Эльбрусоид :: Форум :: Келигиз, тил байлыгъыбызны сакълайыкъ!

Ач, тоймам, дейди, тойгъан, ач болмам, дейди.
От кюйдюрген, сау болса да, тот кюйдюрген, сау болмаз.
Тилчиден кери бол.
Сёз къанатсыз учар.
Джангыз терек къынгыр ёсер.
Бети къызарыучу адамны, джюреги харам болмаз.
Ариу сёзде ауруу джокъ.
Юйюнгден чыкъдынг – кюнюнгден чыкъдынг.
Чомарт джарлы болмаз.
Эм ашхы къайын ана мамукъ бла башынгы тешер.
Ачны эсинде – аш.
Джашда акъыл джокъ, къартда къарыу джокъ.
Кёл ашады да, кеси ашады.
Сакъламагъан затынга джолукъсанг, не бек къууанаса, не бек ачыйса.
Уллу къашыкъ эрин джыртар.
Аманны тукъумуна къарама, игини тукъумун сорма.
Ашхы болсанг, атынг чыгъар, аман болсанг, джанынг чыгъар.
Ашхы сёз таш тешер.
Юй кюйдю да, кюйюз чыкъды, ортасындан тюйюш чыкъды.
Джаханимни кёрмей, джандетге кёл салмазса.
Аш берме да, къаш бер.
Тил бла келеди джыр да.
Джолунга кёре – джюрюшюнг, джагъанга кёре – юлюшюнг.
Душманны тышы – акъ, ичи – къара.
Бойнуму джети джерден кессенг да, мен ол ишни этеллик тюлме.
Келинин тута билмеген, къул этер, къызын тута билмеген, тул этер.
Ата джурт – алтын бешик.
Аз сёлешген, къайгъысыз турур.
Кёб джат да, бек чаб.
Адам къыйынлыгъын кёлтюрюр, зауукълугъун кёлтюрмез.
Кюлме джашха – келир башха.
Эки элинги тыйсанг, джети элде махталырса.
Билимли ёлмез, билимсиз кёрмез.
Тура эдим джата, къайдан чыкъды хата?
Бек ашыкъгъан меннге джетсин, дегенди аракъы.
Чалманны аллы къалай башланса, арты да алай барады.
Акъыл къартда, джашда тюйюлдю – башдады.
Чомартха хар кюн да байрамды.
Урунуу – насыбны анасы.
Ашхы тенг джолгъа салыр, аман тенг джолдан тайдырыр.
Аш иеси бла татлыды.
Къызны минг тилер, бир алыр.
Акъдан къара болмаз.
Экеулен сёлеше тура эселе, орталарына барыб кирме.
Ариу джол аджал келтирмез.
Булут кёкге джарашыу, уят бетге джарашыу.
Эр сокъур болсун, къатын тилсиз болсун.
Чыкълы кюнде чыкъмагъан, чыкъса къуру кирмеген.
Тамчы таш тешер.
Ауругъанны сау билмез, ач къарынны токъ билмез.

RSS

Келигиз, тил байлыгъыбызны сакълайыкъ!

Акъыллычыкъ Гость	#626 Джаратама0 31.03.2008 17:34:03 Aybazullu Как этимологизируются фамилии Соттаев, Созаев, Моккаев, Додуев, Доттуев, Этуев, Эбуев, Рахаев, Текаев?

Сорвиголова Гость	#627 Джаратама0 31.03.2008 20:15:11 Aybazullu Как переводится 'Чепелеу'? Как этимологизируются фамилии Соттаев, Созаев, Моккаев, Додуев, Доттуев, Этуев, Эбуев, Рахаев, Текаев? Тоба быллай затланы уа билмейме

Мышона

Гость

#628

Джаратама0

31.03.2008 20:41:31

Бир сейир зат окъудум, сизгеда айтайим:
Джау ийис
Эски Къарачайда джаз башында байрым кюн Байрым деген бир юйге барыб табыннгандыла. Ол кюн малла союб, джауларын отла этиб кюйдюргендиле. Нарт къабырланы къыркъ мёлек сакълайды, ол ийис ол мёлеклеге бла ёлгенлеге аш - суу болады деб ийнангандыла.

