Войти на сайт
25 Июня 2026 года

 

  • Тойну къарнашы – харс, джырны къарнашы – эжиу.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ауузу аманнга «иги», деме.
  • Джюрекден джюрекге джол барды.
  • Эки итни арасына сюек атма, эки адамны арасында сёз чыгъарма.
  • Аууздан келген, къолдан келсе, ким да патчах болур эди.
  • Аууз сакълагъан – джан сакълар.
  • Мени джылытмагъан кюн, меннге тиймесин!
  • Ётген ёмюр – акъгъан суу.
  • Ашхы – джыяр, аман – джояр.
  • Мал ёлсе, сюек къалыр, адам ёлсе, иши къалыр.
  • Магъанасыз сёз – тауушсуз сыбызгъы.
  • Алим болгъандан эсе, адам болгъан къыйынды.
  • Айран ичген – къутулду, джугъусун джалагъан – тутулду.
  • Уруну арты – къуру.
  • Акъыл къартда, джашда тюйюлдю – башдады.
  • Сагъышы джокъ – джукъучу, акъылы джокъ – къаугъачы.
  • Тыш элде солтан болгъандан эсе, кесинги элде олтан болгъан игиди!
  • Баш – акъыл ючюн, акъылман – халкъ ючюн.
  • Къолунгдан къуймакъ ашатсанг да, атаны борчундан къутулмазса.
  • Суу кетер, таш къалыр.
  • Ёксюзню къалачы уллу кёрюнюр.
  • Мухарны эси – ашарыкъда.
  • Термилгенинги табмазса, кюлгенинге тюберсе.
  • Чёбню кёлтюрсенг, тюбюнден сёз чыгъар.
  • Башы ишлегенни, ауузу да ишлер.
  • Керти сёзге тёре джокъ.
  • Босагъа таш юйге кирмей эди, тыбыр таш эшикге чыкъмай эди.
  • Тюзлюк тас болмайды.
  • Билмезни кёзю кёрмез, этмезни къулагъы эшитмез.
  • Аман адам элни бир-бирине джау этер.
  • Тойгъа барсанг, тоюб бар, эски тонунгу къоюб бар.
  • Нёгерсизни джолу узун.
  • Биреуге кёлтюрген таягъынг, кесинги башынга урур.
  • Дуния малгъа сатылма, кесингден телиге къатылма.
  • Бичгенде ашыкъма, тикгенде ашыкъ.
  • Аман киши кеси юйюнде – къонакъ.
  • Уллу сёзде уят джокъ.
  • Кимни – тили, тиши онглу, кимни – къолу, иши онглу.
  • Кюн кёрмеген, кюн кёрсе, кюндюз чыракъ джандырыр.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Олтуруб кёрюнмей эди да, ёрге туруб кёрюне эди.
  • Джаз бир кюнню джатсанг, къыш талай кюнню абынырса.
  • Иги сёз – джаннга азыкъ, аман сёз башха – къазыкъ.
  • Мухардан ач ычхынмаз.
  • Адеб джокъда, намыс джокъ.
  • Аз айтсам, кёб ангылагъыз.
  • Таукел тауну аудурур.
  • Рысхы – сют юсюнде кёмюк кибикди.
  • Сабийликде юретмесенг, уллу болса – тюзелмез.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 След.
RSS
Джел сюймеклик...
 
#26
Джаратама0
05.09.2011 02:13:24
Кёремеда сен Зухрагъа ышанаса бегиракъ)))))))))))

сюймеклигине ышанама
 
 
 
#27
Джаратама0
05.09.2011 02:15:30
zuuu

Зухра бир сабыр адам... атасы бла анасы анданда сыбырла, болурла...ол себебли...хеппи энд..)))
тынч эсен.. бир бирин ангылаб, кёллерин ачыб джашадыла...)))

Беш жыл ётдю. Бир кюн Зухра сагышланды: "Ол мени сюйгенича сюе болурму? Кечиракъ келип башлады ишинден, тюнене ингирде ашны аллына салдым, тийгенда этмеди. Бир башха тиширыугъамы къарады кёзю?" Эки кюн сагъышха кетип, хар этген ашын тузлу болуп, эки кече жукъламай чыгъып, тынчаялмагъан Зухра сорду Азретни: "Сен мени къаллай бир сюесе?"

Продолжайте
 
 
 
#28
Джаратама0
05.09.2011 02:28:02
Dalila
Экисин орунлары бла ауштурсакъ огъуна табыракъ боллукъду...)))
"Былай ничо, тапчыкъды"
Джохаргъа ушарыкъ эди...)))

