Войти на сайт
1 Июля 2026 года

 

  • Уясында не кёрсе, учханында аны этер.
  • Билмезни кёзю кёрмез, этмезни къулагъы эшитмез.
  • Кёбню кёрген – кёб билир.
  • От этилмеген джерден тютюн чыкъмайды.
  • Битмегеннге сакъал – танг.
  • Ариуну – ауруу кёб.
  • Чомартны къолун джокълукъ байлар.
  • Билимден уллу байлыкъ джокъду.
  • Тенгни тенглиги джашай барсанг билинир.
  • Адамны адамлыгъы къыйынлыкъда айгъакъланады.
  • Кийимни бичсенг, кенг бич, тар этген къыйын тюлдю.
  • Къыйынлы джети элге оноу этер.
  • Байлыкъ келсе, акъыл кетер.
  • Эски джаугъа ышанма.
  • Баш болса, бёрк табылыр.
  • Биреуню къыйынлыгъы бла кесинге джол ишлеме.
  • Чоюнну башы ачыкъ болса, итге уят керекди.
  • Бозаны арты дауур болур.
  • Къайгъыны сюйген, къайгъы табар.
  • Ишлегенде эринме, ишде чолакъ кёрюнме.
  • Тюзлюк шохлукъну бегитир.
  • Накъырданы арты керти болур.
  • Байлыкъ адамны сокъур этер.
  • Башланнган иш битер, къымылдагъан тиш тюшер.
  • Билимли ёлмез, билимсиз кёрмез.
  • Эртде тургъан бла эртде юйленнген сокъуранмаз.
  • Ишлерге уял да, ашаргъа табма.
  • Эки итни арасына сюек атма, эки адамны арасында сёз чыгъарма.
  • Кесине гебен этелмеген, биреуге черен эте эди.
  • Дуния мал дунияда къалады.
  • Атлыны ашхысы, ат тизгининден билинир
  • Суу кетер, таш къалыр.
  • Аманны къуугъан, аманлыкъ табар.
  • Къонакъ болсанг, ийнакъ бол.
  • Къарнынг ауруса, ауузунгу тый
  • Тил бла келеди джыр да.
  • Дженгил джетерикме деб, узун джолну къоюб, къысхасын барма.
  • Элиб деген, элге болушур.
  • Эки къатын алгъан – эки ташны ортасына башын салгъан.
  • Байны оноуу, джарлыгъа джарамаз.
  • Къозулугъунда тоймагъан, къойлугъунда тоймаз.
  • Ашын ашагъанынгы, башын да сыйла.
  • Чомарт джарлы болмаз.
  • Кютгени беш эчки, сызгъыргъаны уа, джерни джарады.
  • Рысхысына кёре, джаш ёсер, къышлыгъына кёре, мал ёсер.
  • Сютню башын джалагъан къутулур, тюбюн ичген тутулур.
  • Атлыны кёрсе, джаяуну буту талыр.
  • Болджал ишни бёрю ашар.
  • Тас болгъан бычакъны сабы – алтын.
  • Иесиз малны бёрю ашар.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 54 55 56 57 58 ... 62 След.
RSS
Келигиз, тил байлыгъыбызны сакълайыкъ!
 
#1376
Джаратама0
21.02.2009 20:06:16
Девушка Гор

дуть- къарачайча бир айтчы
 
 
 
#1377
Джаратама0
21.02.2009 22:44:55
Бир сейир хапарчыкъ айтайым)))



Бир таулу шохум барды, Расул деб .
Ол таулуду, чегемлиди.
2007 джылда биз Чегем ёзенге баргъанбыз.
Чегем суу секритмеледен бир кесек ёрге барсанг....бир жерчик барды....Чегем сууну жагъасында....Бек ариуду....
Тик тюбюнде жангыз нарат ёседи, Анжела деб.
Ол жерде быллай хапар эштген эдим
Чаммы, керти хапармы деб билгеним джокъду. Алай а бек ариуду.
Бир таулу бу наратха кёргенлей Къаллай ариуду,субай мени Анжелам кибик! деб къычырды)
Ол себебден муну нараты аты Анжелады!
Хо, сау къалыгъыз!
 
