Войти на сайт
30 Августа 2026 года

 

  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Джаш къарыу бла кючлю, къарт акъыл бла кючлю.
  • Ариу сёз джыланны орнундан чыгъарыр.
  • Этим кетсе да, сюегим къалыр.
  • Къарны аманнга къазан такъдырма, къолу аманнга от джакъдырма.
  • Тас болгъан бычакъны сабы – алтын.
  • Биреуню тёрюнден, кесинги эшик артынг игиди.
  • Таукел тауну аудурур.
  • Кимни – тили, тиши онглу, кимни – къолу, иши онглу.
  • Къарыусузгъа кюлме, онгсузгъа тийме.
  • Башланнган иш битер, къымылдагъан тиш тюшер.
  • Тилде сюек болмаса да, сюек сындырыр.
  • Намысы болмагъанны, сыйы болмаз.
  • Ариуну – ауруу кёб.
  • Сагъыш – къартлыкъгъа сюйюмчю.
  • Чоюнну башы ачыкъ болса, итге уят керекди.
  • Иесиз малны бёрю ашар.
  • Рысхы – сют юсюнде кёмюк кибикди.
  • Эртде тургъан бла эртде юйленнген сокъуранмаз.
  • Чабакъ башындан чирийди.
  • Хунаны тюбюн къазсанг, юсюнге ауар.
  • Джылар джаш, атасыны сакъалы бла ойнар.
  • Айранын берсенг, челегин да къызгъанма.
  • Босагъа таш юйге кирмей эди, тыбыр таш эшикге чыкъмай эди.
  • Джашда акъыл джокъ, къартда къарыу джокъ.
  • Иги – алгъыш этер, аман – къаргъыш этер.
  • Тешик этген тынчды, аны джамагъан къыйынды.
  • Чыкълы кюнде чыкъмагъан, чыкъса къуру кирмеген.
  • Иги сеники эсе да, сюйген кесимикин этеме.
  • Сёз садакъдан кючлюдю.
  • Эм уллу байлыкъ – джан саулукъ.
  • Аманнга игилик этсенг, юйюнге сау бармазса.
  • Ашаса, ашамаса да, бёрюню ауузу – къан.
  • Орну джокъну – сыйы джокъ.
  • Ата Джуртун танымагъан, атасын да танымаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Ышармагъан – кюлмез, кюлмеген – къууанчны билмез.
  • Эри аманны, къатыны – аман.
  • Джюз элде джюз ёгюзюм болгъандан эсе, джюз джууугъум болсун.
  • Нарт сёз къарт болмаз.
  • Ауругъанны сау билмез, ач къарынны токъ билмез.
  • Уруну арты – къуру.
  • Къарнынг тойгъунчу аша да, белинг талгъынчы ишле.
  • Чабакъгъа акъыл, табагъа тюшсе келеди.
  • Насыблы элин сюер, насыбсыз кесин сюер.
  • Кёкдеги болмаса, джердегин кёрмейди.
  • Къыз тиширыу кеси юйюнде да къонакъды.
  • Иги адам абынса да, джангылмаз.
  • Тенги кёбню джау алмаз, акъылы кёбню дау алмаз.
  • Сыфатында болмагъаны, суратында болмаз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 14 След.
RSS
КЕЛИГИЗ ДЖЫРЛАЙЫКЪ
 
#51
Джаратама0
16.11.2009 00:50:32
# Дата: 15 Ноя 2009 21:28 [Отправить ЛС] [GIS]
Ответить Цитата [Translit] [Кириллица]

Ариу джыр)))))
 
 
 
#52
Джаратама0
16.11.2009 01:02:45
Къобанны ары жанында, ариу юйюнгю кереме
Къатында баллий терекчик, анданда сейир керюне
Ой баллий баллий терекчик, тюшюп къалгъа эди къатынга
Ичги сезюммю айтыр эдим, жарасанг мени жаныма

