Эльбрусоид :: Форум :: Келигиз, тил байлыгъыбызны сакълайыкъ!

Ауругъанны сау билмез, ач къарынны токъ билмез.
Эринчекни эр алмаз, эр алса да, кёл салмаз, кёл салса да, кёб бармаз!
Ата Джуртча джер болмаз, туугъан элча эл болмаз.
Чомарт джарлы болмаз.
Къолунгдан къуймакъ ашатсанг да, атаны борчундан къутулмазса.
Арбаз къынгырды да, ийнек сауалмайма.
Аджашханны ызындагъы кёреди, джангылгъанны джанындагъы биледи.
Къонакъ аман болса, къонакъбай джунчур
Айырылгъанланы айю ашар, бёлюннгенлени бёрю ашар.
Тешигини къатында, чычхан да батыр болур.
Аууз сакълагъан – джан сакълар.
Намысы болмагъанны, сыйы болмаз.
Джерни букъусу кёкге къонмаз.
Баш – акъыл ючюн, акъылман – халкъ ючюн.
Къолу уллу – асыу, аягъы уллу – джарсыу.
Нёгерсизни джолу узун.
Билмегенинги, билгеннге сор.
Танг атмайма десе да, кюн къоярыкъ тюйюлдю.
Адам сёзюнден белгили.
Къыз чыгъаргъан – къызыл къымжа.
Джетген къыз джерли эшекни танымаз.
Иесиз малны бёрю ашар.
Айранын берсенг, челегин да къызгъанма.
«Ёгюз, джаргъа джууукъ барма, меннге джюк боллукъса», - дегенди эшек.
Айран тёгюлсе, джугъусу къалыр.
Акъыл бла адеб эгизледиле.
Байлыкъ тауусулур, билим тауусулмаз.
Байлыкъ болгъан джерде, тынчлыкъ джокъду.
Сютню башын джалагъан къутулур, тюбюн ичген тутулур.
Ёлмесенг да, къарт дамы болмазса?
Тили узунну, намысы – къысха.
Ёлюр джаннга, ёкюл джокъ.
Бетинги сатма, малынгы сат.
Башсыз урчукъ тюзюне айланмаз.
Ашхы болсанг, атынг чыгъар, аман болсанг, джанынг чыгъар.
Тил – кесген бычакъ, сёз – атылгъан окъ.
Ачыу алгъа келсе, акъыл артха къалады.
Ётюрюк хапар аякъ тюбю бла джюрюйдю.
Ойнай билмеген, уруб къачар.
Телиге акъыл салгъандан эсе, ёлгеннге джан салырса.
Ач келгенни – тойдур, кеч келгенни – къондур.
Тенгинг джокъ эсе – изле, бар эсе – сакъла!
Ёксюзню тилеги къабыл болур.
Джарлыны эшигин махтагъан джабар.
Ауузу бла къуш тута айланады.
Накъырда – кертини келечиси.
Татлы сёз – балдан татлы.
Гитче джилтин уллу элни джандырыр.
Шапа кёб болса, аш татымсыз болур.
Сормай – алма, чакъырылмай – барма.

RSS

Келигиз, тил байлыгъыбызны сакълайыкъ!

Кергелен

Гость

#1326

Джаратама0

05.01.2009 01:23:59

Акъыллычыкъ

Бир юйюрню джангы кюеулери , къаинларына къысха-къысха джюрюгенди. Къаинла гыбырыракъ адамла болур эдиле,кюеучюклерине: татлы кел кюеу, татлы кел- дегендиле.

Аллаин мен да ,татлы келирге изледим болур, сора кесим да еслемегенлей узакъгъа созулуб къалды.

Акъыллычыкъ Гость	#1327 Джаратама0 05.01.2009 01:32:45 Сизни хар кюн сайын келгенигизди татлы быллай темалагъа. Мен, алан тилибизден бир хапарлы болайым деб кирсем, сорууларыма джууаб киши этмейди. Сора, джаш тёлю тилни билмейди дейдиле.

Кергелен

Гость

#1328

Джаратама0

05.01.2009 01:37:10

Эртденли джазгъан затларымы къазыб кюрешеме.

Къутас деген сезню магъанасын табыб анга сеирсине турама.
Къутас---джал, чач--густая грива, густые волосы -деб джазылады бизни сезлюкледе.