Аны сагъышында, айтханында тюлдю иш.... терс англагъансыз...)))
Мени сартым: эркиши бек кесек намыслы, сабырлы, БАСЫМЛЫ болургъа керекди...)))
 
 
 
#29
Джаратама0
05.09.2011 02:35:17
Qarcha Тебе дать волю, ты всех одинаковыми сделаешь))))))))))
 
 
 
#30
Джаратама0
05.09.2011 02:44:28
Dalila
Да къолума аллай эркинлик бермегенигиз себебли келиб турабызда харсха...)))
 
 
 
#31
Джаратама0
05.09.2011 19:08:05
Мен джаратдым, бек иги хапарды...

Мен былай кердюм: Азрет Зухраны джаратады, сюеди, алай а ангыламайды))))))))))))))))))... ол аны джунчугъанын уялгъанын кермейди. Сора излеген затын эшитмегенинде - къылыгъы тутду .
экинчиси: Азрет Зухраны нек ангыламагъанын а уа кишиге терслик джазарча тюлбюз .
Аны себебли хапар ариу джазылгъанды, магъаналы джазылгъанды джашауда тюбеген затны ачыкъ билдиреди деб келюме келеди.))))
 
 
 
#32
Джаратама0
06.09.2011 04:44:06
Почему никто до сих пор не назвал Азрета идиотом?)) да и она хороша - ладно он идиот, погорячился, а она чего поперлась домой!?)) вощем оба сморосили, 1:1))
 
 
 
#33
Джаратама0
06.09.2011 16:00:55
Сант джаш кёре эдим хариб
 
 
 
#34
Джаратама0
06.09.2011 16:11:43
Dalila
Беш жыл ётдю. Бир кюн Зухра сагышланды: "Ол мени сюйгенича сюе болурму? Кечиракъ келип башлады ишинден, тюнене ингирде ашны аллына салдым, тийгенда этмеди. Бир башха тиширыугъамы къарады кёзю?" Эки кюн сагъышха кетип, хар этген ашын тузлу болуп, эки кече жукъламай чыгъып, тынчаялмагъан Зухра сорду Азретни: "Сен мени къаллай бир сюесе?" Продолжайте


? Сюеме, ? деди Азрет, арыгъан ауазы бла тунакы тауушланы чыгъара.
?Къалай сууукъ джууаб бересе! ? деб, Зухра гурушха этиб къарады тебси джанында олтуруб тургъан Азретге, къалай сюесе, аны айт...
?Да не къалайы барды къатын, хар ким сюйгенча сюе болурма мен да .
?Да аллай джыл бир тёшекни юлешиб, юч баланга кече-кюн демей къараб, халкъдан артыкъ сюйюлмезлик болубму кюрешеме, ? деди Зухра дагъыда.
Азрет сагъышха кетди. Да бу менден ийнакъланы сакълай болурму дейме къартлыгъында. Ары не деб башымдан бир алайым, къалай айтыб да рахат ашарыгъымы ашайым деб кёлюне келди джашны
Бираз сагъыш этиб туруб:
?Сау кюнню ишлеб келиб, ингирде ма бюгюн салгъанынг кибик исси гардош хычынча бир сюеме мен, ? деди.
?Хычынчамы? Тохта тохта, эски бышлакъ салыныб этилген хычынчамы? Тохта сен меннге къарт болгъанса, морт болгъансамы дерге кюрешесе? Азрет, мен сени алай эрикдиргеними билмей эдим, беш джылны ичинде меннге сезимлеринги джылыуу бузлаб бошагъан кёреме. Мен телида сени чындайларынгы, кёнчеклеринги джуууб, айтхан эди анам, сантды деб, ийнанмагъан эдим.....
 
 
 
#35
Джаратама0
06.09.2011 18:31:03
къарачайлы
 
 
 
#36
Джаратама0
06.09.2011 19:19:21
къарачайлы
опять Азрет сморосил.. уточнить этиб, малкъар хычынча - десе бир иш, о заман англарыгъеди Зухра..)) ансы, с жареным чебуреком сравнил ее, красавицу, игитда сокъуранырыгъеди анча джыл биргесине джашагъанына..)))
 
 
 
#37
Джаратама0
06.09.2011 20:00:52
къарачайлы

Бек сейир заманларындан секирип "къартлыкъларына" жетип къалдынг... Ары дери уа не тюрлю жетдиле?


