Войти на сайт
30 Июня 2026 года

 

  • Мухардан ач ычхынмаз.
  • Азыгъы аз, алгъа къабар, аты аман, алгъа чабар.
  • Аш берме да, къаш бер.
  • Ашхы адам – халкъ байлыгъы, ашхы джер – джашау байлыгъы.
  • Къатын байлыкъны сюер, эр саулукъну сюер.
  • Акъыллы айтыр эди, акъылсыз къоймайды.
  • Къазанчы аман болса, къазаны къайнамаз.
  • Намысы болмагъанны, сыйы болмаз.
  • Сакъламагъан затынга джолукъсанг, не бек къууанаса, не бек ачыйса.
  • Мураты болгъанны джюрек тебюую башхады.
  • Махтаннган къыз, тойда джукълар.
  • Ашына кёре табагъы, балына кёре къалагъы.
  • Джахил болса анасы, не билликди баласы?
  • Адам туугъан джеринде, ит тойгъан джеринде.
  • Аллахха ийнаннган кишини, Аллах онгдурур ишин.
  • Аман адам этегингден тутса, кес да къач.
  • Сууда джау джокъ, кёб сёзде магъана джокъ.
  • Арбаз сайлама да, хоншу сайла.
  • Адам сёзюнден белгили.
  • Ишлегенден, къарагъан уста.
  • Рысхы – сют юсюнде кёмюк кибикди.
  • Адебсиз адам – джюгенсиз ат.
  • Ёлюк кебинсиз къалмаз.
  • Мени джылытмагъан кюн, меннге тиймесин!
  • Уллу суу бла уллу ауруудан башынгы сакъла.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Чакъырылгъанны аты, чакъырылмагъанны багъасы болур.
  • Элде адам къалмаса, ит тахтагъа минер.
  • Бети бедерден, намыс сакълама.
  • Ёгюзню мюйюзюнден тутадыла, адамны сёзюнден тутадыла.
  • Кёзню ачылгъаны – иги, ауузну джабылгъаны – иги.
  • Джюрек кёзден алгъа кёрюр.
  • Къарын къуру болса, джюрек уру болур.
  • Игилик игилик бла сингдирилиучю затды.
  • Ауругъанны сау билмез, ач къарынны токъ билмез.
  • Адам боллукъ, атламындан белгили болур.
  • Намыс сатылыб алынмайды.
  • Адамны артындан къара сабан сюрме.
  • Ата джурт – алтын бешик.
  • Ётюрюкню къуйругъу – бир тутум.
  • Эте билген, этген этеди, эте билмеген, юретген этеди!
  • Чакъырылмай келген къонакъ сыйланмай кетер.
  • Къозулугъунда тоймагъан, къойлугъунда тоймаз.
  • Джигер – джаннга къыйынлыкъ.
  • Билмегенинги, билгеннге сор.
  • Джаз бир кюнню джатсанг, къыш талай кюнню абынырса.
  • Кёб къычыргъандан – къоркъма, тынч олтургъандан – къоркъ.
  • Адам къаллай бир ишленмесе, аллай бир кесин уллу кёреди.
  • Къобан да къуру да къобханлай турмайды, адам да къуру да патчахлай турмайды.
  • Тенгинг джокъ эсе – изле, бар эсе – сакъла!

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 36 37 38 39 40 ... 62 След.
RSS
Келигиз, тил байлыгъыбызны сакълайыкъ!
 
#926
Джаратама0
17.06.2008 00:13:39
Кергелен
Вечердеми эдигиз сиз да? Мен кёрмей къалай къалгъанма?
Всезнайка бла уа танышханма! Къууаннганым ичиме сыйыныб бошамайды алкъынчы! Сизни да келлигигизни билсем, шик юсюнде сакъларыкъ болсам да, тюбемей а къаллыкъ тюл эдим!
 
 
 
#927
Джаратама0
18.06.2008 01:43:31
ШОШ КЕЧЕЛИ БОЛУГЪУЗ, БАГЪАЛЫ ДЖЕРДЕШЛЕРИМ!!!

Да къызла, бу уллу къуанчда тюбеширге буюрмады АЛЛАХУ ТАГЪАЛА . Кели къуанчха сау -эсен джетсек.,тюбейбиз ИНШАЛЛА.
 
 
 
#928
Джаратама0
18.06.2008 01:58:20
БАЙРАМУКЪЛАНЫ ХАЛИМАТ.

БИЛМЕЙМЕ.

Не ючюн сюеме халкъымы ?

Бу сорууну берселе,

Этеллик тюлме джуаб.