Къутас--пучок белого конского волоса, который привязывался к головному убору всадника или к шее лошади для украшения.

Бии мийик болса, къулу къутас болу.--Если князь велик,то слуга- его украшение.

Акъыллычыкъ Гость	#1329 Джаратама0 05.01.2009 01:59:53 Кергелен Бешик бауунг бек болсун, сух болсун, Джашау кюнюнг кёб болсун, хус болсун. Бу эки сёзню магъанасын ангылатсагъыз а? Излегенли бир талай заман болады

7km Гость	#1330 Джаратама0 05.01.2009 02:40:55 Акъыллычыкъ Бешигинг хаманда да СУХОЙ болсун Джашауунгда да ХУСЕЙ деб бир джаш болсун деген магъанада... атым Хусей тюлдю, но сабий сагъатымда эркелетиб Хусюся деучен эдиле))

Кергелен

Гость

#1331

Джаратама0

05.01.2009 03:03:31

Акъыллычыкъ
Къызчыкъ, да мен сени соруунга джуаб излей барыб ,тюртюлгенме къутас деген сезге, тоба кесими сезлюгмде да ,къалгъан эски китаблада да табалмайма. Бу сезле эшта, НАРТЛАРЫБЫЗДАН къалгън болурла.

Излерикме, ишексиз бол.

Девушка Гор Гость	#1332 Джаратама0 05.01.2009 03:34:59 7km Бешигинг хаманда да СУХОЙ болсун Джашауунгда да ХУСЕЙ деб бир джаш болсун

Кергелен Гость	#1333 Джаратама0 05.01.2009 04:20:40 Джанларым , кеб солудугъуз. Джерлерибизни, сууларыбызны, тау башларыбызны, чыранларын , эсигизге тюшюрюб, китабы болгъан -окъуб,хазыр болугъуз джазаргъа.

Девушка Гор Гость	#1334 Джаратама0 05.01.2009 04:24:13 Хар заманда да хазырбыз!

Акъыллычыкъ Гость	#1335 Джаратама0 05.01.2009 05:14:37 Джерлерибизни, сууларыбызны, тау башларыбызны, чыранларын , эсигизге тюшюрюб, китабы болгъан -окъуб,хазыр болугъуз джазаргъа. Сакълайбыз

Кергелен

Гость

#1336

Джаратама0

05.01.2009 12:49:43

Къарачай бла Малкърны джерлери КАВКАЗ ТАУЛАДА узунуна 350 км барад

КЮН батхан бла, КЮН чыкъгъанны арасында. АХМАТ КЪАЯ бла
СУКУН БАШЫ---чеклеридиле (границы )
Карачай Кавказ тауланы КЮН батхан джеридиле, Малкъар а,арасы-
Центральный Кавказ.
ШИМАЛДАН---КЪБЛАГЪА ---100 км. созуладыла джерлерибиз.
Къарачай да Малкъарда 18 минг кв км. джуукъду.
Бизни джерибиздеди Кавказны эм мийик Тау баши ---МИНГИ ТАУ.
5642 м . н. у. мор. Балтийского.---0 м.
КЮН чыкъгъада ---бешмингликле --Коштан -Тау, Дых-Тау, МИжирги.

Шхара .....

Кергелен

Гость

#1337

Джаратама0

05.01.2009 13:21:55

ЧЫРАНЛА---ЛЕДНИКИ.

Къарачайда ---352 чыран белгилиди.
Малкъарда-----385чыран барды.

Чыранла сууланы башларында (в верховьях рек) Псыгансу,Черек Безенг.,Черек Балк,Чегем, Басхан,Малка,Кобан, Теберди, Акъсаут, Маруха ,Уллу Зеленчюк, Уллу Лаба

Кавказда эм узун 17км----УЛЛУ ЧЫРАН (Безенгийский).
Кавказда эм уллу суу---Къобанды узунлугъу --941 км.

Сизден тилерим-- Къобанга къошулгъан сууланы атларын джазыгъыз.

Акъыллычыкъ Гость	#1338 Джаратама0 06.01.2009 01:01:54 Сизден тилерим-- Къобанга къошулгъан сууланы атларын джазыгъыз Теберди бла Худесни билеме.

