчланы А
Мен эртеледе быллай сёз эшитген эдим:
Аллах бир къауум адамгъа, сёз ючюн джазыуучулагъа, сурат салыучулагъа эмда башхалагъа уллу фахмуну къуру кеслерини оюмларын, сагъышларын тюл - бютеу адамланы сагъышларын оюмларын да ариу суратлаб джазар ючюн бергенди.
Керти да бир-бирде ариу назмуну окъусанг: да бу мени сагъышларымдыла да дерча боласа.
Ол уллу борчну тындыргъан сизге къыйын тиемиди?
 
 
 
#75
Джаратама0
21.02.2008 19:09:34
Чип
Мени джазыучу тенглери, шохларым кёбдюле. Мечиланы Кязимден сора джазыучуланы барында бетден-бетге таныйма Шахмурзаланы Саид, Отарланы Керим, Кулийланы Къайсын, Залиханланы Жанакаит... шохларым эдиле. Бусагъатда джазыучуланы Созайланы Ахматны, Толгъурланы Зейтунну, Теппеланы Алимни, Шауайланы Хасанны, Додуланы Аскерни дагъыда башхаланы билеме, барыб - келиб турабыз. Мен бу шохлукъну байлыгъыма санайма. Малкъарда чыкъгъан китабла бизни республикагъа келирге керекдиле, бизникеле да Малкъаргъа табылыб турсала иги боллукъ эди.
 
 
 
Страницы: Пред. 1 2 3 4 5 ... 62 След.
Читают тему (гостей: 3)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.