- Ишлемеген – тишлемез.
- Джырчы ёлсе, джыры къалыр.
- Намыс болмагъан джерде, насыб болмаз.
- Къоркъакъны кёзю экили кёрюр.
- Тёзгеннге, джабылгъан эшик ачылыр.
- Аманны эки битли тону болур, бирин сеннге кийдирир, бирин кеси киер.
- Насыблы элин сюер, насыбсыз кесин сюер.
- Сабыр джетер муратха, сабырсыз къалыр уятха.
- Джумушакъ терекни къурт ашар.
- Тёгюлген тюгел джыйылмайды.
- От кюйдюрген, сау болса да, тот кюйдюрген, сау болмаз.
- Джарлыны тону джаз битер.
- Тенгни тенглиги джашай барсанг билинир.
- Уясында не кёрсе, учханында аны этер.
- Билген билмегенни юретген адетди.
- Къолунгдан къуймакъ ашатсанг да, атаны борчундан къутулмазса.
- Кёлю джокъну – джолу джокъ.
- Тулпарлыкъ, билекден тюл – джюрекден.
- Мухар, кеси тойса да, кёзю тоймаз.
- Сабийни джумушха джибер да, ызындан бар.
- Тойгъан джерге джети къайт.
- Окъугъан озар, окъумагъан тозар.
- Тамбла алтындан бюгюн багъыр ашхы.
- Аш кетер да бет къалыр.
- Намыс сатылыб алынмайды.
- Джумушакъ сёз къаты таякъны сындырыр.
- Ариу джол аджал келтирмез.
- Джолда аягъынга сакъ бол, ушакъда тилинге сакъ бол.
- Къатын байлыкъны сюер, эр саулукъну сюер.
- Къыз тиширыу кеси юйюнде да къонакъды.
- Ашхы тенг джолгъа салыр, аман тенг джолдан тайдырыр.
- Эли джокъну – кёлю джокъ.
- Халкъны джырын джырласанг, халкъ санга эжиу этер.
- Хар сёзню орну барды.
- Ёнгкюч къууана барыр, джылай келир.
- Ойнай билмеген, уруб къачар.
- Юй ишлеген балта эшикде къалыр.
- Адеб этмеген, адеб кёрмез.
- Къартха ушагъан джаш – акъыллы, джашха ушагъан къарт – тели.
- Атлыны ашхысы, ат тизгининден билинир
- Кёб къычыргъандан – къоркъма, тынч олтургъандан – къоркъ.
- Аман адамны тепсинге олтуртсанг, къызынгы тилер.
- Ашхы болсанг, атынг чыгъар, аман болсанг, джанынг чыгъар.
- Тил – миллетни джаны.
- Джиби бир къат джетмей эди да, эки къат тарта эди.
- Акъыллы эркиши атын махтар, акъылсыз эркиши къатынын махтар.
- Бастасын ашагъан, хантусун да ичер.
- Кёкдеги болмаса, джердегин кёрмейди.
- Мени джылытмагъан кюн, меннге тиймесин!
- Айранны сюйген, ийнек тутар.
Стихи Кайсына Кулиева на балкарском...
|
Очень нужны стихи Кайсына Кулиева на балкарском языке. Помогите!Можно прямо в этой теме разместить...
|
|
|
|
|
|
Здесь несколько стихов
http://shamillion.h14.ru/osn/lit/pam.htm |
|
|
|
|
|
Спасибо!
|
||||
|
|
|
|||
Читают тему (гостей: 1)