 
 
#1378
Джаратама0
22.02.2009 02:38:54
Бусагъатда окъугъанма:
Ана тил бла муратынга джетерсе,
Аны унутсанг,
Сокъурана кетерсе.
 
 
 
#1379
Джаратама0
14.03.2009 00:54:52
Ана тил бла муратынга джетерсе,
Аны унутсанг,
Сокъурана кетерсе.
Аламат сёзле, быланы унутургъа боллукъ тюлдю
 
 
 
#1380
Джаратама0
26.03.2009 23:50:33
Бу тема унутулуб къалыргъа башлагъанды, ёрге кёлтюрейим
Сора бери киргенимден ары къарачай литератураны бюгюнюню юсюнден бир хапар айта барайым. Тюнене къолума бир иги китабчыкъ тюшгенди: "Иги устаз болур ючюн", дейди автор атына. Китабны чыгъаргъан Россия Федерацияны махтаулу устазы, МААН-ни академиги Джанибекланы Сосланбекди. Китаб джаш устазлагъа болушлукъгъа деб чыкъгъанды. Автор аны менге саугъа этгенине бек разыма, тюненеден бери бош заманымда аны окъугъанлай турама.
 
 
 
#1381
Джаратама0
27.03.2009 03:39:50
"Иги устаз болур ючюн" бу аламат китабха къарагъыз. Университетни бошаргъа да керек болмаз, муну окъусанг.
Девушка Гор
тюненеден бери бош заманымда аны окъугъанлай турама.
Кесинг окъуб бошасанг, бизге да бир затла джазарса былайда.
 
 
 
#1382
Джаратама0
28.03.2009 04:29:32
Акъыллычыкъ
Кесинг окъуб бошасанг, бизге да бир затла джазарса былайда.
Игитда дейсе. Кёб сейир заты барды ичинде, устазлагъа керек затла
 
 
 
#1383
Джаратама0
28.03.2009 20:50:22
da ! djashla kizal ! men respublikada televidenioede ishleime da ,ana tilni usunden pereda4a etgenimde aman keb adam hilikke etgendil !)((
 
 
 
#1384
Джаратама0
28.03.2009 22:15:28
rusik80да бериуге передача десенг, андан кюлгенда этерле
 
 
 
#1385
Джаратама0
29.03.2009 14:19:42
rusik80
da ! djashla kizal ! men respublikada televidenioede ishleime da ,ana tilni usunden pereda4a etgenimde aman keb adam hilikke etgendil !)((
Не хапарды ол? Ким этгенди хыликке? Къайда къараргъа боллукъду ол передачагъа? Керти кёлюм бла сорама. Биз Эльбрусоидде къарачай-малкъар тилде кёб ушакъ бардырабыз, кишини хыликке этиб алкъынчы кёрмегенме.
 
 
 
#1386
Джаратама0
29.03.2009 16:51:24
rusik80
da ! djashla kizal ! men respublikada televidenioede ishleime da ,ana tilni usunden pereda4a etgenimde aman keb adam hilikke etgendil !)((
Менде КЧР-ни тутмайды
Кёб адам хыликке этгенесе, этерча бир зат болурму эди, ансын бошуна кишида джукъ этмейди. Передачангы юсюнден былайда хапар айтсанг, айтыргъа кюреширик эдик нек болгъанын алай.
 
 
 
#1387
Джаратама0
02.04.2009 01:37:39
Кесинг окъуб бошасанг, бизге да бир затла джазарса былайда.
Окъуб бошадым. Устазлагъа джазылгъан, алагъа аталгъан Джанибекланы Сосланбекни "Иги устаз болур ючюн..." деген китабындан сизге да юзюгюн келтирейим.

