Войти на сайт
26 Июня 2026 года

 

  • Тамбла алтындан бюгюн багъыр ашхы.
  • Ишлемеген – тишлемез.
  • Азыгъы аз, алгъа къабар, аты аман, алгъа чабар.
  • Элиб деген, элге болушур.
  • Ашхы сёз таш тешер.
  • Къазанда болса, чолпугъа чыгъар.
  • Ашын ашагъанынгы, башын да сыйла.
  • Дуния аламаты сен эсенг да, игиме деб айтма.
  • Суу кетер, таш къалыр.
  • Кюл тюбюндеги от кёрюнмейди.
  • Ачыу алгъа келсе, акъыл артха къалады.
  • Бетинги сатма, малынгы сат.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Джарашыу сюйген – джалынчакъ.
  • Хар зат кесини орнуна иги.
  • Аман адамны тепсинге олтуртсанг, къызынгы тилер.
  • Тилчиден кери бол.
  • Тели турса – той бузар.
  • Иги адамны бир сёзю эки болмаз.
  • Кёбден умут этиб, аздан къуру къалма.
  • Кёзню ачылгъаны – иги, ауузну джабылгъаны – иги.
  • Мураты болгъанны джюрек тебюую башхады.
  • Билеги кючлю, бирни джыгъар, билими кючлю, мингни джыгъар.
  • Къралынгы – душмандан, башынгы от бла суудан сакъла.
  • Насыб бютеу халкъны юлюшюдю.
  • Хантына кёре тузу, юйюне кёре къызы.
  • Мал тутхан – май джалар.
  • Тёгюлген тюгел джыйылмайды.
  • Баш – акъыл ючюн, акъылман – халкъ ючюн.
  • Ишни ахырын ойламай, аллын башлама.
  • Кёлю джокъну – джолу джокъ.
  • Джюрек кёзден алгъа кёрюр.
  • Тил джюрекге джол ишлейди.
  • Бети бедерден, намыс сакълама.
  • Суу да къайтады чыкъгъан джерине.
  • Биреуню къыйынлыгъы бла кесинге джол ишлеме.
  • Иги болса, тамадама – махтау, аман болса, меннге – айыб.
  • Гырджын – тепсини тамадасы.
  • Тенгни тенглиги джашай барсанг билинир.
  • Аманны тукъумуна къарама, игини тукъумун сорма.
  • Душманны тышы – акъ, ичи – къара.
  • Тюкюрюк баш джармаз, налат кёз чыгъармаз!
  • Айтхан сёзюне табылгъан.
  • Эрине къаргъыш этген къатын, эрнин къабар.
  • Тынгылагъан тынгы бузар.
  • Бал ашаргъа сюе эсенг, чибин ургъаннга тёз.
  • Ата Джуртча джер болмаз, туугъан элча эл болмаз.
  • Ашхы – джыяр, аман – джояр.
  • Аман адам этегингден тутса, кес да къач.
  • Айныгъанлы алты кюн, тогъайгъанлы тогъуз кюн.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 18 19 20 21 22 ... 62 След.
RSS
Келигиз, тил байлыгъыбызны сакълайыкъ!
 
#476
Джаратама0
16.03.2008 19:28:37
Кергелен
Бу джулдузланы кёкде къалай табаргъа боллукъду? Сёз ючюн: акъраб джулдузну ушагъан зат этемиди, огъесе? Биле эсенг, бир айтсанг а?
 
 
 
#477
Джаратама0
16.03.2008 19:40:24
Акъыллычыкъ
КЪЫЗЫМКА. менге КЕЕЕб джылла болгънды,сизни тенгли къызчыгъым барды.
БЮГЮН- БЮГЕЧЕ ДА .окъуб. къараб. тынгылаб турама.
АНЫ себебли бир кесек затны билеме.
 
 
 
#478
Джаратама0
16.03.2008 19:42:45
КЕКде джулдузланы табар ючюн АСТРОНОМИЯны окургъа керекди.
 
 
 
#479
Джаратама0
16.03.2008 19:50:32
Кергелен

Сау бол, быллай керекли затла джазгъанынг ючюн. Тюзюн айтсам, мен да билмейме быланы барысын да. Астрономияны окъугъанма, алай а иги окъугъан болмаз эдим!
 