Билмейме,

Сюемеми хауаны сууну,

Аласыз а къалай джашарма ? Айт.


Ана тилим ,не ючюн сюеме сени?

Бу соруугъа этеллик тюлме джууаб.

Анамдан бек сюймегенме кишини.

Алай некме къайдан билейим, айт.


Не ючюн сюеме, туугъан джерим, сени?

Этеллик тюлме бу соруугъа джууаб.

Тилим бла джаларчама хар элинги.

Алай некме? Къайдан билейим, айт.
 
 
 
#929
Джаратама0
18.06.2008 16:27:20
Кергелен
Да къызла, бу уллу къуанчда тюбеширге буюрмады АЛЛАХУ ТАГЪАЛА . Кели къуанчха сау -эсен джетсек.,тюбейбиз ИНШАЛЛА.
Аллах айтса!
 
 
 
#930
Джаратама0
19.06.2008 01:51:50
АБЕЗЕК

Тепсейдиле къарачайлыла,
Кюнлери, келлери джарыкъ.
Арбаз толу той чайкъалады,
Танга дери барлыкъ.
Ууаладыла, ууаладыла,
Ойнайдыла кезледе кезле...
Аякъла уа алай барадыла,
Тиймеген кибик джерге.

Абезек тепсеу--тепсеу башыды,
Сюйген тепсеую къарачайлыланы.
Кимни джюреги гыб--гыб этмейди,
Согъулуб эшитсе аны ?!
Аталарыбыз ,аналарыбыз да
Тепсегендиле муну.
Кебле барсала да абезек чыкъгъанды
Экеуленге деб къуру.

Къайда болса да, бир бош джерледе,
Айтылмаз ючюн сюймеклик сезле,
Къолну къолгъа тутдуруб, абезек
Онг бериб тургъанды селеширге.
Бири шыбырдай ,бири тынгылай,
Санла да тохтамай ойнай,
Сюймеклик тойда туууб тургъанды,
Джангы ай кекде туугъанлай.

Абезекде кебдю магъана,
Къарачы анга, сынаб :
Сан къымылдауну ариулугъу да,
Турады болуб сурат.
Къолла къоллагъа ,къаты къысылыб,
Кезле кезледе ойнай,
Тепсейдиле къарачайлыла,
Джюрек джюрекге джырлай.

Байрамукъланы Халимат.
 
 
 
#931
Джаратама0
19.06.2008 21:36:23
Кергелен

Ай къыз а двухтомникге йие болгъан болурму деиме?
 
 
 
#932
Джаратама0
19.06.2008 21:41:33
всезнайка

Салам Къызчыкъ!

Болгъанма , къарачай томгъа ийе .
Эки томну келтюрюр къарыум джокъ эди, бирни тюбюнде къалмам деб алгъанем.))))))))
 
 
 
#933
Джаратама0
19.06.2008 21:43:00
Кергелен
всезнайка

Салам Къызчыкъ!

Болгъанма , къарачай томгъа ийе .
Эки томну келтюрюр къарыум джокъ эди, бирни тюбюнде къалмам деб алгъанем.))))))))



Салам уа рахматуллахи.Аллах хаиырын берсин!
 
 
 
#934
Джаратама0
19.06.2008 21:45:44
всезнайка

Бу кюнледе, КЪарачайда къара суудан ичиб ,блай джюрегинъ бир
сеннъереди--алай болуб турама.
 
 
 
#935
Джаратама0
19.06.2008 21:49:40
Кергелен

всезнайка

Бу кюнледе, КЪарачайда къара суудан ичиб ,блай джюрегинъ бир
сеннъереди--алай болуб турама.


Кесим да алай болуб турама, биз джашагъан раионда хауа да бир аманды, къатыбызда нефтеперерабатывающий завод да барды, хар не игиликни юсюне да.
 
 
 
#936
Джаратама0
19.06.2008 22:32:48
всезнайка

Къызчыкъ, Москвада ариу хаууасы болгъан район къалмагъанды.
Машиналадан шашыб къалабыз, тюз адам джюрюр джол джокъду.
ДЖашил хансха уялмай машинаны салгъан этедиле.
Алгъын бир 5 дж. алгъа букъу къонса сары эди, бу сагъатда --къара
джалын.
 
 
 
#937
Джаратама0
19.06.2008 22:39:22
Кергелен
Алгъын бир 5 дж. алгъа букъу къонса сары эди, бу сагъатда --къара
джалын.
Бот-бот, кёб джылланы къууанч эте джашагъыз.Терезе сюртсенг, къара джалын.Ол ичибизге да барады да, тютюнчюлени ёпкелерича болкргъа тебирегенди ичибиз. бычакъ бла къырыб алырча къурумну.
 