....Жорта келеди жаз тил бла жыл артха айтылгъан сёзню магъанасын мыйысында бурдура, къыш мал орундан, жай бахчадан чыкъмагъан Азрет. Не айтып кирейим, къалай тюберик болурла-деп, къайынларыны къабакъ алларына жете жетмез къайын анасы, къабакъдан къарап "аллай тереда болады Азрет, ауруунгу алайым, къайдан чыкъдынг, къайры бараса?-деп сорду. Азрет башында кётюрмей, "да, анабыз, терс болгъанма, жыл алгъа Зухраны накъырда сёзюн ангыламай, жюрегин къыйнагъанма, кесими бир романтик суна эдим да, романтикадан узакъда тура кёре эдим, кечгинлик тилей, юйге къайт деп келгенме"-деп жуаплагъанды. Да билесе Азрет, санга Зухрагъа да игиликни менден бек адам сюе болмаз, алай сени бахчадан чыгъып келген сыфатынга къарайма да, сен энтда да, кечерсе ауруунгу алайым алай айтханыма, романтикадан узакъда кёрюнесе, деп ышарды (Зухраны атасы бла кесини жаш заманлары да эсине тюшюп, жаулукъ этеги бла ышарыла баргъан эринлерин букъдурду). Айып этме алай айтханыма, алай сенден ахыр бла айырылгъан сунуп, эрден къайтханына да къарамай келечиле жиберип турдула, адам бла да сёлеширге унамагъанды, келесе деп босагъаны сакълагъанын сезип, жарсып тургъанма. Мен келгенинги айтмам, артха къайт да, юсюнге, ол романтика дегенингден бир зат къоша кел, мен да санга тасхачы болайым ауруунгу алайым деди. Тюзсе анабыз деп, Азрет артха бурулуп кетди. Зухраны анасы да, тоба тоба, сабийини насыбы ючюн ана этмезлик жокъ кёреме деп, ахтына юйге кирди. Таушсуз кире келгенде, Зухра Азрени суратын аллына салып жилямукъларын сыйпай тура эди, анасы кесин билдирмей, башха отоугъа кирип, "не ишлейсе Зухра"-деп сёлешди. Да, китап окъуй тура эдим, сена къайда мычыдынг?. Да Азрет бла экиге айланган Къурманбийни жашы ётюп бара эди да, "Азрет ауруулу болуп къалады Зухраны сагъына, не айтырыкъ болур кечгинлик тилей келсем деп айтады"-деди. Аны бла сёлеше къалдым сизни юсюгюзден. Не эседа, Азрет тасхагъа ийгенге ушады-деп къошду да, Зухраны бетине къарады. Зухраны узун, ариу кирпиклери, къара, уллу кёзлерин жабып тура эдиле. Къарыусуздан, мудахдан кирпиклерин кётюралмагъанга ушай эди. Сёз айтмай, жилярыгъы тамагъына тыгъыла, жангыдан, жангы сагъышла бла Азретни суратына узала, артха, отоууна кирди. Сау жыл къызыны инжилгенин кёрген ана да мудах болуп, шинтикге олтуруп "энди Азрет, терк да адамыча да келе билге эди деп"-сагъышлы болду...........
 
 
 
#38
Джаратама0
06.09.2011 20:01:38
?... Зухра андан да бек джунчуду. Юйленнгенлерине джылдан артыкъ болса да, Зухра, алкъынкёлюн ачыб, Азрет бла эркин сёлеширге юреналмагъанды. ...?

Бир танышым айтханлай: "Юйдегили болгъанда, къатын бла остановкагъа чыкъсакъ, машна эки кере тохтай эди- алай узакъ сюеле эдик бир-бирден. Бусагъатда уа экинчи кюн къолтукълашып чыгъадыла орамгъа!"


?... Чырмауукъ хане бла джетек нартюх сабахчыкъла джумушатылгъан, зыбыр бюртюклю семиз къара топ-ракъгъа акъырын тёшеледиле. Аладан къутулгъанузун-чапракъ джаш нартюх сабахчыкъла, уча башлагъан къанатлычыкълача, ёрге-ёрге силкиниб, эркин керпесле-ннрге умут этедиле, алай а аяусуз иссилик аланы да эмиб, мууал чапракъларын тёбен салындырады. ..."
Жазуучулукъгъа пахмусу болмагъан айталлыкъ тюйюлдю былай


Азрет а кесин сабий кибик жюрютдю...
 
 
 
#39
Джаратама0
06.09.2011 20:02:47
Ашыкъдырмагъыз къартлыкъны-кеси да келликди.
 