 
 
#480
Джаратама0
16.03.2008 19:55:28
Девушка Гор
ТАС болмагъз. кетсегиз. келе билмейсиз.
 
 
 
#481
Джаратама0
16.03.2008 19:57:01
ОЙ мен сизни эрикдирликме.!!!!!!!!
 
 
 
#482
Джаратама0
16.03.2008 20:00:47
Кергелен
ОЙ мен сизни эрикдирликме
Эрикдиргеегиз, ким огъай дерик эди? Миллетге керек затланы джазгъаныгъыз себебли, алтындан багъалысыз бизни темада! Джулдузланы юсюнден а уа биргеме олтургъанлагъа сорама да, киши билмейди, хар ким астрономиядан китаб къайдан табайыкъ деб чабхандыла.
 
 
 
#483
Джаратама0
16.03.2008 20:06:27
Интересно было бы узнать, что отдельные слова означают.
Слышу впервые.
БАЙРЫМ дж.--марс.

бир статьяда окъугъан эдим, Байрым Мариамны (христ. Мария) бир тюрлюсю болгъанын. Интересно, почему Марс так назвали?
 
 
 
#484
Джаратама0
16.03.2008 20:07:39
ТОТАЙ дж.--созвездие девы.
ХАЙДАР дж.--созвездие льва.

а что означают Тотай бла Хайдар? Лексическое значение есть какое-нибудь?
 
 
 
#485
Джаратама0
16.03.2008 20:13:16
Энди мен сизге МАГЪАДАНЛАНЫ джазарма
Т.Е.- полезные ископаемые
 
 
 
#486
Джаратама0
16.03.2008 20:15:20
sama
Бу сорууланы кимге бергин ахырсы, бек сагъышлы болдум? Юйде соруб да бир кёрейим. Сорсагъыз а сиз да билген адамлагъа, артда бери джазарсыз, охому?
 
 
 
#487
Джаратама0
16.03.2008 20:17:46
Кергелен
Энди мен сизге МАГЪДАНЛАНЫ джазарма
Сакълаб турлукъбуз! Табдым миллетге юй иш. Барыбыз да сагъыш эте турурбуз.
 
 
 
#488
Джаратама0
16.03.2008 20:19:20
Девушка Гор
ну, кое-что я нашла.))
Хайдар - это арабское, "лев", оказывется.
Катиб - тоже на арбском значит писец, писатель (в соврем.)

Сорсагъыз а сиз да билген адамлагъа, артда бери джазарсыз, охому?
болсун.
 
 
 
#489
Джаратама0
16.03.2008 20:27:39
sama
Къарачай-малкъар - орус сёзлюкде табдым бир сёзню. Къауал- ружье. Стрелецни шкогу болгъаны себебли айтылгъан болур къауал-стрелец деб Эсингден болмай тургъан затла кёб кёре эдим тёгерекде.
 
 
 
#490
Джаратама0
16.03.2008 20:30:23
Къауал- ружье. Стрелецни шкогу болгъаны себебли айтылгъан болур къауал-стрелец деб


продолжим поиски)))
 
 
 
#491
Джаратама0
16.03.2008 20:44:58
sama
акъраб-скорпион, биягъы сёзлюкде табдым. Бугъачар-молодой бычокду, бычок бла телец бир ушайдыла, аны ючюн болур бугъачар-телец
 
 
 
#492
Джаратама0
16.03.2008 21:08:55
Кергелен
КЕКде джулдузланы табар ючюн АСТРОНОМИЯны окургъа керекди.
Окъугъан а уа этгенме, алай а быллай джулдузланы юслеринден анда джукъ айтмай эдиле.
 
 
 
#493
Джаратама0
16.03.2008 21:18:17
Табдым менда бир таныш сёзню, балыкъ-чабакъ-рыбы
 
 
 
#494
Джаратама0
17.03.2008 02:40:35
ДЖЕРДЕН чыкъгъан МАГЪАДАНЛА эмда ХИМИЯ элементле.

