Войти на сайт
11 Мая 2026 года

 

  • Этим кетсе да, сюегим къалыр.
  • Акъыл аздырмаз, билим тоздурмаз.
  • Ата – билек, ана – джюрек!
  • Айтхан – тынч, этген – къыйын.
  • Кюн кёрмеген, кюн кёрсе, кюндюз чыракъ джандырыр.
  • Ойнаб айтсанг да, эслеб айт.
  • Нёгер болсанг, тенг бол, тенг болмасанг, кенг бол.
  • Сютден ауузу кюйген, суугъа юфгюре эди.
  • Хунаны тюбюн къазсанг, юсюнге ауар.
  • Мухардан ач ычхынмаз.
  • Игини сыйлагъан адетди.
  • Чомартны къолун джокълукъ байлар.
  • Таукел къуру къалмаз.
  • Мал ёлсе, сюек къалыр, адам ёлсе, иши къалыр.
  • Ишин билген, аны сыйын чыгъарады.
  • Ач – эснер, ат – кишнер.
  • Къазанчы аман болса, къазаны къайнамаз.
  • Намысы джокъну – дуниясы джокъ.
  • Бозанг болмагъан джерге, къалагъынгы сукъма.
  • Къар – келтирди, суу – элтди.
  • Ишни аллы бла къууанма да, арты бла къууан.
  • Кийиминг бла танылма, адамлыкъ бла таныл.
  • Берекет берсин деген джерде, берекет болур.
  • «Ма», - дегенни билмесенг, «бер», - дегенни билмезсе.
  • Нарт сёз къарт болмаз.
  • Сыфатында болмагъаны, суратында болмаз.
  • Тилсиз миллет джокъ болур.
  • Ишлемеген – тишлемез.
  • Ачыкъ джюрекге джол – ачыкъ.
  • Оюмсуз атлагъан, аджалсыз ёлюр.
  • Ётюрюк хапар аякъ тюбю бла джюрюйдю.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Душманны тышы – акъ, ичи – къара.
  • Ётюрюкню къуйругъу – бир тутум.
  • Тилчиден кери бол.
  • Сабийни джумушха джибер да, ызындан бар.
  • Акъыл къартда, джашда тюйюлдю – башдады.
  • Керилген да, ургъан кибикди.
  • Аман адам этегингден тутса, кес да къач.
  • Айтылгъан буйрукъ, сёгюлмез
  • Тёзген – тёш ашар!
  • Кенгеш болса, уруш болмаз.
  • Ишлегенден, къарагъан уста.
  • Къумурсхала джыйылсала, пилни да джыгъадыла.
  • Сабий болмагъан джерде, мёлек болмаз.
  • Ашхы адам – халкъ байлыгъы, ашхы джер – джашау байлыгъы.
  • Ана къолу ачытмаз.
  • Джаным-тиним – окъуу, билим.
  • Ёлген эшек бёрюден къоркъмайды.
  • Джырчы джырчыгъа – къарнаш.

 

Архив Форума » Зеленый Форум [архив] » - ЗФ - Ана тилибизде
Страницы: 1 2 3 4 5 ... 62 След.
RSS
Келигиз, тил байлыгъыбызны сакълайыкъ!
 
#1
Джаратама0
20.02.2008 22:44:06
Тилин билмеген ёксюздю. Сыйлы Аллах хар адамгъа къол, аякъ бергенича тил да бергенди. Къарачай ? малкъар миллетге тюрк дунияда эм ариу, эм таза тил джетгенди. Олду миллетни байлыгъы, аны башха халкъладан айыргъан энчи шарты.
Тил байлыгъыбызны сакъларгъа, бизни, Къарачай-Малкъар джаш тёлюню кетген-келлик ёмюрлени алларында да эм уллу борчубузду. Бюгюнгю тилибиз бизни ата-бабаларыбызны сау джашауларыды, ала аны бизге кирсиз, ариу, бай этиб къойгъандыла. Энди сагъыш этейик, биз аланы осиятларын толтуралырбызмы, бизге къойгъанча биз да туудукъларыбызгъа тилибизни ол болумда къояллыкъбызмы?
 
 
 
#2
Джаратама0
20.02.2008 22:51:28
Тил - джюрекни тылмачыды. Адеб, адет, намыс да тилни юсю бла джол табадыла. Джамагъатны джашауунда тилни магъанасы бек уллуду.
Энди сагъыш этейик, биз аланы осиятларын толтуралырбызмы, бизге къойгъанча биз да туудукъларыбызгъа тилибизни ол болумда къояллыкъбызмы?
Кюреширге керекбиз, тутаргъа биз этмесек ол джумушну, ким этерикди?
 
