Эльбрусоид :: Форум :: Келигиз, тил байлыгъыбызны сакълайыкъ!

Сабийликде юретмесенг, уллу болса – тюзелмез.
Алгъанда – джууукъ, бергенде – джау.
Адам сёзюнден белгили.
Джашны джигитлиги сорулур, къызны джигерлиги сорулур.
Тин – байлыгъынг, терен саулугъунг.
Аджаллыгъа окъсуз шкок атылыр.
Джаным-тиним – окъуу, билим.
Уллу сёзде уят джокъ.
Намысы болмагъанны, сыйы болмаз.
Сибиртки да сыйлы болду, кюрек да кюнлю болду.
Ариуну – ауруу кёб.
Арбаз сайлама да, хоншу сайла.
Накъырданы арты керти болур.
Къая джолда джортма, ачыкъ сёзден къоркъма.
Экеу тутушса, биреу джыгъылыр.
Мухардан ач ычхынмаз.
Биреуге аманлыкъны тилеме да, кесинге ашхылыкъны тиле.
Тойну къарнашы – харс, джырны къарнашы – эжиу.
Сютден ауузу кюйген, суугъа юфгюре эди.
Огъурлуну сёзю – суу, огъурсузну сёзю – уу.
Юреннген ауруу къалмаз.
Бал чибинни ургъаны – ачы, балы – татлы.
Душманны тышы – акъ, ичи – къара.
Аякъларынгы джууургъанынга кёре узат.
Адам бла мюлк юлешмеген эсенг, ол адамны билиб бошагъанма, деб кесинги алдама.
Таш ата билмеген, башына урур.
Джылкъыдан – ат чыгъар, тукъумдан – джаш чыгъар.
Хансыз джомакъ болмаз.
Эл тойса, тоймагъан, эл къойса, къоймагъан.
Акъылсызны джууукъгъа алма, акъыллыны кенгнге салма.
Тёгюлген тюгел джыйылмайды.
Эшекге миннген – биринчи айыб, андан джыгъылгъан – экинчи айыб.
Кёз – сюйген джерде, къол – ауругъан джерде.
Адамны аты башхача, акъылы да башхады.
Къарт бла баш аша, джаш бла аякъ аша.
Ашыкъгъанны этеги бутуна чырмалыр.
Уллу суу бла уллу ауруудан башынгы сакъла.
«Ёгюз, джаргъа джууукъ барма, меннге джюк боллукъса», - дегенди эшек.
Къарыусузгъа кюлме, онгсузгъа тийме.
Иесиз малны бёрю ашар.
Соргъан айыб тюлдю, билмеген айыбды.
Байлыкъ болгъан джерде, тынчлыкъ джокъду.
Къонакъ хазыр болгъанлыкъгъа, къонакъбай хазыр тюлдю.
Ариу сёзде ауруу джокъ.
Джыланны къуйругъундан басарынг келсе, аны башы болгъанын унутма.
Байны къызы баймакъ болса да, юйде къалмаз!
Эри аманны, къатыны – аман.
Къан бла кирген, джан бла чыгъар.
Аманнга алтын чыдамаз.
Аман хансны – урлугъу кёб.

RSS

Келигиз, тил байлыгъыбызны сакълайыкъ!

Кергелен

Гость

#801

Джаратама0

24.05.2008 20:40:56

Къарачайда хауа къалайды арабин?
Москвада суукъдан гирешебиз.

Келюбюзни келтюрюрге , хансланы атларын джазаим.

Абагъай--папоротник.

Абазакъоян--мальва.

Агъаз от--лотос.

Агъач къотур---лишайник.

Агъач тюк--мох.

Адай гюттю--алтей.

Адыракъ---имбирь.

Адыгей залыкъылды--рододендрон понтийский.

Акъбийче--чемерица белая.
АЙю бал---ландыш.

Акъкъусхан-- калла.

Акъ суусан---лилия белая.

Акъчакъкъан---акация белая.

Ала чичек--гиацинт.

Акъ юрге--белый клен.

Алпагъач---баобаб.

Аслан гюлю--эдельвейс.