?Байлыкъ-билимде, билим этимде?
Ариулукъну юсюнден дунияда кёб назму, поэма джазылгъанды.
Школда устазла тау адетлерибизни, этикетни излемлери бла сохталаны шагъырей этерге керекдиле. Кёбчюлюкню арасында кесинги къалай тутаргъа, джюрютюрге керек болгъанын, ашагъан заманда къонакъда, орамда кесин къалай тутаргъа, джюрютюрге тыйыншлысын хар бир джаш адам билирге керекди. Уллу эмда гитче затлада болсун, таймаздан хар заманда, хар къайда болсакъ да адеблиликни эмда намыслылыкъны сакълау бизге бек уллу борч болгъанын унутмазгъа керекбиз. Адеблилик, мийик намыслылыкъ, ишленмеклик, адамны эм багъалы агъачлылыгъы болуб саналадыла. Ала сохталагьа уллу адамлагъа да бирчадыла.
Устаз кеслерин бек сюйген сохталаны къылыкъларын да кече билирге керекди. Устаз кеси тюз иннетли, намыслы, адамлагъа кёб эс бёлген хар неге сакъ, джан аурутуучу, къайгъырыучу адам болургъа керекди.
Хар бир коллективде да, хар бир школда да устазла, сохтала да бирча болуб бармайдыла. Аланы джыллары, халилери, юренчек затлары тюрлю-тюрлю боладыла. Джашау сынамлары да бирча тюлдю, аланы барын да бир кебге къуяргъа да керек тюлбюз. Биреуню джетишмеген затын кёрюб, аны хыликге этерге да болмайды. Дунияны башында адамла бирча болсала, ол заманда джашауда сейирлик къаллыкъ тюл эди. Сохтаны болумун билирге излемеклик, аны халисине, ишине тезе билмеклик - была барысы да сохтала бла келишиуню иги шартларыдыла.
Алай а, былайда бир затны ачыкъларгъа керекбиз: не азчыкъ болса да, окъуугъа заран салгъан ишле, мизамны бузгъан, уллула бла сёлешген заманда кесин тута билмеген, неда юйге берилген дерслени этмей келген, дагъыда былача затлагьа ?хо? деб къояргъа джарарыкъ тюлдю. Ууакъ затлагьа эс бёлмей башласанг, сора сохтала сени бир къауум излемлеринги этмей башларыкъдыла, аны юсюне да аллай устазны кесин хыликге этерикдиле.
 
 
 
#1388
Джаратама0
02.04.2009 03:11:24
Устаз кеси тюз иннетли, намыслы, адамлагъа кёб эс бёлген хар неге сакъ, джан аурутуучу, къайгъырыучу адам болургъа керекди.
Хар бир коллективде да, хар бир школда да устазла, сохтала да бирча болуб бармайдыла. Аланы джыллары, халилери, юренчек затлары тюрлю-тюрлю боладыла. Джашау сынамлары да бирча тюлдю, аланы барын да бир кебге къуяргъа да керек тюлбюз.
Аман ариу айтылгъанды. Аны ангыласала устазла, сохталагъа да тынчыракъ боллукъ эди окъургъа.
 
 
 
#1389
Джаратама0
04.04.2009 22:11:11
Салам багъалы ДЖердешлерим.!

Девушка Гор

Бек кезюм къарайды ол китабны къолларына алыб, окъур мадарлары болгъан джаш устазлагъа.
Джанибекланы Сосланбек керти Къарачай Устаз.! Аллах емюрюн узакъ етсин.
Устаз болгъан бек къыйын ишди. Устазны иши бир кюнге ,бир джылгъа
керюнюб къалмайды,талай джылны къанын- джанын аямай кюрешсе
ол сагъатда керлюкдю ишини магъанасын.
 
 
 
#1390
Джаратама0
06.04.2009 01:43:52
Ай, хомухла! Кечегиз ашхы болсун.

Чомаланы тамбыла -деб сез эшитгенмисиз.?
 
 
 
#1391
Джаратама0
06.04.2009 12:27:17
Кергелен
Чомаланы тамбыла -деб сез эшитгенмисиз.?
 
 
 
#1392
Джаратама0
07.04.2009 03:03:03
Кечегиз ашхы болсун, багъалы ДЖердешлерим!!!

Чомалары тынчлыкълы адамла болгъандыла ээээртдееледе.
Сора хар неге да ,хо-хо тамбла, дей тургъандыла.
Аны бла "Чомаланы тамбыла "-деген сез чыкъгъанды Къарачайда.
 
