- Ата джурт – алтын бешик.
- Аурууну келиую тынч, кетиую – къыйын.
- Эли джокъну – кёлю джокъ.
- Ашда уялгъан – мухар, ишде уялгъан – хомух.
- Таугъа чыгъаллыкъ эсенг, тюзде къалма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аз сёлеш, кёб ишле.
- Джыгъылгъанны сырты джерден тоймаз.
- Ач да бол, токъ да бол – намысынга бек бол.
- Къарны аманнга къазан такъдырма, къолу аманнга от джакъдырма.
- Магъанасыз сёз – тауушсуз сыбызгъы.
- Ышармагъан – кюлмез, кюлмеген – къууанчны билмез.
- Аджашханны ызындагъы кёреди, джангылгъанны джанындагъы биледи.
- Эшекни не къадар тюйсенг да, ат болмаз.
- Нёгер болсанг, тенг бол, тенг болмасанг, кенг бол.
- Джолда аягъынга сакъ бол, ушакъда тилинге сакъ бол.
- Керти сёзге тёре джокъ.
- Ашхы адам – халкъ байлыгъы, ашхы джер – джашау байлыгъы.
- Азыгъы аз, алгъа къабар, аты аман, алгъа чабар.
- Ачылгъан эт джабылыр, кёрген кёз унутмаз.
- Джашны джигитлиги сорулур, къызны джигерлиги сорулур.
- Сёз къанатсыз учар.
- Терслик кетер, тюзлюк джетер.
- Ашхы тенг джолгъа салыр, аман тенг джолдан тайдырыр.
- Къалгъан ишге къар джауар.
- Уруну арты – къуру.
- Тау башында, тау болмаз, джангыз терек, бау болмаз.
- Къууут – джелге, берне – бошха.
- Сормай – алма, чакъырылмай – барма.
- Мал ёлсе, сюек къалыр, адам ёлсе, иши къалыр.
- Суу кетер, таш къалыр.
- Юйюнгден чыкъдынг – кюнюнгден чыкъдынг.
- Келинни – келгинчи, бёркню кийгинчи кёр.
- Ишлемеген – тишлемез.
- Ишлерге уял да, ашаргъа табма.
- Ёлген аслан – сау чычхан.
- Олтуруб кёрюнмей эди да, ёрге туруб кёрюне эди.
- Душманны тышы – акъ, ичи – къара.
- Къулакъдан эсе, кёзге ышан.
- Туз, гырджын аша, тюзлюк бла джаша.
- Бойнуму джети джерден кессенг да, мен ол ишни этеллик тюлме.
- Аманнга алтын чыдамаз.
- Агъач – джерни чырайы, кийим – эрни чырайы.
- Джангыз терек къынгыр ёсер.
- Ашхы атаны – джашы ашхы, ашхы ананы – къызы ашхы.
- Ариу джол аджал келтирмез.
- Ишин билген, аны сыйын чыгъарады.
- Сагъышы джокъ – джукъучу, акъылы джокъ – къаугъачы.
- Джюрек кёзден алгъа кёрюр.
- Гугук кесини атын айтыб къычыргъанча, мен, мен деб нек тураса?
Келигиз, тил байлыгъыбызны сакълайыкъ!
|
Эки къолун джаягъына салыб олтургъан игиликге тюйюлдю.
Къарт анам хар заманда да айтады былай. |
|
|
|
|
|
Девушка Гор
Все они у каждого на слуху, мне кажется... ))) Мама частенько напоминает....  |
|
|
|
|
|
Aminka09
Къызчыкъ, лаудан джаулукъ къыссанг ,аллай бир къууанмаз эдим.   |
|
|
|
|
|
Къыз сабий интернетге кёб кирсе, эрге кеч чыгъар, дегендиле бурун)))
|
|
|
|
|
|
7km
Аз ауаз берген джаш, заманында юдегили болур. |
|
|
|
|
|
)))))))))))) бир бек кюлдюргенсиз экигизда ))))))
|
|
|
|
|
|
Кергелен
Аз ауаз берген джаш, заманында юдегили болур. Заманында (джашлай) юйдегили болгъан джашха, юй бийчеси ауаз берир))) |
|
|
|
|
|
Заманында (джашлай) юйдегили болгъан джашха, юй бийчеси ауаз берир)))
7 км.Да не хата кёрлюксе ,джашауугъуз аллына барсын ансы.  |
|
|
|
|
|
Кергелен
Керти ариу назму салгъансыз. Бу гокка ханслада авторгъа, Байрамукъланы Фатимагъа |
|
|
|
|
|
Кергелен
джигитле болугъуз окъургъа,ушакъ этерге. |
|
|
|
|
|
Кергелен
Тилибизни къаджыкъмай,арымай, талмай сакълайсыз Кюрешебиз.  джигитле болугъуз окъургъа,ушакъ этерге. Игитда болабыз.  |
|
|
|
|
|
и эту в Ана тил
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 5)