Войти на сайт
25 Июня 2026 года

 

  • Тас болгъан бычакъны сабы – алтын.
  • Эки къатын алгъанны къулагъы тынгнгаймаз.
  • Юй кюйдю да, кюйюз чыкъды, ортасындан тюйюш чыкъды.
  • Ишин билген, аны сыйын чыгъарады.
  • Акъылсызны джууукъгъа алма, акъыллыны кенгнге салма.
  • Джангыз торгъай джырламаз.
  • Ханнга да келеди хариблик.
  • Чарсда алчыны эл кёреди.
  • Эшекни не къадар тюйсенг да, ат болмаз.
  • Адамны аманы адамны бети бла ойнар.
  • Тойчу джашха къарама, къойчу джашха къара.
  • Уллу суу бла уллу ауруудан башынгы сакъла.
  • Джиби бир къат джетмей эди да, эки къат тарта эди.
  • Дуния аламаты сен эсенг да, игиме деб айтма.
  • Терслик кетер, тюзлюк джетер.
  • Тай асырагъан, атха минер.
  • Ариу сёз – къылычдан джити.
  • Нафысынгы айтханын этме, намысынгы айтханын эт.
  • Кийиминг бла танылма, адамлыкъ бла таныл.
  • Терек ауса, отунчу – кёб.
  • Джашлыкъ этмеген, башлыкъ этмез.
  • Таукел адам тау тешер.
  • Адам къаллай бир ишленмесе, аллай бир кесин уллу кёреди.
  • Джылкъыдан – ат чыгъар, тукъумдан – джаш чыгъар.
  • Азыгъы аз, алгъа къабар, аты аман, алгъа чабар.
  • Зарда марда джокъ.
  • Асхат ашлыкъ сата, юйдегиси ачдан къата.
  • Тойгъа алгъа да барма, тойда артха да къалма.
  • Тюзлюк шохлукъну бегитир.
  • Иши джокъну, сыйы джокъ.
  • Келинин тута билмеген, къул этер, къызын тута билмеген, тул этер.
  • Тюзлюк тас болмайды.
  • Ашхы сёз таш тешер.
  • Ашда – бёрю, ишде – ёлю.
  • Къатыны харакетли болса, эри къымсыз болур.
  • Таш ата билмеген, башына урур.
  • Джарлы тюеге минсе да, ит къабар.
  • Аджашханны ызындагъы кёреди, джангылгъанны джанындагъы биледи.
  • Къобан да къуру да къобханлай турмайды, адам да къуру да патчахлай турмайды.
  • Тюзню ётмеги тюзде къалса да, тас болмаз.
  • Акъыллы айтыр эди, акъылсыз къоймайды.
  • Ишге юренсин къоллары, халкъ бла болсун джоллары.
  • Башы ишлегенни, ауузу да ишлер.
  • Аманнга алтын чыдамаз.
  • Чомарт бергенин айтмаз.
  • Къайтырыкъ эшигинги, къаты уруб чыкъма.
  • От кюйдюрген, сау болса да, тот кюйдюрген, сау болмаз.
  • Кёл – къызбай, къол – батыр.
  • Дууулдаса – бал чибин, къонса – къара чибин.
  • Башы джабылгъан челекге, кир тюшмез.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 62 След.
RSS
Келигиз, тил байлыгъыбызны сакълайыкъ!
 
#51
Джаратама0
21.02.2008 15:55:46
ПТЮЧ
карачайча завидываю калай боллукту?
Сукъланама
 
 
 
#52
Джаратама0
21.02.2008 15:56:15
ПТЮЧ

Билгенликге джазаргъа сюймейди
 
 
 
#53
Джаратама0
21.02.2008 15:59:50
Девушка Гор
Сукланама адамлага карачайча иги сёлеше билгенлеге )))
Тюз айтыммы? ))


Къанамат
Солуйса сора
 
 
 
#54
Джаратама0
21.02.2008 16:05:02
ПТЮЧ
Тюз айтыммы?

Айтдыгъыз!
Энди къарачай-малкъар тилни юсюнден бир назму да джазсагъыз!
 
