- Джырчы ёлсе, джыры къалыр.
- Ашхы – джыяр, аман – джояр.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёлюк кебинсиз къалмаз.
- Биреу ашаб къутулур, биреу джалаб тутулур.
- Айныгъанлы алты кюн, тогъайгъанлы тогъуз кюн.
- Юйюнгден чыкъдынг – кюнюнгден чыкъдынг.
- Чакъырылмагъан къонакъ – орунсуз.
- Чомарт джарлы болмаз.
- Адеби болмагъан къыз – тузсуз хант.
- Эркишини аманы тиширыуну джылатыр.
- Кютгени беш эчки, сызгъыргъаны уа, джерни джарады.
- Къызбайны юйюне дери сюрсенг, батыр болур.
- Байма, деб да, къууанма, джарлыма, деб да, джылама.
- Айраннга суу къош, телиге джол бош.
- Адам сёзге тынгыла, акъыл сёзню ангыла.
- Къарт бла баш аша, джаш бла аякъ аша.
- Биреуню эскиси биреуге джангы болмайды.
- Кёз – сюйген джерде, къол – ауругъан джерде.
- Дуния аламаты сен эсенг да, игиме деб айтма.
- Дууулдаса – бал чибин, къонса – къара чибин.
- Аууздан келген, къолдан келсе, ким да патчах болур эди.
- Кийимни бичсенг, кенг бич, тар этген къыйын тюлдю.
- Экеу тутушса, биреу джыгъылыр.
- Тамчы таш тешер.
- Уруну арты – къуру.
- Нёгер болсанг, тенг бол, тенг болмасанг, кенг бол.
- Мадар болса, къадар болур.
- Ачны эсинде – аш.
- Байлыкъ тауусулур, билим тауусулмаз.
- Телиге от эт десенг, юйюнге от салыр.
- Адам сёзюнден белгили.
- Олтуруб кёрюнмей эди да, ёрге туруб кёрюне эди.
- Тёрде – темир таякълы, къаяда – чыпчыкъ аякълы.
- Чакъырылмай келген къонакъ сыйланмай кетер.
- Айырылгъанланы айю ашар, бёлюннгенлени бёрю ашар.
- Къартны сыйын кёрмеген, къартлыгъында сыйлы болмаз.
- Ач къалгъандан, кеч къалгъан къолай.
- Джарашыу сюйген – джалынчакъ.
- Хаухну атма, ёнгкючню сатма.
- Ханы къызы буюгъа-буюгъа киштик болду.
- Окъугъан – асыу, окъумагъан – джарсыу.
- Ойнаб айтсанг да, эслеб айт.
- Къатыны харакетли болса, эри къымсыз болур.
- Джан саулукъ бермей, сан саулукъ бермезсе.
- Ёзденликни кёбю ётюрюк.
- Аджалсыз ёлюм болмаз.
- Халкъны джырын джырласанг, халкъ санга эжиу этер.
- Ургъан суудан башынгы сакъла.
- Баланы адам этген анады.