Акъыллычыкъ Гость	#629 Джаратама0 01.04.2008 14:55:04 Мышона Андан берими этиледи байрым кюн ийис?

Мышона Гость	#630 Джаратама0 01.04.2008 22:24:02 Акъыллычыкъ Андан берими этиледи байрым кюн ийис? Алай болур. Билмейме.

Мышона

Гость

#631

Джаратама0

01.04.2008 22:41:35

Джуртда джангыз терек
Къарачайда "Джангыз терек" деген бир нарат терекге табыныб болгъандыла. Анга элтиб къумашчыкъла, тюрлю-тюрлю затла такъгъандыла. Адамла игилик бер, ауруудан сакъла деген тилеклери къабыл болур ючюн, терекни джасагъандыла. Эрге барлыкъ, къатын аллыкъла харакет салгъандыла.
Сен таркъаймагъан терексе,
Кёгергенлей, саргъалмагъан терексе.
Сенден, кесингча, узун ёмюр тилейбиз,
Узун чуппа тилей келгенбиз,-дегендиле.

Девушка Гор Гость	#632 Джаратама0 01.04.2008 23:12:15 Сен таркъаймагъан терексе, Кёгергенлей, саргъалмагъан терексе. Сенден, кесингча, узун ёмюр тилейбиз, Узун чуппа тилей келгенбиз Чуппа- кечгинлик, болушлукъ

Кергелен

Гость

#633

Джаратама0

02.04.2008 00:21:56

САлам къызла , джашла.

Сорвиголова.

Меры объема для сыпучих тел .
Темирли-деревянное ведро с желез. обручем( Мерке)
Чара ичи- чашка больш. размера.
Гоппан ичемюч-- поменьше.
Битир аякъ--еще меньше.
Оймакъ ичи- самая маленькая мера.

Кертик елче-- чабанская палка для счета.

Манс--ремень дл-9-10метров-----джер елчелерге.
Чынды ремень----в длину кожи быка или буйвола.

Aybazullu Гость	#634 Джаратама0 02.04.2008 00:35:44 м-да... вроде карачаевцев, а половину... 90% слов не знакомо. круто(( Кергелен саубол ишинге! сеничала тилибизни тас этерге къоймайдыла, кёбюракъ келе тур... мен сёзлюк къураб да башлагъанма!)

Сорвиголова

Гость

#635

Джаратама0

02.04.2008 20:36:55

Кергелен
Темирли-деревянное ведро с желез. обручем( Мерке)
Чара ичи- чашка больш. размера.
Гоппан ичемюч-- поменьше.
Битир аякъ--еще меньше.
Оймакъ ичи- самая маленькая мера.

Кертик елче-- чабанская палка для счета.

Манс--ремень дл-9-10метров-----джер елчелерге.
Чынды ремень----в длину кожи быка или буйвола.

Сорвиголова Гость	#636 Джаратама0 02.04.2008 21:18:43 Бир сёзню да ангылымайма, тоба.

Акъыллычыкъ Гость	#637 Джаратама0 02.04.2008 22:25:28 Мерке- сосуд для измерениячего-либо величиной в стандартное ведро. Чара от чара табакъ , наверное , гоппан, оймакъ ангылашынады. Оймакъ - наперсток.

Девушка Гор

Гость

#638

Джаратама0

02.04.2008 22:38:28

Акъыллычыкъ
Машалла сеннге!

Сен айтмагъан бир затны джазайым:
Битир аякъ - битир - деб, мусульманда оразадан сора джарлылагъа юлюш чачханнга айтадыла. Битир аякъ деб, юлюшню берген аякъгъа айта болурма.

Девушка Гор

Гость

#639

Джаратама0

02.04.2008 22:41:35

Кергелен
Сау бол, быллай керекли затланы юсюнден джазгъанынга. Бюгюнлюкде бу сёзлени хайырландыргъанны къойгъанбыз да эсибизде да джокъдула. Сен джазгъанынгда уа, окъудукъ, аллай ёлчеле болгъанларын да билдик.