 
 
#55
Джаратама0
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик?
 
 
 
#56
Джаратама0
21.02.2008 16:13:36
ПТЮЧ
Сен а солумаймыса?
 
 
 
#57
Джаратама0
21.02.2008 16:25:27
кокетка
Игитда этебиз ушакъ! Бир кесекчикден! охому?
 
 
 
#58
Джаратама0
21.02.2008 16:40:31
СОРУУЛАРЫМЫ ХОЗЫРЛАЙМ СОРА
 
 
 
#59
Джаратама0
21.02.2008 16:41:45
Ана телим- тауларыми Къадау ташы, Намысыми, насыбыми сыйли башны, Ана телим- джюрегими булбул джары, Меллетими нюр чырагьы, сыйы, сыры. Таугъга-тюзге таб джарашхан ана телим, Кеб джер, суу да кере келген ана тилим, Ташча ауур,тюкча дженгил ана тилим, Дарман-дары бола билген ана тилим. Туздам кибик кирсиз, таза ана тилим. Туздам кибик кирсиз, таза ана тилим, Кекча-мийик, келча-тюбсюз ана тилим.
 
 
 
#60
Джаратама0
21.02.2008 16:43:05
смак
Бек ариу джазылгъанды!
 
 
 
#61
Джаратама0
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
 
 
 
#62
Джаратама0
21.02.2008 17:04:54
Девушка Гор
Сакълайбыз
 
 
 
#63
Джаратама0
21.02.2008 17:08:07
 
 
 
#64
Джаратама0
21.02.2008 17:46:32
Багъалы джамагъат! Бюгюн бизни ана тилибизни юсюндер бардыргъан ушагъыбызгъа Къарачай-Черкесс республиканы халкъ поэти, СССР-ни, РФ-ны да джазыучуларыны союзуну члени Сюйюнчланы Азамат къошулады.
 
 
 
#65
Джаратама0
21.02.2008 18:38:50
Ана тил хар халкъны да баш джорукъларыны бириди. Миллетни атын айтдыргъан шартлары, аны джери, ана тили, тин байлыгъы, адетлери боладыла. Къарачай-малкъар тил тюрк халкъланы дуниясында кесини байлыгъы, энчи ариулугъу бла тыйыншлы орун алады. Ол башха тиллени билирге ачхыч да, тылмач да болады. Мен кёб тюрлю тюрк миллтлени арасында айланганма, къазакъ, къыргъыз, тюркмен, тарат, гагауз, азербайджан, къумукъ, ногъай дагъыда ала кибик, ала бла тыйгъычсыз сёлешиб тургъанма. Ана тилни билгеними башыма уллу насыбха санайма. Ана тилни орта школда окъугъанма, артда баш билим алгъанма, кесим да кёб джылланы ана тил бла литератураны окъутуб тургъанма, школлада эмда университетде. Ана тилде дерс китабла, программала джазаргъа да къошулгъанма. джазгъан дерс китабла школлада кёб заманны хайырланадыла. Мен фольклор чыгъармала да джыйыб тургъанма, джомакъла, таурухла, джырла. Артыкъ да бек джыр жанрны бек сюеме. Эм белгили джырчыланы ауазларын эшитгенме, Къочхарланы Къасбот, Семенлени Исмаил, Ёзденлени Абугалий, Отарланы Омар... Ала бек аламат, фахмулу адамла эдиле. Литература артыкъ да бек мени джашау джолум болгъанды. Мен сабий заманымда ат, теке, адам суратла эте эдим. Школгъа баргъанымда таб къуралгъан назму сёзле мени эсими алыб, топуракъдан сёз суратлаугъа кёчген эдим.
 
 
 
#66
Джаратама0
21.02.2008 18:44:19
Багъалы форумчанла! Азаматны танымагъан адамлагъа суратын салайым!


[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs]
 
 
 
#67
Джаратама0
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
 
 
 
#68
Джаратама0
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма.
Ташкёпюр школну устазлары бла сохталарындан уллу салам береме Азаматха!!!
 