 
 
#938
Джаратама0
20.06.2008 00:19:00
ХАЛКЪНЫ АДЕТЛЕРИНДЕН ЭТЮДЛЕ.

Байрамукъланы Халимат.

Адетни ,намысны юсюнден хар халкъны кесини университети барды.
Ол университетни кафедралары кебдюле; тамадагъа сый бериу, къарыусузну эслеу, юйде, джамагъатда да кесин джюрюте билиу,
дагъыда былача кеб зат.
Адет, намыс халкъны ичинде емюрле бла бегийдиле.Закон болуб, къагъытгъа тюшмегенликге, джамгъатда хар адам аланы тутаргъа,
сакъларгъа борчлуду, аланы тутмагъан адам адамгъа саналмайды.
Халкъны джюреги къачан да ариулукъну излегенлей турады--
адет, намыс тутханы да аны себеблиди.
Халкъны халкъ этиб тутхан адетлерибиз унутулмазгъа керекдиле.
Ким биледи , мени ызымдан келлик адам бу теманы теренине кирир эсе уа.
 
 
 
#939
Джаратама0
20.06.2008 22:11:10
ОНГ ДЖАНЫ БЛА СОЛ ДЖАНЫ.

Хар бир халкъны халисинде кезге ачыкъ тюртюлюб калмагъан ышанла бардыла. Ол ышанла кече- кюн джашауну не къадар ариу этерге излемекликни кергюзедиле. Уллу гитчени сыйын тюшюрмезча,
гитче да уллунукъун сакъларгъа бизни халкъда адетле алай къуралгъндыла. Бу затда ОНГ джаны бла СОЛ джанына уллу эс беледиле.
Эки къарачайлы джолда келе тура еселе, онг джанындагъы сол
джанындагъындан тамада болгъанын бил,алгъы бурун аны къолун
тутаргъа керексе. Ючеулен бара эселе (эркиши, тиширыу да болсунла)
ортасындагъы аланы ичинде эм тамадады. Ючюнчю онг джанында
баргъан эм кичилериди, бу бир джары джанласа,онг джанында тамада
къалыр ючюн барады алай.
Джолда тиширыу бла эркиши бара эселе, ишленген эркиши тиширыуну
онг джанына салыб джюрюйдю. Къызы бла атасы бара эселе, къызы
сол джанында барыргъа керекди.
Атаны, ананы уа къызлары бла джашлары къуру да онг джанларына
салыб джюрютюрге керекдиле.
Хар неде да онг джанына сый бериледи:юйге киши адам кирсе,аны
юйню терюне--онг джанына олтуртадыла, алгъы бурун онг дженгин ,онг
чурукъну киедиле . Тешинселе да ,алай этедиле.
 
 
 
#940
Джаратама0
22.06.2008 00:48:16
ИНЪИР АШХЫ БОЛСУН ХОМУХЛА!!!


Кириб окъургъа да эринесиз не?

Бетни ачыб къарагъанда этмегенсиз.

Сизни ючюн деб кюрешеме бери бир джукъ джазыб Аллахайнан.

Бир сезни керсегиз, окъсагъызда хайыр эди деб.

Сау къалыгъыз мен бара- бараим.
 
 
 
#941
Джаратама0
22.06.2008 22:41:39
Кергелен
ИНЪИР АШХЫ БОЛСУН ХОМУХЛА!!!


Кириб окъургъа да эринесиз не?
Мен киреме, алай а Сизден сора. не аитыргъа билмей къалама.
 
 
 
#942
Джаратама0
23.06.2008 13:54:40
всезнайка
Кергелен
Ай къыз а двухтомникге йие болгъан болурму деиме?
Мен да болгъан эдим двухтомникге йие , кёбге бармады къууанчым ансын Бизни бла бирге поездде, Москвадан келе Батчаланы Тамара да келе эди. Ол фахмулу тиширыу бла эртдеден бери танышыргъа термилиб тура эдим. Ол бизни купеге келиб, назмуларын да окъуду, барыбыз да анга эс ийб тынгыладыкъ. Эсигизде эсе Тамара джыйылыугъа Байрамукъланы Халиматны юсюнден хапар айтыргъа баргъан эди! Кесида аламат сёлешген эди анда! Джюрекге тие... Тамара "Менге Халиматны двухтомниги джетмегенди"-дегенинде бир тюрлю болгъан эдик купедегиле! Алыб къарасанг, биз, "Эльбрусоидде" ишлегенле энтда да табарбыз быллай китабла дегенни айтыб, SOFIKOSHKA бла мен анга саугъа этдик! Мен орус тилде томну, Софа уа къарачай томну бердик Тамарагъа! Бир кёрге эдигиз аны къууаннганын, сабийчикча!
 