Aybazullu
мен сёзлюк къураб да башлагъанма!)

Сорууларынг болса бере тур, билгенибизча айтырбыз.

Кергелен

Гость

#640

Джаратама0

02.04.2008 23:24:59

Салам Таулула!!!

Сорвиголова[i

Бир сёзню да ангылымайма, тоба.

КЪарнашчыгъм, Къарачайда эркиши тоба демейди.

Тейри адамы деди, Оллахи дейди, Билляхи дейди, Къураанны хакъына дейди, КЪуран -Межгит хакъына дейди, Оллахи-Билляхи дейди.

Эркиши -эркишича селеширге керекди къанауланмай.

АЭЛИТА Гость	#641 Джаратама0 02.04.2008 23:31:44 Кергелен Эркиши -эркишича селеширге керекди къанауланмай Бойнуна алтын шынджыр да такъмай))))

Кергелен Гость	#642 Джаратама0 02.04.2008 23:45:05 АЭЛИТА Тагъа берсин , алтын сынджыр ючю кесин джюрюте билсе! Чыртданда айыб джокъду.

Сюйюнчланы А

Гость

#643

Джаратама0

03.04.2008 02:25:57

АНА ТИЛИ БАШЛАНАДЫ АНАДАН

Ана тили башланады
Ана деген сыйлы атдан,
Мен мамангма, дейди ана,
Эмчек сала баласына.

...Маман дейди анасына,
Пахан дейди атасына,
Фантан дейди эгечине,
Братан дейди къарнашына.

Старина дейд аккасына,
Бабка дейди аммасына,
Хамка дейди хоншусуна, -
Инанмасанг, сор да сына.

Тилбургъучну дерсин алыб,
Джаш сёлешед тили чалыб,
Къарачайгъа "гудбай" эте,
Ол кетеди СНГ-ге .

...Къайытады талай джылдан.
Юс кийими ? фасон, къолан.
Джангы тили ? япон, къытай,
Къыйналады сёлешалмай.

Пахан тылмач излейд чабыб,
Братан кюрешед атын айтыб,
Фантан джылайд эрнин къабыб,
Маман джылайд сарын салыб.

07.07.2001

Кергелен

Гость

#644

Джаратама0

03.04.2008 02:42:45

САУ келигиз АЗАМАТ ЭФЕНДИ!

Назмугъузну окъугъанымда джылагъан да кюлген да этдим.

Смех сквозь слезы.

Бек ушайды бизни бюгюн кюнюбюзге. Сау болугъуз.

Сыйлы АЛЛАХ тюзюне айландырсын бизни миллетни.

с

Девушка Гор

Гость

#645

Джаратама0

03.04.2008 18:06:01

Сюйюнчланы А
Хош келигиз, Азамат Алимович!
Бек керти суратлагъансыз бусагъат джашауну адамларын. Не айтыргъа да билмейме.

Эс бёлмесенг, ангылагъанда этмейсе джашауну былай аманнга кетиб баргъанын

Сорвиголова Гость	#646 Джаратама0 03.04.2008 19:12:30 Кергелен Эркиши -эркишича селеширге керекди къанауланмай

Fergie Гость	#647 Джаратама0 03.04.2008 21:50:56 спасибо что сделала мне почту девушка гор. от :

Девушка Гор Гость	#648 Джаратама0 03.04.2008 22:01:30 Fergie Не сау болу барды, къызчыкъ. Соруунг болса джаза тур.

Fergie Гость	#649 Джаратама0 03.04.2008 22:07:02 болсунг. саубол.девушка гор.

Кергелен Гость	#650 Джаратама0 04.04.2008 01:16:14 КЕЧЕ АШХЫ БОЛСУН ! ТИЛ байлыгъыбыз толгъанмыды? Огъосе таркъайямы турады ? Ай, аман сиз, бир чемюшчюк къошугъуз хар кирген.

Читают тему (гостей: 35)

Логин:
Пароль:
	Запомнить меня на этом компьютере

Забыли свой пароль?
Регистрация