 
 
#69
Джаратама0
21.02.2008 18:49:42
Девушка Гор
Джазыучу болургъа 15 джылымда кесиме сёз берген эдим, не ючюн десегиз, ёмюрледен ёмюрге кёпюр болгъан литература миллетни азанчысыды, дерс китабыды деген оюмгъа келген эдим. Алай а мен ол сагъатда джазыучуну иши къыйын болгъанын билмей эдим. Джазыучу тюзлюк бла терсликни базманнга салыб, огъур ишлени кёлтюрюб, осал ишлени айгъакълаб, халкъны джумушчусу болгъанын артда эсгердим. Алай а, суратлай аманла зауукъландырыб мени бу джолгъа салгъан эдиле.
 
 
 
#70
Джаратама0
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме.
 
 
 
#71
Джаратама0
21.02.2008 18:52:34
Девушка Гор
Багъалы Азамат!
Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден?
 
 
 
#72
Джаратама0
21.02.2008 18:57:19
Алик турист
Мен ангылагъанга кёре, бусагъатда окъууну дараджасын кёлтюрюрге кърал проект барды. Ол программагъа кёре, дерслени иги окъутур ючюн, джангы программала, дерс китабла, альбомла, схемала басмаларгъа керекдиле. Бу иш республикаланы тамадаларыны къайгъырыулары бла тынаргъа керекди. Не ючюн десегиз, бусагъатда китаб чыгъарыу уллу джоюмла излейди, аны этерик къралны оноучулары къолгъа алыргъа керекдиле.
 
 
 
#73
Джаратама0
21.02.2008 19:01:41
Сюйюнчланы А
Багъалы Азамат! Мен да сорайым сорууму. Школда окъугъандан бери эсимде сизни "Игиликге ашыкъ, ашыкъ" деген назмуду. Тюзюн айтсам, бюгюн да эсимдеди. Кесигиз да сюе болурсуз, бир ишесис сиз аны:

Суу акъгъанлай, озар заман,
Ат чабханлай, ётер джашлыкъ
Аны сюрюб джетмез инсан,
Игиликге ашыкъ, ашыкъ!

Къалай ариуду къуш учхан,
Сен да аллай мийикге чыкъ.
Къайтыб келмез учхан заман -
Игиликге ашыкъ, ашыкъ!

Къадарынга кючлю къадал,
Джазу кюнюн бермез артыкъ.
Къойма артха, салма болджал.
Игиликге ашыкъ, ашыкъ!

Мурат тартады мийикге,
Насыб тартад алдан алгъа.
Ашыкъ, ашыкъ игиликге,
Адамлыкъ эт адамлагъа!
 
 
 
#74
Джаратама0
21.02.2008 19:03:42
Сюйюнчланы А
Мен эртеледе быллай сёз эшитген эдим:
Аллах бир къауум адамгъа, сёз ючюн джазыуучулагъа, сурат салыучулагъа эмда башхалагъа уллу фахмуну къуру кеслерини оюмларын, сагъышларын тюл - бютеу адамланы сагъышларын оюмларын да ариу суратлаб джазар ючюн бергенди.
Керти да бир-бирде ариу назмуну окъусанг: да бу мени сагъышларымдыла да дерча боласа.
Ол уллу борчну тындыргъан сизге къыйын тиемиди?
 
 
 
#75
Джаратама0
21.02.2008 19:09:34
Чип
Мени джазыучу тенглери, шохларым кёбдюле. Мечиланы Кязимден сора джазыучуланы барында бетден-бетге таныйма Шахмурзаланы Саид, Отарланы Керим, Кулийланы Къайсын, Залиханланы Жанакаит... шохларым эдиле. Бусагъатда джазыучуланы Созайланы Ахматны, Толгъурланы Зейтунну, Теппеланы Алимни, Шауайланы Хасанны, Додуланы Аскерни дагъыда башхаланы билеме, барыб - келиб турабыз. Мен бу шохлукъну байлыгъыма санайма. Малкъарда чыкъгъан китабла бизни республикагъа келирге керекдиле, бизникеле да Малкъаргъа табылыб турсала иги боллукъ эди.
 
 
 
Страницы: Пред. 1 2 3 4 5 ... 62 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.