Кергелен

Гость

#802

Джаратама0

26.05.2008 02:10:15

Кече ашхы болсун джамагъат!

Ий бир зат сораим,айиб этмегиз ,къарачай тилни аннъылагъан бармысыз ???

Гокгачыкъларымы тизеим, бир затха джарар эселе уа. :
Баббахан---одуванчик.

Бабалаш--ромашка.

Бадам--миндаль.

Байрым гокга--тубероза.

Байрым гюлю---иерихонская роза.

Байрым терек--пальма.

Бакаджан--индийская сирень

Балма--дерево которое растет в раю.

Балий--вишня, черешня.

Бал къамиш--сахарный тростник.

Балханий--медуница.

Безгек от--амброзия.

Бурун къанатыучу--лютик едкий.

Батыран--дурман.

всезнайка Гость	#803 Джаратама0 26.05.2008 08:55:04 Кергелен Ий бир зат сораим,айиб этмегиз ,къарачай тилни аннъылагъан бармысыз ??? 21 ёмюрню сорууу! Предупреждать этерге керекди да,, былай сразым джыгъылтыб къоймай.

Девушка Гор

Гость

#804

Джаратама0

26.05.2008 19:27:31

всезнайка
къарачай тилни аннъылагъан бармысыз ???
Тюз да айтханды тоба, Кергелен, бир-бир джазгъанларын окъусам, бу тилни къачан болса да билгенмеми дерча болама.

Кергелен
Къайдан табыб тураса быланы?

Бусагъат мен да бир излейим

Акъыллычыкъ Гость	#805 Джаратама0 26.05.2008 20:05:28 Кергелен Къарачайда хауа къалайды арабин? Бир иги эди хауа, бу эки кюнде бузулгъанды ансын. Къарайма да, кёбге созуллукъ болмазла джангурла, ачыллыкъгъа ушайды кёк!

Кергелен Гость	#806 Джаратама0 26.05.2008 20:57:42 Акъыллычыкъ Сау бол къызым, джуаб бергенинъ ючюн. Шукур Аллаха! ДЖаныбыз мында болгъанлыкъгъа,тилегибиз андады.

всезнайка

Гость

#807

Джаратама0

26.05.2008 21:33:19

сез хансланы юсюнден баргъаны себебли, мени да бир эки сез къощарым келеди
Далий-георгина
дангыл балий-полевая вишня
дангыл джилек-клюква
дарджана-рожь
дары бабылаш-аптечная ромашка
дары гин-фенхель
дары джууа-масленок
дарышын-корица
дина чапракъ-шерстистый подорожник
домалай-трюфель
дугъум-смородина
дугъума-мята
дууджана-горицвет весенний
дух тамыр-сыть
дорбун гуогум-дикий крыжовник
дух хауун-дыня-красномяска
дыгъылен-костяника
дыхтен\дыхтел-черемша
бот и псё на сегодня

Кергелен Гость	#808 Джаратама0 26.05.2008 21:49:19 всезнайка

всезнайка Гость	#809 Джаратама0 26.05.2008 21:54:01 Кергелен неге кюлесиз, терс затмы джазгъанма7

Кергелен Гость	#810 Джаратама0 26.05.2008 21:59:37 "Г"---харифни къойюб"Д"харифден нек башлагъаса ?----деб Огъесе ол сезлени джаратмаймыса?

всезнайка Гость	#811 Джаратама0 26.05.2008 22:13:02 Кергелен "Г"---харифни къойюб"Д"харифден нек башлагъаса ?----деб Огъесе ол сезлени джаратмаймыса? Башха джолгъа къойгъанма

Кергелен

Гость

#812

Джаратама0

26.05.2008 23:09:40

НЕДИ? НЕДИ?

БАЙРАМУКЪЛАНЫ Ф.