Дуния да тюзлюк бара эсе, сюйген сюйгенге тюбесин
Сюймеклик сокъур тюйюл эсе, эки жюрекни бир этсин
Ой баллий баллий терекчик, тюшюп къалгъа эди къатынга
Ичги сезюммю айтыр эдим, жарасанг мени жаныма

Ой жаным баллий терекчик, чакъыр чакъыр къатынга
Сен менден хапар айтырса, ариуунг келсе къатынга
Ой баллий баллий терекчик, тюшюп кългъа эди къатынга
Ичги сезюммю айтыр эдим, жарасанг мени жаныма
 
 
 
#53
Джаратама0
16.11.2009 01:03:17
URL
 
 
 
#54
Джаратама0
16.11.2009 01:14:18
Каролина
xalima@bk.ru
 
 
 
#55
Джаратама0
16.11.2009 01:25:51
бездушный кролик
Уже отправляю, только медленно грузится, но , надеюсь , дойдёт и понравится))))
 
 
 
#56
Джаратама0
16.11.2009 01:27:39
=ГИМН ЭЛЬБРУСОИДА=

КЪАРАЧАЙЫМ - МАЛКЪАРЫМ
музыка Бориса Турклиева
слова Норий Созарукова

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.


ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.


Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.


ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Шамбалала болгъан джер...
сл.Узденов А. (песня)поёт Солтан Байкулов

Къарачайлы бла малкъарлы,
Шыйых джуртда джашайбыз!
Эки башлы ,бир тамырлы
Минги Таугъа ушайбыз!

Бизде бир тил, бир дин барды,
Джаныбыз а, къайдады?
Къарачай джан Малкъардады,
Малкъар-Къарачайдады!

Берилгенди бизге хакъгъа,
"Шамбалала" болгъан джер.
Минги Таугъа ушаш халкъгъа,
Я Аллахым , насыб бер!

Джерде башха инсанлагъа
Иннетибиз тюлдю терс.
Бизге къаршчы баргъанлагъа
Уллу Аллах берсин дерс!
 
 
 
#57
Джаратама0
16.11.2009 01:33:12
Отправила))))
 
 
 
#58
Джаратама0
16.11.2009 01:54:17
Юйюнгде сени бир кюзгюнг жокъмуду бу тизгининге къараргъа
Санга бир таракъ къурупму къалгъанда чырпа чачынгы тараргъа

да мени къайгъым олмуда эу кюнден кюнге кюзгюге къарагън
бизде модадан эрте кетгенди хар кюнден чачын тарагъан

ишге бармайса ишде къалмайса уялмай къалай жашайса
майна чачынга акъ чыгъа турад атангы къыйынын ашайса

башымда ауруйд къарным ауруйд ангыламаймаса ариуум
хар эртен сайын ишге жюрюрча къайда алай къаруум

орамда жюрюп ичгини сюрюп кюллеринг алай ётеди
ичгичи жашны нек сюесе деп бедишинг манга да жетеди

ким айтый эсе да зар болуп айтады ангыла сена сезюнден
Бизге аллай сезле айтхан адамны ит чибин къапхыед кезюнден

Тюнене келирге айтып кетгененг бек сакълап турдум келмединг
аракъы ичген акъылын ичеди сенлей бетсиз кермедим

Тюнене санга келе тургъанлай Назир чырмады жолумдан
мешнагъа кирмей ётюп баргъанлай тартып элтгене къолумдан

сени сюйдюм деп къыздым кюйдюм деп кесим тюйюлме къызгъан
акъылынг кетип ички ийис этип айланма мени ызымдан

бауурум кебюп жатып тургъанма сен сюймекликни ойгъанлы
юйюме ант кирси юч кюн болады мен ол затланы къойгъанлы

жаш тенглеринден юлгю алсанга ненча насыпдан толдула
ала ишлеп ашап насыплы жашап уланлы юйюрле болдула