 
 
#3
Джаратама0
20.02.2008 23:13:22
Махмуд
Тюз айтаса.
Ана тилим
Къарачай тилим-бай тилим,
Джулдуз тилим ай тилим.
Къарча тилим, Науруз тилим
Будуян тилим, Трам тилим.

Адурхай тилим, Боташ тилим,
Нарт тилим джаш тилим,
Кюн тилим, гюл тилим,
Ана тилим, тау тилим!.
 
 
 
#4
Джаратама0
20.02.2008 23:15:18
мен ма бу назмуну бек джаратама!

Тил

Сууну тили белгилиди...
Болуб да ачыкъ.
Тили адам билимлиди,
Толуча къабчыкъ.

Тилсиз таш да бир тил къозгъаб,
Тёнгерейди терк...
Джелсиз кюнде терек бузлаб...
Джукъ айтмайды, нек?

Мени тилим мийик гёзен,
Сёзюн ал да чач...
Тилсиз тюлдю бизде ёзен
Джырлайд таш, агъач.

Тилсиз джюрек ташлар кючюн,
Кюйгенча питил.
Адам эсин бошлар ючюн
Берилгенди тил.
 
 
 
#5
Джаратама0
20.02.2008 23:23:45
Сабий заманымда бир кёб назму биле эдим. Бусагъатха унутханма, эсиме тюшсе айтырма да?
 
 
 
#6
Джаратама0
20.02.2008 23:25:43
Менда бир бек джаратама "Тил" деген назмуну, андан сора да ма буну:

Джаным, тиним,
Ана тилим,
Сенден алдым
Окъуу-билим,
Анам берген,
Атам берген,
Халкъым сюйген
Ана тилим.
Джюрек толу
Сюймеклигим.
 
 
 
#7
Джаратама0
20.02.2008 23:29:43
Акъ_Беленькая
Мен да муну джазаргъа деб тура эдим. Экинчи классда окъугъан болурму эдик дейме бу назмуну?
 
 
 
#8
Джаратама0
20.02.2008 23:32:39
Акъыллычыкъ
Экинчи классда окъугъан болурму эдик дейме бу назмуну?

Аман эслилесиз! Мен экинчи классда биргеме окъугъанланы атларын да билмейме!
 
 
 
#9
Джаратама0
20.02.2008 23:35:36
менда хоума былай затгъа,бек керек темады бу
 
 
 
#10
Джаратама0
20.02.2008 23:41:22
къара
Мен да аны айтама, алай а эсимден бюгюнге къарагъанча назмула кетгендиле да къалгъандыла.
 
 
 
#11
Джаратама0
20.02.2008 23:42:17
Махмуд
не болдунг алан,джолда аджашыб мы къалдынг
 
 
 
#12
Джаратама0
20.02.2008 23:43:02
Акъыллычыкъ
хы менда сейрлик тура сенича болуб турама
 
 
 
#13
Джаратама0
20.02.2008 23:44:27
Тюшдю эсиме. Аламат назмуду бу уа.

Тау джуртуму ауазыса,
Миллетими хазнасыса.
Джашаууму къанатыса,
Ана тилим.

Халкъны джюрек азыгъыса,
Кюнча керек джарыгъыса.
Джукъланмазлыкъ чырагъыса
Ана тилим.

Азаймаз зем-зем сууса,
Эм мийик къудрет тауса.
Таркъаймазлыкъ къарыуса,
Ана тилим.

Мени уа бешик джырымса,
Джазыуум берген сырымса.
Багъалыса-тыбырымса
Ана тилим.
 
 
 
#14
Джаратама0
20.02.2008 23:47:49
Акъыллычыкъ
а кимни назмусуду бу ))))
 
 
 
#15
Джаратама0
20.02.2008 23:49:15
къара
Иги сордунг, назмуну кесин да кючден эсиме тюшюргенме
 
 
 
#16
Джаратама0
20.02.2008 23:52:18
къара
Акъыллычыкъ
а кимни назмусуду бу
Аджашдырмай эсем, бу назмуну Байрамукъланы Фатима джазгъанды
 
 
 
#17
Джаратама0
20.02.2008 23:58:31
Эринмей окъурукъ эсегиз, бир назму джазайым, керти джюрегинг аурурчады. Бек узунду, аны ючюн, къысхартыб джазама:

Эй! Ана тилим! Кете бараса,
Арыдан ары, кериден кери.
Болду узайгъанынг, энтда кеч тюлдю,
Кетме! Къайт! Тёллен ызынга, бери!