 
 
#943
Джаратама0
23.06.2008 17:30:19
Ёмюрде киши джазмагъанча,
Сюеме, назму джазсам,
Ёмюрде киши айтмагъанча,
Кёлюмдегин айталсам.

Ёмюрде киши сюймегенча,
Сюеем, сени сюйсем,
Сен менсиз джашаялмазча,
Джюрегинге кирелсем.

Ёмюрде киши танымазча,
Экибиз бир болуб къалсакъ,
Сен менде, мен да сенде эрий,
Алай джашасакъ!

(Байрамукъланы Халимат)
 
 
 
#944
Джаратама0
23.06.2008 21:27:26
Меннге уа двухтомник? Байрамукъланы Халиматны назмуларын кёб окъугъанма, хапарларын да. Аллай китабым болса библиотекамда огъайым джокъ эди! Къайда табаргъа боллукъду аны? Чыртданда болмаса, окъургъа берирмисиз къызла?!
 
 
 
#945
Джаратама0
24.06.2008 20:30:34
Акъыллычыкъ
Меннге уа двухтомник? Байрамукъланы Халиматны назмуларын кёб окъугъанма, хапарларын да. Аллай китабым болса библиотекамда огъайым джокъ эди!
Аз бек сюймез эдинг
Чыртданда болмаса, окъургъа берирмисиз къызла?!
Къайдам тоба, этелге эдим аллай затны, кёрюрбюз. Кесим окъуб бир бошайым! Тюнене хапарларын окъугъанма да "Къайын ана 20-чы ёмюрге кёре тюл эсе" бир кёб джылагъанма. Кергелен
всезнайка бир окъурсуз заманыгъыз болса...
 
 
 
#946
Джаратама0
26.06.2008 22:33:10
Девушка Гор

ДЖарашдырыб окъудум,сен айтханны этиб. Оюм этерча хапарды.

Бусагъатда андан да сейир болур., къайын ана бла келинни арасы.
Джашау......
 
 
 
#947
Джаратама0
26.06.2008 22:38:07
Кергелен
Джашау......
Аллай эркишилеге уллу айыб этгенден сора билмейме, туугъан анасын аллай джашаугъа джетдирирге къалай болады. Ол хапарны болгъан къызла джашла да окъусала разы эдим.
 
 
 
#948
Джаратама0
26.06.2008 22:58:18
Девушка Гор

Тюз айтаса, акъыллы къызым. Алай а мен джашаумда бир затны анъылагъанма --ата-ана башха джашаргъа керекдиле ,ара татлы болур ючюн. Узакъ болмай. Къартлагъа замансыз къартлыкъ келиб
къалады. Ауругъан болса бир ишди, саулугъу болгъан адамлагъа ол
бек къыйын тиеди джумушу, оноуу къолундан кетсе.
Сиз джашсыз алкъын аланы джюреклерин анъылагъан къыйынды.
Сюймекликни, туудукъну джылыуу ол бир башхады.
 
 
 
#949
Джаратама0
27.06.2008 22:15:40
Кергелен
Тюзюн айтсам мен алай сагъыш этмейме, кеслери "биз кесибиз турургъа излейбиз"- деб айыргъынчы келинни борчу алагъа къараргъады деб келеди кёлюме. Былай айтсам хар ким кесинг юйдеги къурасанг кёрюрбюз дейдиле, джашау къалай боллугъун киши да билмейди, алай а мени кёлюме келгени алайды.
 
 
 
#950
Джаратама0
28.06.2008 00:06:43
САЛАМ ДЖЕРДЕШЛЕРИМ.!!!

Девушка Гор

Къызым, бек тюз иннетли муратларынъ бардыла.Къууанч бла джет ол
кюннъе.
Мени къарт АНАМ 101джыл джашагъанды, елюр айына дери кесин
джюрютюрге кюрешиб. Киши андан джугъун аямай эди, алай а ол
кесини юйюнден къызына кетсе ,къонакъ болуб джунчуб къала эди,
аурлугъум тиеди деб.
 
 
 
Страницы: Пред. 1 ... 36 37 38 39 40 ... 62 След.
Читают тему (гостей: 5)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.