 
 
#40
Джаратама0
06.09.2011 20:07:26
ТАУЛУЛА:

? алай сени бахчадан чыгъып келген сыфатынга къарайма да, сен энтда да, кечерсе ауруунгу алайым алай айтханыма, романтикадан узакъда кёрюнесе ?

Къайын анасы уа чамчы кёрюем
 
 
 
#41
Джаратама0
06.09.2011 20:10:56
АбуАхмад

Да абери ангыламагъанга чам этгенча ангылатады жарсыулу ана..
 
 
 
#42
Джаратама0
06.09.2011 20:19:44
Да андан ары жашаулары тап барырча, комплиментлени юсюнден темадан бир къауум затчыкъ юйренселе иги болуред
 
 
 
#43
Джаратама0
06.09.2011 20:26:24
АбуАхмад

Юйретейик. Бардыр андан ары....
 
 
 
#44
Джаратама0
07.09.2011 00:36:28
 
 
 
#45
Джаратама0
07.09.2011 01:50:55
Сонгра деп-андан ары хапарны бардырайыкъ...


Азрет юйге жетип, алан не сыфат бла баргъанма къайын анамы аллына бир кёз жетдирейим деп, кюзгю аллына сюелгенде, кюзгюден анга, ол бахчада бодуркъудан хазна башхалыгъы болмагъан биреу къарагъанын кёрюп, къайын анасыны "романтикадан" ангылауу киеуден мажал болгъанын сезди. Бурма чачыны юсюнде, бахчада къаллай ханс, битим бар эседа, хар биринден юлюш бар эди. Кёлеги терлеген санына жабышып (сейирмиди сау кюн чага этгенге), кёнчеги бла чурукъларын букъу басып. Ай Аллах разы болсун (къайын анасына ыспас эте), Зухрачыгъым да анга ушап меллекчик кёреме... Жуунду, къырынды, сакъал жюлюп, Зухраны келтиреме дегенде, эки жыл алгъа, сатып алгъан, киеулюк костюмун, асыралгъан да чурукъларын кийди. Кюзгюге къайтып къарап, маа, энди адамгъа ушай кёреме Азрет, деди кеси кесине. Аны бла, "романтика" ол сунуп тышына мыллыгын атханлай, босагъада экиге айланган къарнашы татлы да тенги Эрменбий бла бири бирине сирелип къалдыла. Алан, омакъда болуп не муштухулса деп соргъанда Эрменбий, Азрет ишни болушун болушунлай айтды. Да сора къарнашым, бир жыл да кёрмей туруп, кёзлеринги жандырып Зухраны аллына къуру къолларынг бла, салып баргъанны "романтикагъамы" санайса деп Азретни кёзюне къарады. Къара Аллах ючюн, сен айтмасанг къурлай барып къала эдим оллаха. Да тюкенге къайтып бир иги харбыз алайым. Харбызмы дейсе? Да, помидорлада къошайым.. Угъай, харбыз алып баргъан ол романтикамыды? Сора уа, не алып барыкъма, гокка хансламы, не айтырыкъды адам кёрсе? Да мелеек кибик Зухраны сау жыл, хата къыйыны болмай юйюнде тутханда уялсанг эди уа адамладан.. Кече, ючюнчю нёгерге Байкуну да алабыз, Зухраны терезе тюбюне барабыз, сен жырлап биз эжиу этип, терезеден къараса уа саугъа узатаса.... Энди саугъаны оноуун бла, не айтырынгы оноуун этейик.....
 
 
 
#46
Джаратама0
07.09.2011 01:55:03
романтика бла болмайсыз не эседа)))
 
 
 
#47
Джаратама0
07.09.2011 01:59:03
изяшниперсон
Болуш.
 
 
 
#48
Джаратама0
07.09.2011 02:03:25
ТАУЛУЛА
энди саугъагъа арбуз бла помидорла алыб мы барасыз? ой сизни огъесе ))
 
 
 
#49
Джаратама0
07.09.2011 02:10:56
Да маа, Азрет да, Эрменбий да, Байку да, алагъа мен да къошулуп сагъыш этебиз, бир оюмгъа келалмайбыз... бир акъыл юлюш, амал бар эсе?
 
 
 
#50
Джаратама0
07.09.2011 02:16:28
ТАУЛУЛА
ол заманлагъа кере бир иги бриллиант ташы бла джюзюк элтсин де))
 
 
 
Страницы: Пред. 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.