АКЪ алтын--платина.
АКЪБУР--мел.
АКЪкъалай ---никель.
АКЪ джаухар--фианит.
АКЪ индер--колеманит.
АКЪ нюрджанат--бел. фосфор.
АКЪкюмюш- таллий.
АКЪ топракъ--бел. глина.
АЛА багъырташ--борнит.
АЛУ таш- алау болат--тантал
АДЖЮташ- гипс.
АЛТЫН--золото.
АЛТЫН болат--пирит.
АЛТЫН-гяухар--хризоберилл.
АУУР кюмюш.--барий.
АРГЪЫН -кекджанар---аргон.
АХЛАУ таш--березит.
АЧЫУ таш--квасцы.
БАГЪЫР--медь.
БАГЪЫР таш---малахит.
БАГЪЫРДЖАУХАР таш---селенит.
БЕРЮ темир---вольфрам.
БОЗБОЛАТ--ванадий.
БОЗГЯУХАР---висмут.
БОЗДЖАУХАР--кремний.
БОЛАТ-булат.
БОЗКЕМЮР--бурый уголь.
БОЗтемир---ниобий.
БОРКЪУН---водород.
БУЗАКЪ- САРЫ тылчы---фтор.
БУЗАКЪТАШ---флюарит.
 
 
 
#495
Джаратама0
17.03.2008 02:43:34
БУ биринчи кесегиди.
керекди десегиз къалгъанларын да джазарма.
 
 
 
#496
Джаратама0
17.03.2008 14:56:34
Кергелен
Бу барысыда къарачай сёзледиле деб къоясыз? Шашаргъа башлагъанма. Бирин да эшитген болмазмамы дейме
 
 
 
#497
Джаратама0
17.03.2008 16:06:00
Сорвиголова
Бирин да эшитген болмазмамы дейме
Къуру менме деб тура эдим аллай.
Акъ алтынны билеме, платинады, алтынны билеме, золотоду, болат да таныш сёздю, багъыр да, акъыл токъмакъ кёре эдим мен!
 
 
 
#498
Джаратама0
17.03.2008 16:31:45
Акъыллычыкъ
Машалла сеннге!
 
 
 
#499
Джаратама0
17.03.2008 18:14:44
SALAM ALEYKÜM!, -kesin bilip ana tilde sölşegen, MİLLETİNİ ADAMLARI!

Девушка Гор

Девушка Гор bu temanı açıp beg ullu iş etgense, sau_bol!

Bu temada,

Birinçi Üstad Batçalanı Alimni tanıganıganıma kuandım. Kesine bir ençi salamım bollukdu. Neg desegiz men da ol tukumnu adamıma. )))

Süyünçlanı Azamatha da ullu salam ete, Allahtan sauluklu uzun ömürle tileyme. Ariuw nazmuları bla tilibizni küçün-kuvvatın körgüzüb koygandı bizge.

Кергелен
Kökge boş karay köreyim biz! Neptün'nü ALTAU, Mars'nı BAYRIM bolganın da bilmey! ))) saubol-Кергелен.
 
 
 
#500
Джаратама0
17.03.2008 18:18:24
Батчаланы Али Мурат

keçigiz -erkin söleşirikme! ))
Salam Aleyküm Batça-ulu!
Men Türkiyada tuup ösgenme, batçaladanma. Aythanlarıça düniyaga caşil hansça cayılganbız. )) Tohtar Hadjini tudugu Lokman, anı tuudugu da men, Hidayet Bahçe'me. Bu forumda sizni bla tanışhanıma beg kuandım.

Tıyınşlı cüvapnı siz berrik bolursuz; -soruuum; Karaçay Tilde sözlük bar mıdı (Karaçay-Karaçay)? Cazılgan ese, kaysı alfabe bla cazılgandı? Latin harifle bla cazılganı bar mıdı? Ugay kril harifle bla cazılgan ese, internetdegi ceri kalaydadı?

Üniversitedegi posta adresigiz kalaydı? Sizge munda basmalathanım amatör (karaçay-türkçe katışık) jurnalıbızdan, iyerge izley edim.

Sauboluguz. Esenlikle tileyme.
 
 
 
Страницы: Пред. 1 ... 18 19 20 21 22 ... 62 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.