- Къартха ушагъан джаш – акъыллы, джашха ушагъан къарт – тели.
- Сибиртки да сыйлы болду, кюрек да кюнлю болду.
- Эр абынмай, эл танымаз.
- Насыб бютеу халкъны юлюшюдю.
- Кёзю сокъурдан – къоркъма, кёлю сокъурдан – къоркъ.
- Кёзню ачылгъаны – иги, ауузну джабылгъаны – иги.
- Арпа, будай – ащды, алтын, кюмюш а – ташды.
- Телини эшигин, махтау джабар.
- Баш – акъыл ючюн, акъылман – халкъ ючюн.
- Кёзюнде тереги болгъан, чёбю болгъаннга кюле эди.
- Эки элинги тыйсанг, джети элде махталырса.
- Гугук кесини атын айтыб къычыргъанча, мен, мен деб нек тураса?
- Ушамагъан – джукъмаз.
- Байны оноуу, джарлыгъа джарамаз.
- Ётюрюкню къуйругъу – бир тутум.
- Бастасын ашагъан, хантусун да ичер.
- Онгсузну – джакъла, тенгликни – сакъла.
- Гугурук къычырмаса да, тангны атары къалмаз.
- Бек анасы джыламаз.
- Кюл тюбюндеги от кёрюнмейди.
- Ачны эсинде – аш.
- Кёкдеги болмаса, джердегин кёрмейди.
- Малны кют, джерни тюрт.
- Душманны тышы – акъ, ичи – къара.
- Уллу айтханны этмеген – уллаймаз.
- Юй кюйдю да, кюйюз чыкъды, ортасындан тюйюш чыкъды.
- Магъанасыз сёз – тауушсуз сыбызгъы.
- Хунаны тюбюн къазсанг, юсюнге ауар.
- Ётюрюкден тюбю джокъ, кёлтюрюрге джиби джокъ.
- Джахил болса анасы, не билликди баласы?
- Байдан умут эте, джарлыдан ёгюз багъасы къорады.
- Артына баргъанны, къатына барма.
- Ишлегенден, къарагъан уста.
- Таукел адам тау тешер.
- Бир абыннган – минг сюрюнюр.
- Эл тойса, тоймагъан, эл къойса, къоймагъан.
- Рысхы – насыбха къор.
- Ёлген аслан – сау чычхан.
- Ауругъанны сау билмез, ач къарынны токъ билмез.
- Эм ашхы къайын ана мамукъ бла башынгы тешер.
- Тойгъан джерден туугъан джер игиди.
- Къарны аманнга къазан такъдырма, къолу аманнга от джакъдырма.
- Джеринден айырылгъан – джети джылар, джуртундан айырылгъан – ёлгюнчю джылар.
- Аллахха ийнаннган кишини, Аллах онгдурур ишин.
- Орундукъ тюбюнде атылсам да, орта джиликме, де да айлан.
- Хата – гитчеден.
- Кюн – узун, ёмюр – къысха.
- Киштикге къанат битсе, чыпчыкъ къалмаз эди.
- Эки итни арасына сюек атма, эки адамны арасында сёз чыгъарма.
- Ариу сёз – къылычдан джити.
Чам хапарла
|
Джарыкъ
  |
|
|
|
|
|
Dalila
 ол харибчикни кезюнге бир кергюз батмакъ бла тылычыкъ этиб айлана тургъанын |
|
|
|
|
|
Джарыкъ
 энтада айт хапар  |
|
|
|
|
|
Къанамат
Переводчик сау болугъуз |
|
|
|
|
|
Faida
|
|
|
|
|
|
karach
если бы видел, сколько я смеялась, когда мне сестра вот это всё рассказывала ) с чувством с толком и расстановкой)  |
|
|
|
|
|
- Просто эшеклени къатында ат
демнгилирек кёрюнеди. |
|
|
|
|
Читают тему (гостей: 3)