Халкъ неси бла халкъды? Бизге" къарачайлыма"деб айтдыргъан неди?
Къайсы шартладыла ? ДЖаныбыз тагъылыб тургъан Къобан, Теберди,
ДЖегетей,ГУМ езенлеми, огъесе теппелерин кекге тиреб тургъан тауламы? Неди бизни "таулума" деб ехтемлендирген?! Тартыу согъулса ,чыгъыб тебсерибиз келгенми? Айранны, нартюх гырджынны
джырнаны, бек эркелетиб ашагъныбызмы? Неди бизни къарачайлы этген? ТИЛИБИЗ? АДЕБ-НАМЫС шартларыбыз? Бир-бирибизге:"Алан.."
деб--селешгенибиз?!
Биз ,чилле джаулукъла да къысмагъан, къатапа чепкенле да киймеген,
бурунгулача ийнар айтада билмеген,кийиз басаргъа, боза этерге да юренмеген къауум, нек къарайбыз етген емюрлеге алай. неге эсе да
тансыкъ болгъанча, нени эсе да андан бери кечюрюрге излегенча?!
Къаныбызда болур аны сылтауу. Етген емюрде миллетни кермегени ,
чекмегени къалмагъанды. Ачлыкъ , токълукъ да хар таулу юйде болгънды къонакъ.
Игиликге ууаланыб,иги шартларын сакъларгъа
кюрешиб келген халкъ, джыйырма биринчи емюрге къуру миллет атын тюл, тилин, адеб-намыс шартларын, тин байлыгъын джюрегине.
джюрегине сыйындырыб етдюргенди.
Етген емюр къойгъан сынам ,аманы игиси бла да, халибизде, джашаугъа къараубузда, хар неге багъа бериуюбюзде кеб затыбызны тюрлендиргенди. Кеб таулу бюгюн тауларына сыйыныб
джашагъанны кеслерине азгъа санайдыла,кебле акъыллары-билимлери бла бютеудуния дараджагъа чыгъб, атларын, халкъны атын да иги бла айтдырадыла.....

Арабызда АНА тилибизни билмегенле да аз тюлдюле, АДЕБ--НАМЫС
джорукъларыбызны эскиге санагъанла да тюбейдиле, тин байлыгъыбыз бар-джокъ эсе да истемегенле да бардыла. Алай болса
да асламыбызны къаныбыз турады биягъынлай. ОЛ а, эски джырлагъа
да, чилле джаулукълагъа да ,етген емюрню башха ызларына да турады тансыкълай.
АДЕБ--НАМЫС урланган джыйырма биринчи емюрню ал джылларын да бурунгу къызны буюгъа билиуюн, намысына беклигин,ариулукъгъа табыныуун, къубулургъа ечлюгюн оюуларында сакълагъан чилле джаулукъну сакъламай не этгин?

Сейир тюлмюдю атанг-- ананг, халкъынг эсинде сакълагъан зат,сени
башынгдан етгенча болуб , джюрегинге емюрлюкге тюйрелиб къалгъаны.......

Кергелен Гость	#813 Джаратама0 27.05.2008 14:09:18 Бери аджашыб киргенлеге, УЛЛУ,ДЖЫЛЫ САЛАМ!!!!!!

Акъыллычыкъ Гость	#814 Джаратама0 27.05.2008 15:03:13 Сау форумда бу теманы излеб келгенлеге да САЛАМ!

АЭЛИТА Гость	#815 Джаратама0 27.05.2008 15:05:38 излеп келдим не бересиз ? не ариу зат айтасыз?

Акъыллычыкъ Гость	#816 Джаратама0 27.05.2008 15:12:08 АЭЛИТА Да излеб келдинг эсе, хош кел! Ушагъыбызгъа къошулурунгу сакълайбыз.

АЭЛИТА Гость	#817 Джаратама0 27.05.2008 15:13:43 Акъыллычыкъ Ушагъыгъызны магъанасы уа неди?))

Акъыллычыкъ Гость	#818 Джаратама0 27.05.2008 15:38:00 АЭЛИТА Ушагъыгъызны магъанасы уа неди?)) Ушагъыбызны магъанасы уа, къарачай-малкъар тилибизни унутулуб къалыргъа къоймайын, билгенибизни джазыб, билмегенлеге да юретиудю.

Акъыллычыкъ

Гость

#819

Джаратама0

27.05.2008 16:54:35

Келигиз джулдузланы атларын айтыб ойнайыкъ:
Чолпан чыкъды - танг атды,
Илкер батды - кюн къатды.

