- Ашхы атаны – джашы ашхы, ашхы ананы – къызы ашхы.
- Тай асырагъан, атха минер.
- Игилик игилик бла сингдирилиучю затды.
- Сакъламагъан затынга джолукъсанг, не бек къууанаса, не бек ачыйса.
- Къазанчы аман болса, къазаны къайнамаз.
- Бек ашыкъгъан меннге джетсин, дегенди аракъы.
- Уллу суу бла уллу ауруудан башынгы сакъла.
- Башда акъыл болмаса, эки аякъгъа кюч джетер.
- Иги адам абынса да, джангылмаз.
- Кюн кёрмеген, кюн кёрсе, кюндюз чыракъ джандырыр.
- Джырчы ёлсе, джыры къалыр.
- Байма, деб да, къууанма, джарлыма, деб да, джылама.
- Джаралыны джастыгъында сау ёлюр.
- Къартха ушагъан джаш – акъыллы, джашха ушагъан къарт – тели.
- Айтхан – тынч, этген – къыйын.
- Хоншуну тауугъу къаз кёрюнюр, келини къыз кёрюнюр.
- Тура эдим джата, къайдан чыкъды хата?
- Къар – келтирди, суу – элтди.
- Нарт сёз – тилни бети.
- Аурууну келиую тынч, кетиую – къыйын.
- Бозанг болмагъан джерге, къалагъынгы сукъма.
- Ата Джуртуму башы болмасам да, босагъасында ташы болайым.
- Кёзюнде тереги болгъан, чёбю болгъаннга кюле эди.
- Кёзню ачылгъаны – иги, ауузну джабылгъаны – иги.
- Къазанны башы ачыкъ болса, итге уят керекди.
- Агъач – джерни чырайы, кийим – эрни чырайы.
- Эрине къаргъыш этген къатын, эрнин къабар.
- Кёб джашагъан – кёб билир.
- Джюрекге ариу – кёзге да ариу.
- Асхат ашлыкъ сата, юйдегиси ачдан къата.
- Ач уят къоймаз.
- Кесинге джетмегенни, кёб сёлешме.
- Тас болгъан бычакъны сабы – алтын.
- Ётюрюкню къуйругъу – бир тутум.
- Эркишини аманы тиширыуну джылатыр.
- Къызгъанчдан ычхыныр, мухардан ычхынмаз.
- Айныгъанлы алты кюн, тогъайгъанлы тогъуз кюн.
- Ётген ёмюр – акъгъан суу.
- Тёзгеннге, джабылгъан эшик ачылыр.
- Кенгеш болса, уруш болмаз.
- Ойнай билмеген, уруб къачар.
- Суугъа – таянма, джаугъа – ийнанма.
- Атлыны кёрсе, джаяуну буту талыр.
- Ариу сёз – джаннга азыкъ, аман сёз – башха къазыкъ.
- Ёлюк кебинсиз къалмаз.
- Адамны сабийин сюйген джюреги, бычакъча, джитиди.
- Къазанда болса, чолпугъа чыгъар.
- Аман адам этегингден тутса, кес да къач.
- Ашыкъгъан cуу, тенгизге джетмез.
- Тилде сюек болмаса да, сюек сындырыр.
Келигиз, тил байлыгъыбызны сакълайыкъ!
|
Кергелен
Ий бир зат сораим,айиб этмегиз ,къарачай тилни аннъылагъан бармысыз ???   21 ёмюрню сорууу! Предупреждать этерге керекди да,, былай сразым джыгъылтыб къоймай. |
|
|
|
|
|
Кергелен
Къарачайда хауа къалайды арабин? Бир иги эди хауа, бу эки кюнде бузулгъанды ансын.   Къарайма да, кёбге созуллукъ болмазла джангурла, ачыллыкъгъа ушайды кёк!  |
|
|
|
|
|
Акъыллычыкъ
Сау бол къызым, джуаб бергенинъ ючюн.  Шукур Аллаха! ДЖаныбыз мында болгъанлыкъгъа,тилегибиз андады.  |
|
|
|
|
|
всезнайка
|
|
|
|
|
|
Кергелен
неге кюлесиз, терс затмы джазгъанма7  |
|
|
|
|
|
"Г"---харифни къойюб"Д"харифден нек башлагъаса ?----деб
Огъесе ол сезлени джаратмаймыса? |
|
|
|
|
|
Кергелен
"Г"---харифни къойюб"Д"харифден нек башлагъаса ?----деб Огъесе ол сезлени джаратмаймыса? Башха джолгъа къойгъанма |
|
|
|
|
|
Бери аджашыб киргенлеге, УЛЛУ,ДЖЫЛЫ САЛАМ!!!!!!
|
|
|
|
|
|
Сау форумда бу теманы излеб келгенлеге да САЛАМ!
 |
|
|
|
|
|
излеп келдим
не бересиз ? не ариу зат айтасыз? |
|
|
|
|
|
АЭЛИТА
Да излеб келдинг эсе, хош кел! Ушагъыбызгъа къошулурунгу сакълайбыз. |
|
|
|
|
|
Акъыллычыкъ
Ушагъыгъызны магъанасы уа неди?)) |
|
|
|
|
|
АЭЛИТА
Ушагъыгъызны магъанасы уа неди?)) Ушагъыбызны магъанасы уа, къарачай-малкъар тилибизни унутулуб къалыргъа къоймайын, билгенибизни джазыб, билмегенлеге да юретиудю. |
|
|
|
|
|
САЛАМ ТАМАША КЪЫЗЧЫКЪЛА!!!!!!
Быллай эсли, быллай аламат сез анъылагъан инсан кергенмисиз? Дуниядан, джулдузладан, табийгъатдан!!!! Кет, "джаман " затла кез тиймесин, тю-тю-тю, . |
|
|
|
|
|
Кергелен
тю-тю-тю, . Присоединяюсь))))))))) |
|
|
|
|
кецхинлик.
Читают тему (гостей: 79)