Мен сеннге сагъыш этгеним сайын,
Арал тенгиз да тюшед эсиме:
- Мени тилим да сенича сёнгюб
Барады, - дейме аны кесине...

Бар эди сени да бир заманынг,
Гоккалы джайча, битимли къашча.
Хар ким да сюе, сыйлай, балсыта,
Сен тил болгъанны барындан башча.

Игитда дейсе, башха тилледен,
Сёз хаух алмайек, сёлешир ючюн.
Кереклибизни ангылатыргъа,
Джетише эди ташыгъан кючюнг.

Шо, тюзюн бир айт! Сен бу болумда
Мычый турмайын, келиб орнунга,
Джазалырмыса энди "Акътамакъны",
"Къара кюбюрню" не "Сапиятны".

Сен тазалыкъдан, теренликден да,
Бола бараса эрекден эрек.
Не ючюн десенг, джангы тёлюге,
Болмайса, дейле, артыкъ бек керек.

Сени билгенле аздан-аз бола,
Керексиз сёзле тилде орун ала.
Сен, билмегенни къолунда - балта.
Джоннганынг сайын этесе хата.

"Къулакъ сюйюндю",-деб джазды басма,
"Къочхар макъырды",-деб джазды басма.
Архаизмге ийди гырмыкны,
Уадых эте, къургъакъ чыбыкъны.

Орунсуз махтау, оюмсуз сылтау,
Поэзияны этдиле тилкъау.
Проза эсе - андан да бытдыр,
Биринден ал да, бирине тутдур.

Анамдан къалгъан ёмюрлюк саугъам,
Сен да анам кибик сыйлыса, сёзсюз
Башха тиллеге не уста болсам да,
Сени билмесем - мен тилден ёксюз.

Эй ана тилим! Эс бёл халкъынга!
Джангыртыу чакъгъа джангыча къара.
Тилин билмеген кесин билмейди,
Кесин билмеген - хузумду-чола.

Ана сют кибик тазалаб таза,
Кесиме ышана, сеннге да база.
Сабийлериме бермесем сени,
Джокъду адамлыгъым, сыйым да мени.

Сен тюрк тиллени чынг эртдегили
Суу къошулмагъан таза джууурту.
Сенден къалгъанла узайгъандыла,
Ал лай чакъларын бираз унутуб.

Аны себебли, сени сакълауда,
Сыйлы борч бла терен магъана;
Не ючюн десенг, къалгъан тюрк тиллеге,
Сен ётер кёпюр, аумаз багъана!
 
 
 
#18
Джаратама0
21.02.2008 00:03:32
Девушка Гор
Бир ариу джазылгън назму кёре эдим
 
 
 
#19
Джаратама0
21.02.2008 00:06:08
Акъ_Беленькая
кертида сагъыш этерча затды
 
 
 
#20
Джаратама0
21.02.2008 00:06:39
Девушка Гор
Аны себебли, сени сакълауда,
Сыйлы борч бла терен магъана;
Не ючюн десенг, къалгъан тюрк тиллеге,
Сен ётер кёпюр, аумаз багъана!


Бек сагъышха ийди бу назму мени...
 
 
 
#21
Джаратама0
21.02.2008 00:09:51
Акъ_Беленькая
Алыб къарасанг, бизни тилибизге аталыб джазылгъан назмуланы ичлеринде барысы да алай ариула болурла. Хар тилни юсюнден да алайды. Сау болсунла джазыучуларыбыз, быллай иги чыгъармала джазгъанлары ючюн.
 
 
 
#22
Джаратама0
21.02.2008 00:11:42
Девушка Гор
ма бу да сенге, быллай керек теманы башлагъанынга!
 
 
 
#23
Джаратама0
21.02.2008 00:22:17
Махмуд
Мында уа къызгъанмайса гоккачыкъланы
 
 
 
#24
Джаратама0
21.02.2008 00:51:30
Девушка Гор
Бу кече алай джазарча да адам табылмаз деб сагъыш келди акъылыма... андан сора да, мен бош болгъан заманымы былайда турайим
 
 
 
#25
Джаратама0
21.02.2008 01:15:00
Экинчи классда окъугъан болурму эдик дейме бу назмуну?
Акъыллычыкъ алай болур эди
 
 
 
Страницы: 1 2 3 4 5 ... 62 След.
Читают тему (гостей: 5)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.