Аллай айтыу болуучу эди. Илкерле кёб джулдузладыла, кюз артында чыгъадыла. Кёгет джулдуз кюз артында кёрюнеди, ай саны бла келеди, акъырын, сора бир джанына батыб кетеди. Къой джол а - узун сынджыр джулдузла. Джылкъы джулдуз къыбылагъы тартса, джауун боллукъ тюйюлдю.....

Девушка Гор

Гость

#820

Джаратама0

27.05.2008 18:42:14

Джулдузлагъа атларын ушатыб айтхан болурла, хар бирин бир затха. Чёмючле деб беш - алты джулдузчукъ барды, былай къарасанг, формасы адам суу ичген аякъгъа ушайды. Къарачай джанында алагъа Чара джулдузла дей болурла дейме. Кёкню ортарагъында кёрюнюучюдюле.

Кергелен Гость	#821 Джаратама0 27.05.2008 22:21:04 САЛАМ ТАМАША КЪЫЗЧЫКЪЛА!!!!!! Быллай эсли, быллай аламат сез анъылагъан инсан кергенмисиз? Дуниядан, джулдузладан, табийгъатдан!!!! Кет, "джаман " затла кез тиймесин, тю-тю-тю, .

АЭЛИТА Гость	#822 Джаратама0 27.05.2008 22:23:09 Кергелен тю-тю-тю, . Присоединяюсь)))))))))

Акъыллычыкъ

Гость

#823

Джаратама0

27.05.2008 22:28:11

Мен дагъыда билеме.

Сюрюучю джулдуз деб, былай, кюн узуннгу айланнган заманда, бир-бирде кёрюннген джулдузгъа айтадыла. Темир-Къазакъгъа къараб, джол таныб тургъандыла алгъын. Ылышыкъ джулдуз деб да барды. Ылышыкъ еб чабакъны уллусуна айтадыла.

Эгоистка

Гость

#824

Джаратама0

27.05.2008 22:34:15

Джамагъат, бир сорлугъум барды. Кёб болмайын бир сёз эшитгенме да, аны айтхан адам эски къарачай сёздю дейди. Мен а уа аллайны ёмюрюмде да эшитмегенме.

Голпу - деб, неге айтадыла? Болушсагъыз, бек разы боллукъ эдим.

всезнайка Гость	#825 Джаратама0 27.05.2008 22:54:24 Эгоистка Голпу - деб, неге айтадыла? Болушсагъыз, бек разы боллукъ эдим. Эшитгеним-билгеним тюлдю, кецхинлик. Акъыллычыкъ Келигиз джулдузланы атларын айтыб ойнайыкъ: Мен былай тюу деген заманга аланы атларын тизеийм, сора оинай-оинай турурсуз. охому? ай-луна акъ джулдуз-сириус акъраб дж.-скорпион алтау дж.-нептун ашхам дж.-вечерняя венера баирым дж.-марс балыкъ дж.-созвездие рыбы боюнсхала-созвювесов бугъачар-телец гида-созв.ориона гёгенчи-созв.водолея гочар-овен джер земля джулдуз-звезда джетегеили-большая медведица илкер-созвездие плеяды катиб дж.-меркурий кегет дж-стожары керууан къыргъан-юпитер кюн-солнце къандауур-кентавр къауал-стрелец къой джол-млечный путь къыбла дж.-канопус марытла-1.созв.лебедь,2. малая медведица покъун дж.-козерог сарыгъаила-малая медведица сарытон\сюрюучю дж.-сатурн танг дж.-утренняя венера темиркъазыкъ-полярная звезда тотай дж.-созвюдевыхаидар дж.-созв.льва тору аигъыр, сары аигъыр-звезды из созв.Большой медведицы чартан дж.-созв рака чолпан-венера эгиз дж.-плутон эштар-восьмиконечная звезда Энди десертге бир анекдот джазаиым. Экеулен тюбегендиле.Бири бирине соргъанды: -Сколько на небе звездей? -Не звездей, а звездов -Таких словей не бывает

Читают тему (гостей: 115)

Логин:
Пароль:
	Запомнить меня на этом компьютере

Забыли свой пароль?
Регистрация