- Дууулдаса – бал чибин, къонса – къара чибин.
- Аууз сакълагъан – джан сакълар.
- Ишленмеген джаш – джюгенсиз ат, ишленмеген къыз – тузсуз хант.
- Окъугъан озар, окъумагъан тозар.
- Джарлыны эшигин махтагъан джабар.
- Айран тёгюлсе, джугъусу къалыр.
- Тай асырагъан, атха минер.
- Айтханы чапыракъдан ётмеген.
- Ариу сёз аурууунгу алыр.
- Аш кетер да бет къалыр.
- Къайгъы тюбю – тенгиз.
- Тойгъан джерден туугъан джер игиди.
- Терек ауса, отунчу – кёб.
- Аманны тукъумуна къарама, игини тукъумун сорма.
- Билим – акъылны чырагъы.
- Ашаса, ашамаса да, бёрюню ауузу – къан.
- Тели турса – той бузар.
- Къая джолда джортма, ачыкъ сёзден къоркъма.
- Ишлемеген – тишлемез.
- Чомарт джарлы болмаз.
- Айранын берсенг, челегин да къызгъанма.
- Чыкълы кюнде чыкъмагъан, чыкъса къуру кирмеген.
- Ачыкъ джюрекге джол – ачыкъ.
- Башланнган иш битер, къымылдагъан тиш тюшер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чабакъсыз кёлге къармакъ салгъанлыкъгъа, чабакъ тутмазса.
- Джарлы джети элни сёзюн этер.
- Тил – миллетни джаны.
- Ачылгъан эт джабылыр, кёрген кёз унутмаз.
- Тенгинг джокъ эсе – изле, бар эсе – сакъла!
- Артына баргъанны, къатына барма.
- Юре билмеген ит, къонакъ келтирир.
- Ашатыргъа иш – ашхы, ишлетирге аш – ашхы.
- Ачны эсинде – аш.
- Аллахха ийнаннган кишини, Аллах онгдурур ишин.
- Юй кюйдю да, кюйюз чыкъды, ортасындан тюйюш чыкъды.
- Иги адамны бир сёзю эки болмаз.
- Насыб бютеу халкъны юлюшюдю.
- Къуллукъчума, деб махтанма, къуллукъ – хаух джамчыды!
- Кёзю сокъурдан – къоркъма, кёлю сокъурдан – къоркъ.
- Бозаны арты дауур болур.
- Керти сёзге тёре джокъ.
- Ёнгкюч къууана барыр, джылай келир.
- Ёзденликни джайгъан – джокълукъ.
- Акъылсызны джууукъгъа алма, акъыллыны кенгнге салма.
- Адамны сабийин сюйген джюреги, бычакъча, джитиди.
- Мал тутхан – май джалар.
- Джарлы эскисин джамаса, къууаныр.
- Адам сёзюнден белгили.
- Айтылгъан сёз ызына къайтмаз.
