Войти на сайт
11 Мая 2026 года

 

  • Гыдай эчки суугъа къараб, мюйюзле кёрмесе, джашма алкъын, дегенди.
  • Ишлерге уял да, ашаргъа табма.
  • Эртде тургъан бла эртде юйленнген сокъуранмаз.
  • Къарны аманнга къазан такъдырма, къолу аманнга от джакъдырма.
  • Къолунгдан къуймакъ ашатсанг да, атаны борчундан къутулмазса.
  • Шапа кёб болса, аш татымсыз болур.
  • Адам боллукъ, атламындан белгили болур.
  • Аджалсыз ёлюм болмаз.
  • Уллу айтханны этмеген – уллаймаз.
  • Уруну арты – къуру.
  • Бек ашыкъгъан меннге джетсин, дегенди аракъы.
  • Окъ къызбайны джокълайды.
  • Эли джокъну – кёлю джокъ.
  • Сескекли кесин билдирир.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Хаухну атма, ёнгкючню сатма.
  • Кийиминг бла танылма, адамлыкъ бла таныл.
  • Кёлю джокъну – джолу джокъ.
  • Ачлыкъда тары гырджын халыуадан татлы.
  • Кесинг сынамагъан затны, адамгъа буюрма.
  • Ауругъаннга – кийик саулукъ, джетген къызгъа – чилле джаулукъ.
  • Биреу къой излей, биреу той излей.
  • Сабийликде юретмесенг, уллу болса – тюзелмез.
  • Орундукъ тюбюнде атылсам да, орта джиликме, де да айлан.
  • Джан саулукъ бермей, сан саулукъ бермезсе.
  • Башынга джетмегенни сорма.
  • Кёпюр салгъан кеси ётер, уру къазгъан кеси кетер.
  • Айырылгъанланы айю ашар, бёлюннгенлени бёрю ашар.
  • Акъыллы – эл иеси, тели – эл баласы.
  • Окъдан джара эртде-кеч болса да бителир, сёз джара, ёмюрге къалыр.
  • Тойгъанлыкъ къойгъа джарашады.
  • Сютден ауузу кюйген, суугъа юфгюре эди.
  • Баш – акъыл ючюн, акъылман – халкъ ючюн.
  • Ханы къызы буюгъа-буюгъа киштик болду.
  • Рысхы джалгъанды: келген да этер, кетген да этер.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Эки элинги тыйсанг, джети элде махталырса.
  • Адамны аманы адамны бети бла ойнар.
  • Намысы болмагъанны, сыйы болмаз.
  • Ёлмесенг да, къарт дамы болмазса?
  • Кирсизни – саны таза, халалны – къаны таза.
  • Ушамагъан – джукъмаз.
  • Бюгюн дуния кибик, тамбла ахыратды.
  • Чабакъ башындан чирийди.
  • Ач къалгъандан, кеч къалгъан къолай.
  • Рысхы – сют юсюнде кёмюк кибикди.
  • Накъырда – кертини келечиси.
  • Къазанны башы ачыкъ болса, итге уят керекди.
  • Ачлыкъ отха секиртир.
  • Бал ашаргъа сюе эсенг, чибин ургъаннга тёз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3
RSS
Джел сюймеклик...
 
#51
Джаратама0
07.09.2011 02:59:04
къарачайлы

ТАУЛУЛА
харбуз то что надоды
 
 
 
#52
Джаратама0
07.09.2011 11:59:08
Аман тормоз этдигиз Азретни
Алайсызда, къыз сау жыл аны суратына жиляп тургъанда, башына кюн ёткюнчю иги эсине алмагъанды Азрет Зухраны
 
 
 
#53
Джаратама0
07.09.2011 14:08:16
АбуАхмад
Да Тормоз болса не этериксе, алай бош тормоз тюлдю, деменгили тормозду
 
 
 
#54
Джаратама0
07.09.2011 20:51:46
къарачайлы
ТАУЛУЛА
 
 
 
#55
Джаратама0
07.09.2011 20:58:50
Шамильхан, не болдула 'киеу женгер' къураналдыламы?
 
 
 
#56
Джаратама0
07.09.2011 23:23:56
Кесим ашырмасам теберик тюйюлдюле.