да не этесе да мени ариуум кимденда юлгю алдырып
сабийле бёлеп алимент телеп башыммы ол отха къалдырып

майна энтада ичип барад деп масхара этгенлле сени
бюгюнден башлап акъыл жыймасанг жокъа санада къой мени

мен сени жокъгъа къалай санарем таза жанымдан тоймасам
быллай бир болуп кебюп чыгъайым бу самапалны къоймасам

жанымса дерсе нанымса дерсе жуукъ барсам къатынга
сен мен айтханны этип жашасанг жулдузум дерикме атынга
 
 
 
#59
Джаратама0
16.11.2009 01:55:36
URL
 
 
 
#60
Джаратама0
16.11.2009 01:58:10
Каролина
сау бол
 
 
 
#61
Джаратама0
16.11.2009 02:17:18
Да не сау бол, джартхан эсенг - бек игиди, мен эшиткенлей огъуна джаратхан эдим))))
 
 
 
#62
Джаратама0
16.11.2009 02:20:36
URL

Каролина
джаратырыкъса сора мунуда)))) сезлерин жазаллыкъ тюйюлме арыдым ))))))))))))
 
 
 
#63
Джаратама0
16.11.2009 02:30:31
бездушный кролик
Игитда джаратама! Алимге джырлагъанда джетген джокъду
Дагъыда Алим джырлайды "Тюеле" деген джыр, ол да биртдан да аламат джырды. Тамбла джазарма аны сёзлерин.

Хы, кёб болмайын "Турнала" деген джырны эшитгенме. Форумдан къызчыкъ бла джаш джырлайды дегендиле. Аны да бек джаратама
 
 
 
#64
Джаратама0
16.11.2009 04:11:00
Каролина
Турнала деген жырны Муза бла хыйса жырлайдыла))))))))
 
 
 
#65
Джаратама0
16.11.2009 19:47:00
бездушный кролик

продолжим
Танг аласы чолпан джулдуз Мариям,Мариям,Мариям
Узалдым да джеталмадым нечик болур дуниям...
Хей-хай кёзюр джай
Нечиииик болур дуниям
 
 
 
#66
Джаратама0
16.11.2009 20:11:47
Къарачайны къартларыны сыйлары
Мийик турсун ,Минги тауну башындан,
Миллетими адеблери намысы
Чырт кетмесин къызларынгдан джашынгдан
Лидия Батчаева
Тау халкъым
 
 
 
#67
Джаратама0
16.11.2009 20:26:10
къыз
Бар эсе,бар эсе сюймеклик кёкню тюбюнде
Джашайды,джашайды кёлюмде ол мени
Барама- барама учханча джерни юсюнде
Барама- барама аллынг мен сени
джаш
Мийикден кёкледен кюнда меннге ышыргъанча
Нюрюн себелей ол джарытады джерни
Аллахда,адамда бары меннге къууаннганча
Барама- барама аллынга мен сени
Аида Байрамукова /Къасбот Тамбиев "Джууабсыз сюймеклик"
 
 
 
#68
Джаратама0
17.11.2009 19:55:59
Джанымча кёрген, сюйгеним а барды,
Хар кюнде аны джокълайма.
Бир кюн болмаса, бир кюн а болур, деб,
Умут юзмейин а сакълайма.

Башыбыздагъы джарыкъ джулдузчукъ,
Ол таула артына батад.
Ариу сыфатынг кёзюмден а кетмей,
Тангым аман бла атады.

Мен джолгъа чыгъыб, аллынга уа къарай,
Эки кёзюмден бошайма.
Бу сюймеклигим элге уа билиниб,
Болмаз къайгъыгъа уа къалгъанма.

Мен джырла айта, ол джырла уа джаза,
Атынгы джыргъа салгъанма.
Ийнан, ариум, мен ант а этеме:
Сени сагъына уа джашайма.

