- Сакъ юйюне сау барыр.
- Арпа, будай – ащды, алтын, кюмюш а – ташды.
- Юйюнг бла джау болгъандан эсе, элинг бла джау бол.
- Малны кют, джерни тюрт.
- Акъыллы эркиши атын махтар, акъылсыз эркиши къатынын махтар.
- Сабыр джетер муратха, сабырсыз къалыр уятха.
- Ёнгкюч къууана барыр, джылай келир.
- Аджашхан тёгерек айланыр.
- Джылыгъа джылан илешир.
- Акъыл неден да кючлюдю.
- Къайтырыкъ эшигинги, къаты уруб чыкъма.
- Махтаннган къыз, тойда джукълар.
- Аманнга игилик этсенг, юйюнге сау бармазса.
- Къарт болгъан джерде, берекет болур, сабий болгъан джерде, оюн болур.
- Тюзню ётмеги тюзде къалса да, тас болмаз.
- Ётюрюкчюню шагъаты – къатында.
- Айранны сюйген, ийнек тутар.
- Эски джаугъа ышанма.
- Ашхы – джыяр, аман – джояр.
- Биреу ашаб къутулур, биреу джалаб тутулур.
- Окъугъан – асыу, окъумагъан – джарсыу.
- Адамгъа аман кюн соруб келмейди.
- Кёбге таш атма.
- Иги болса, тамадама – махтау, аман болса, меннге – айыб.
- Аууз сакълагъан – джан сакълар.
- Эртде тургъан бла эртде юйленнген сокъуранмаз.
- Аман эсирсе, юйюн ояр.
- Эл тойса, тоймагъан, эл къойса, къоймагъан.
- Аджал соруб келмез, келсе, къайтыб кетмез.
- Джумушакъ сёз къаты таякъны сындырыр.
- Тай асырагъан, атха минер.
- Сёз къанатсыз учар.
- Келгинчи, къонакъ уялыр, келгенден сора, къонакъбай уялыр.
- Адебни адебсизден юрен.
- Тин – байлыгъынг, терен саулугъунг.
- Эки элинги тыйсанг, джети элде махталырса.
- Дуния мал дунияда къалады.
- Кимни – тили, тиши онглу, кимни – къолу, иши онглу.
- Юйюнгден чыкъдынг – кюнюнгден чыкъдынг.
- Къатыны харакетли болса, эри къымсыз болур.
- Хоншуну тауугъу къаз кёрюнюр, келини къыз кёрюнюр.
- Ким бла джюрюсенг, аны кёзю бла кёрюнюрсе.
- Юй ишлеген балта эшикде къалыр.
- Ёлмесенг да, къарт дамы болмазса?
- Дуния малгъа сатылма, кесингден телиге къатылма.
- Билмезни кёзю кёрмез, этмезни къулагъы эшитмез.
- Мен да «сен», дейме, сен да «кесим», дейсе.
- Намыс сатылыб алынмайды.
- Кюлме джашха – келир башха.
- «Ёгюз, джаргъа джууукъ барма, меннге джюк боллукъса», - дегенди эшек.
Келигиз, тил байлыгъыбызны сакълайыкъ!
|
Кергелен
Бешик бауунг бек болсун, сух болсун, Джашау кюнюнг кёб болсун, хус болсун. Бу эки сёзню магъанасын ангылатсагъыз а? Излегенли бир талай заман болады ![]() |
|
|
|
|
|
Акъыллычыкъ
Бешигинг хаманда да СУХОЙ болсун Джашауунгда да ХУСЕЙ деб бир джаш болсун деген магъанада... атым Хусей тюлдю, но сабий сагъатымда эркелетиб Хусюся деучен эдиле)) |
|
|
|
|
|
7km
Бешигинг хаманда да СУХОЙ болсун Джашауунгда да ХУСЕЙ деб бир джаш болсун ![]() |
|
|
|
|
|
Джанларым , кеб солудугъуз.
Джерлерибизни, сууларыбызны, тау башларыбызны, чыранларын , эсигизге тюшюрюб, китабы болгъан -окъуб,хазыр болугъуз джазаргъа. ![]() |
|
|
|
|
|
Хар заманда да хазырбыз!
![]() |
|
|
|
|
|
Джерлерибизни, сууларыбызны, тау башларыбызны, чыранларын , эсигизге тюшюрюб, китабы болгъан -окъуб,хазыр болугъуз джазаргъа.
Сакълайбыз ![]() |
|
|
|
|
|
Сизден тилерим-- Къобанга къошулгъан сууланы атларын джазыгъыз
Теберди бла Худесни билеме. ![]() |
|
|
|
|
|
Малкъарда эгечлерибиз, къарнашларыбыз, Сиз , Каспий Тенгизге саркъгъан сууларыгъызны джазсагъыз, бек разы боллукъ эдик!
![]() |
|
|
|
|
|
Кергелен
Кесигиз джазыб къоярмы эдигиз, киши келликге ушамайды. Бизни уа билирибиз келеди. ![]() |
|
|
|
|
Быллай бир cуубузда бармыды? ![]() |
|
|
|
|
|
Мезгич--Таш-Кепюр эл
Кергенмисе бу сууну? Девушка Гор ![]() |
|
|
|
|
|
Бичесин тюзден онг джанына кеткен сула барыда Казбий тенгизге саркъала,сол джанына кеткеле уа Къара тенгизге саркъала.
|
|
|
|
|
|
Мезгич--Таш-Кепюр эл
Кергенмисе бу сууну? ![]() |
|
|
|
|
|
7km
Керексиз ушагъыбызны кетергенме ![]() |
|
|
|
|
|
Мезгич--Таш-Кепюр эл
Кергенмисе бу сууну? Мен мезгич деб, джерни атына айтадыла деб тургъанма. ![]() |
|
|
|
|
|
Девушка Гор
Керексиз ушагъыбызны кетергенме нек акъс)? бизни ол терен магъаналы ушагъыбыз, тил байлыгъыбызны сакъларгъа болушмаймыды экен)))? |
||||
|
|
|
|||
Читают тему (гостей: 6)