Харбыз, помидор, дагъыда алагъа ушаш кёгет, ашарыкъ болсун Зухраны келтиргенден сора жыйышдырырса. Аллына баргъанда не ала барайыкъ, деп сорду Эрменбий. Азрет аузун ача тургъунчу Байку телефон бла эгечине сёлешип, СОВЕТ бардырып, уллу ташы бла, бирилиант жюзюк алыргъа керекди, дегени айтды. Азрет, брилиант де, бирилиант демеда деп къошду, бети да кёмюр кибик къаралып, ненча ахча керегин башында бурдура. Анасына да бир Оренбург жаулукъ керекди тейри, деп къошду биягъы Байку. Азрет жазыкъсынган бети бла умутлу (угъай дер эсе дегенча), Эрменбийге къарады. Аперим Байку, сен иги биле кёреме бусагъатда халкъда жюрюген алчы-берчи тёрелени. Бер ахча Азрет, мен керек затланы терк мажарып жетейим, деп тутду Эрменбий. Тыш адам Байкугъа тенг болуп, къарнашы Азретге уронну аз этер мадар излемей. Къызгъанч Азрет, кесинден, сюйгенинден да къызгъанып кюбюрде мугут этдире тургъан ахчачыгъындан юзерге тюшдю. Эрменбий айтханыча, саудюгерчи къатынга барып, жюзюкню, жаулукъну да омакъларын муштухул алып жетди да, тенгле кёз байлана жолгъа чыкъдыла. Оноулашханларыча, Зухраны терезе тюбюне жанларгъа керек эдиле. Зухраны терезеси, юйню арт жанына, бахчагъа чыкъгъаны себепли, арт орам бла барып, сехлени юсю бла бахчагъа тюшерге керек болду. Жарсыугъа, аны ал кечесинде тюз алай Зухраланы бахчалары бла кирип къайсы къан тулукъла, хоншуларыны мал орунларындан къойларын ташып кетгенлери себепли. Ол юйню иеси, къарнашындан уллу таулу парийни да келтирип, къауалны да туз бла жерлеп мал орунда бугъуп болгъанды. Жашла да акъыртын терезеден арлакъда тохтап, жерлерин алып, жырларгъа хазырланып, Эрменбий да ай жарыкъда дирижёр сыфатха кирип къолун кётюрюп бир, эки, юч дегенлей, хоншу бахчада от чагъып, сехле башындан бери да бир уллу зат толан болуп ауду.....
 
 
 
#57
Джаратама0
08.09.2011 13:31:13
ТАУЛУЛА Бошаб къояргъа тебрегенсе бир къолдан Азрет харибни))))))))))))))))) Ма алай болады да сант болса адам
 
 
 
#58
Джаратама0
08.09.2011 18:42:35
.......Булутлада уча тургъан Азрет, къауалдан чыкъгъан, туз юлюшюн да сыртындан тохтап эжиуге хазырланган нёгерлери кеслерине алгъанлары себепли, жерде бола тургъан жумушну кечирек ангылады. Эс жыя тебрегенде, эки нёгери сехлени башы бла, (Исимбаева уа къайда къалсын) бир затлары да тиймей, жангыз да ол парий кёнчекден бош этген жылтыраукъ жерлери ай жарыкъда жылтырап, ауп кетгенлерин эследи. Нёгерлерин сехден аудуруп, сена нек тураса дегенча, терек бутакъланы да уата ол толан Азрет таба бурулду. Жаны тамагъына бителген жангы-эски киеу парийден башха жанына къачама десе андан а биреу, ач къысарыкъ гудула дей, бир затла айта, къарангыда ушкогун жерлерге кюреше Азрет таба атлай келе эди..
Ёлюпмю къалама, Зухрачыгъымы да къойнума бир къысмай деп башына аллай акъыл келе келмез, терезе ачылып Зухраны, Азрет, деген сёзю, жыгъыла тургъан Азретге къанат салды. Къанат салгъанлыкъгъа тырнакъ битдирмедида, къанатлы кибик учуп Азрет Зухраны да терезеден сыйпап ичине ташайды.... Омакъ костюмун да парий ийсгеб да кере, аягъы бла да ура, узалгъанымда муну ичинде бир зат а бар эди ...дегенге ушаш, башын булгъай эди...
 
 
 
#59
Джаратама0
09.09.2011 01:17:23
ТАУЛУЛА
Харбузунду башыны кийдирдилеми?
 
 
 
#60
Джаратама0
09.09.2011 01:25:48
Байку телефон бла эгечине сёлешип, СОВЕТ бардырып, уллу ташы бла, бирилиант жюзюк алыргъа керекди, дегени айтды.
 