Сени сюйгенден джашаялмайма,
Башымы алыб кетмесем.
Бу джашау манга неге уа керекди,
Мен муратыма уа джетмесем...
 
 
 
#69
Джаратама0
20.11.2009 19:08:46
Treasure

ещё...
 
 
 
#70
Джаратама0
20.11.2009 19:16:37
Туугъан эленгден кенгде болсанг да
Унутмай салам джибер Ананга
Кече джукламай чыгъады тангга
Сабийин сакълагъан таулу АНА

Сабийине Ана джюрек тюзлюгю
Ким айтыр аны толу джылыун
Ана ючюн сабий бек къыйналса да
Аныча борчюн толтурмаз джашаунда...
 
 
 
#71
Джаратама0
20.11.2009 19:29:27
Faida
 
 
 
#72
Джаратама0
20.11.2009 19:43:49
Туугъан эленгден
Ой,туугъан элим,къучагъынгы джай
узакъдан келген къонакъгъа.
Ариулугъунгу суратха салыб,ушайса
-дейдиле джомакъгъа...
 
 
 
#73
Джаратама0
20.11.2009 20:40:16
Ата джуртум къучагъын джая,
Халкъларын ийнакълай
Тау къушну да уясы къая
Уямса, Къарачай....
 
 
 
#74
Джаратама0
20.11.2009 21:02:03
Къарачайны къыздан айбат джашлары.
Алай суу тюбюнде да уа энтда джылтырайды
Зариятны да не кямарны ташлары...
 
 
 
#75
Джаратама0
20.11.2009 21:06:14
Джандетли болсун да ма Сюйюнчланы да Зарият
Этген ишинги адет ушатмайды
шериат.
Ой Аллах айтса да мен эрге барлыкъ тюлме
Мени арбазыма да белги атларым а киргинчи,
Белги атыма да ёксюз къарнашчыгъым миннгинчи,
Бау аллы сабанны да белги ёгюзле бла сюргюнчк.
Ой мени анам, да мен эрге барлыкъ тюлме,
Мени джауум а бу ёге ананы сынасын,
О мени къанлым да анасы ёлюб джыласын.
Бу байрым кюнде да мен тойда тепсей тураем,
Алтыны кичиси да ма Махай келди аллыма.
Ол алайда уа ол алай айтханед:


- Бек тюз а болдунг да, Зарият, берген сёзюнге,
Къалай къарарыкъса да энди уялмай кёзюме?
Межгит аллында да сени Ахматха алдыла,
Мени джюрегиме да бир кетмез къайгъы салдыла.
Ой аны айтханлай да салыб юйюне келгенди,
Факъыр а кийимлерин а, ой тоба болсун, кийгенди.
Дуния кийимлерин да ол къолтугъуна чырмады,
Ол барыб башын а Бызынгы суууна быргъады.
Сууну аллын да ма шоркъа этиб тыяды
Сени кямарынгы да ма накъут налмаз а ташлары,
Зарият амалтын да суу юлюшю болалла
Уллу Бызынгы къыздан айбат а джашлары.
Ой сууну аллын шоркъа этиб тыяды
Сени кямарынгы да ой накъут налмаз а чюйлери,
Зарият амалтын а суу юлюшю болалла
Тоба болсун, Бызынгыны уллу бийлери.

Айрымканда да бир шейит ёлюк джатады,
Анга ётерге да бир бусурман базмайды.
Алтыны кичиси да ма алай айтыб чыгъады:


- Ол мени ючюн ёлсе мен да аны ючюн а ёлейим,
Джамагъат, буюругъуз да мен бу къара суугъа кирейим.
Алтыны кичиси Махай суугъа киргенди,
Ёлюкню да алыб ол джамагъатха келгенди.
Муну да бек джазыкъсындыла, кёрдюле,
Ёге анагъа да джамагъат налат бердиле.
 
 
 
#
Джаратама0
 
 
 
Страницы: Пред. 1 2 3 4 5 ... 14 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.