Кергелен

Гость

#1339

Джаратама0

06.01.2009 03:12:29

Къобан башланган джерден башлаикъ.

Уллу Кам+Уллу Хурзук,
Худес, Дуут,
Мара, Теберди,
Гитче Зеленчюк,
Уллу Зеленчюк,
Уруп,
Лаба.
Джегетей.
Бла барыда Къобанга къошулуб, Къара Тенгизге тюшедиле.
Мен уллу сууланы джазгъанма ,сиз билген сууланы да къошарыкъбыз къууаныб.

Кергелен Гость	#1340 Джаратама0 06.01.2009 03:22:43 Малкъарда эгечлерибиз, къарнашларыбыз, Сиз , Каспий Тенгизге саркъгъан сууларыгъызны джазсагъыз, бек разы боллукъ эдик!

Девушка Гор Гость	#1341 Джаратама0 08.01.2009 05:43:41 Кергелен Кесигиз джазыб къоярмы эдигиз, киши келликге ушамайды. Бизни уа билирибиз келеди.

Кергелен

Гость

#1342

Джаратама0

08.01.2009 20:02:06

Да хомухла энди кесигизни эллеригизни къатларында сууланы атларын джазаргъа да эринесиз не?
Мен эринмейме

Ма сизге энтда чокъракъ сууларыбызны атлары.:
Учкулан,+Кертмели. Махар,Гаралы-Къол,
Нызылы-Къол, Рынджи, +Кардоник, Архыз, София,
Кяфар+къызгъыч, Псыш,
Индиш, Джалан -Къол,
Акъсаут,
Муху,
Муруджу,
Аманауз,
Алибек,
Гондарай,
Гелеулю,
Эльтаркъач,
Таллыкъ,
Къызыл-Къала,
Джагъанас,

Мезгич--Таш-Кепюр эл
Уллу Шупшурукъ, Гитче Шупшурукъ---Акъ-Къала.
Къамишли -Къулакъ--Кумуш.

Бу суула барыда Къобанга къошулуб,Къара Тенгиз таба саркъадыла
* ******************************
Кичи-Балыкъ,Элькъуш,Схауат- Хасаут .---бу суула Терек таба айланадыла Къарачайдан.

КУМ--Кума,+

ГУМ--Подкумок + Эшкакон, узуну-150 км ,бири-бирине къошулуб,Каспий Тенгизге агъадыла.

Девушка Гор Гость	#1343 Джаратама0 08.01.2009 20:07:12 Быллай бир cуубузда бармыды?

Кергелен Гость	#1344 Джаратама0 08.01.2009 20:52:31 Мезгич--Таш-Кепюр эл Кергенмисе бу сууну? Девушка Гор

Къандауур Гость	#1345 Джаратама0 08.01.2009 21:10:22 Бичесин тюзден онг джанына кеткен сула барыда Казбий тенгизге саркъала,сол джанына кеткеле уа Къара тенгизге саркъала.

Кергелен

Гость

#1346

Джаратама0

09.01.2009 01:32:00

Къандауур

Да, плато Бичесын, является водоразделом. Одни реки с Минги-Тау текут на запад,другие на восток.

Эркинлик берсегиз Малкъарны сууларын да тизиб къоярем.

Огъосе кесигиз джазым, барыбызны да къуандырырмы эдигиз не?

Девушка Гор Гость	#1347 Джаратама0 09.01.2009 01:45:02 Мезгич--Таш-Кепюр эл Кергенмисе бу сууну?

Девушка Гор Гость	#1348 Джаратама0 13.01.2009 01:24:05 7km Керексиз ушагъыбызны кетергенме

Акъыллычыкъ Гость	#1349 Джаратама0 23.01.2009 03:53:41 Мезгич--Таш-Кепюр эл Кергенмисе бу сууну? Мен мезгич деб, джерни атына айтадыла деб тургъанма.

7km Гость	#1350 Джаратама0 23.01.2009 05:32:35 Девушка Гор Керексиз ушагъыбызны кетергенме нек акъс)? бизни ол терен магъаналы ушагъыбыз, тил байлыгъыбызны сакъларгъа болушмаймыды экен)))?

Читают тему (гостей: 11)

Логин:
Пароль:
	Запомнить меня на этом компьютере

Забыли свой пароль?
Регистрация