 
 
#1393
Джаратама0
09.04.2009 16:10:14
Керексиз ушакъны кетергенме
 
 
 
#1394
Джаратама0
10.04.2009 01:57:02
Алгъын заманлада революциягъа деричин.
Тийреде джашла, къызла джыйылыб, иш да эте, той- оюн этиб ,тебсеб,заманларын алай аширгъандыла.
Джыйылгъанлары уа джангы келинни отоунда,ана къарнашларында.
Къалгъан тийреледен да, къыз сюйген джашла ,къонакъ болуучу болгъандыла.
Сора къызла ишлерин къойюб, туруб тебсеселе джашла джаратхан къызларына "таракълыкъ ачха" бергендиле.
Къызла да "таракълыкъ ачхаларын" джыя- джыя туруб кеслери сюйген бир зат алгъандыла.

Ай медет , ол иги адетни бир джангыртыгъыз джашла.
 
 
 
#1395
Джаратама0
11.04.2009 16:04:25
Уллу Къарачайда, эртделеде --къапатейна деб тепсеу болгъанды.

Къапатейнаны юсюнден къарт анамдан эшитиб ,сабийликден биле эдим,алай а къалай тепселгенин кермегенем.
Атам да,анам да,Азияда тойладан хапарлы эдиле ,алай а ала къапатейнаны юсюнден хапар айтыб билмеме.

Былтыр джай бизни делегация,Тюркде къонакъда болгъан видеода
мен къапатейнаны керюб къояма.
Тамам Анам айтаханча -- 2джаш--2 къыз тепсей, 2къыз-1джаш....
Бир ариу тепсеудю , бизни джаш телюбюз да бек ариу тепсерикди.
 
 
 
#1396
Джаратама0
11.04.2009 19:20:57
къапатейна деб тепсеу болгъанды.
Биринчи кере эшитеме быллай тепсеуню юсюнден
 
 
 
#1397
Джаратама0
11.04.2009 21:09:06
Акъыллычыкъ
Девушка Гор

Къызла, шо ,"Нартланы тою" деген видеогъа бир къарагъыз -къапатейнаны къалай тепсейдиле.

30 минутадан башлаб,.....
 
 
 
#1398
Джаратама0
16.05.2009 18:41:52
Салам багъалы КъарачайМалкъар джамагъат.!

Айдан артыкъ- бери бир адам кирмегенли, ай, юйюгюзге игиликле, блай къалай этесиз джанларым.

ДЖерни джашил баурунда.
Гокга хансчыкъ,есе келиб,
Бир джаз кюн
Кезюн ачды кек тюбюне дуниягъа,
Кюнден джылыу
джерден аналыкъ ,сезиб,
Эркелейди кесин джазгъы хауагъа.

Кеси аллына булджуй тургъан
сабийча.,
Ойнаб келиб ,джелчик къонду къолума.
Сабанланы ,тюзлени да,
Джашнатыб,
Джер да джайды хурметинден джолума

ДЖюрек къылла согъадыла
Акъырын,
Джангы кюнде джангы сезим туудура
Джерни джашил баурунда
Турама.
Кюн таякъгъа мен бетими джуудура.

Байрамукъланы Фатима.
 
 
 
#1399
Джаратама0
01.06.2009 21:24:10
Салам Багъалы Джердешлерим.!

Къуанч бла башлансын джайны биринчи айы.

Бурунгула июнь айгъа--- ЛУККОЛ , НИККОЛ дегендиле.

Мартда макъа сиймесин,
Апрельде бир тамсын ,
Майда кекде джаум къалмасын, деген сезню эшитгенмисиз?
 
 
 
#1400
Джаратама0
02.06.2009 01:23:20
Мартда макъа сиймесин,
Апрельде бир тамсын ,
Майда кекде джаум къалмасын,
Эшитмегенме, алай а, майда кёкде джауум къалмасын деб, быйылча джауумгъа айта болур эдиле, сау май айны джаууб турду.
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 54 55 56 57 58 ... 62 След.
Читают тему (гостей: 6)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.