 
 
#61
Джаратама0
09.09.2011 13:22:19
бездушный кролик, харбыз юйде сакълай эди Азрет Зухра бла къайтырын...
 
 
 
#62
Джаратама0
16.10.2011 17:35:33
Гардош дап джыйылыб бошалды, не болдула, Зухра къайтдымы? азрет анга къар кютерик болмаз къыш?
 
 
 
#63
Джаратама0
19.10.2011 17:40:20
...Азрет ол учханы бла, Зухраны да къучакълагъанлай отоуну огъары жанына жетди. Зухра сейирге къалып, жаным алай тансыкъ болгъанынгы билсем, ехтемлигими да унутуп кесим къайтып бармаймы эдим юйге деп, кёз жилямукълары саркъа къалтырай тургъан Азретни къаты къучакълады. Тоба тоба, кертиси бла да, ол биринчи кере тюбешгенибизде да къалтырай болмаз эдинг былай жаным, энди таза ангыладым къалай себепсиз сюйгенинги мени-деп къошду Зухра, къалтыраукъну керти сылтаун ангыламай. Азрет сёлешалмагъаны себепли, бишген баш кибик, аузун уллу ачып кюлюрге кюреше эди. Менда къуанама, деп къошду ол болумуна да Зухра. Бахча да, отоуда да тюрлю таушланы эшитген, эшикни шош ачып Зухраны анасы башын къаратып, терезени ачыкълыгъын бла къызы бла киеуюн да ол турмушларын кёрюп, тоба тоба деп шыбырдай артха ташайды. Къайын ана сейирге къала, кеси отоууна барып шинтикге олтура, не эди ол мен кёрген, эшик бла уа нек кирген болмаз, огъесе Азретге жыл саны уллая баргъанлы, романтика деген аурууларымы тие тебиреген болур, деп кесине алай сорду. Охо, аурууларын алайым, не тюрлю да ойнай, накъырда эте тургъа эдиле, бири бирини жюрегин къыйнамай жашагъа эдиле ансы, деген акъылгъа келип, ышарды.
Ол заманга Азретге да тил къайтып, мындан ары къалай аламат жашарыкъларыны хапарын айта тура эди Зухрагъа. Гардошну да къазып уругъа жыйгъанма, анга кёре алманы, хобустаны.... Бюгюнден ары башха жашау башларгъа керекбиз. Кесиме кечалмайма, сени, мелеекчикни, ол уллу кюрек бла къар тёгерге жибериучюм эсиме тюшсе. Ол къар къалауну ариулагъан угъай, ол уллу кюрекни кесин окъуна къалай кётюре болур эдинг? Неда, кёз алыма, мал орунда галошунг аягъынгдан тюшюп кетип, ол батмакъгъа жалан аягъынг бла батханынг эсиме тюшсе уа кесими ёлтюрюгюм келеди деп, тишлерин къыжырата, жумдурукъларын къысып таушларын чыгъарды... Ол сёзлени эшитген Зухраны бетине къарагъан, ангыларыкъ эди, бу такъыйкъада андан насыплы адам жер юсюнде болмагъанын. Охо Азрет, унутайыкъ ол затланы энди, жангыдан жашау башлайыкъ... Хау жаным, энди башха тюрлю жашарыкъбыз, ол кюрекни да бияры атханма. Иш этип базаргъа барып, сени къол кючюнге жарарыкъ гитчерек, къаты пласмасдан этилген, тюрсюнлю кюрекчик алып келгенме, сыфатчыгъына къарап турурса. Арбазда мюйюшге сюегенме да, алайгъа окъуна сыфат береди. Аны къойда, айтханымча ол галошланы да юйден къоратханма. Кюрек бла бирге, юч къаум резин сапохчукъ да алгъанма сени ариу аякъчыкъларынга жараулу. Сапох дегенде да аллайчыкъладыла, табанчыкълары да чюй табанчыкъла болуп, биринчи келген юч къаумну алып кетгенме, сенден сора адамгъа жетмесин деп. Бирлери акъчыкъладыла, орамгъа киерге, бирлери къызыл, арбазда киерге, бирлери уа къара, мал орунга. Соруп да кёргенме, элде бир адамда жокъдула аллай сапохчукъла... Зухра не эсе да айтама деп аузун ачханлай, айтырыгъын айталмай аузу ачылып тура эди... Биле эдим къуанырыгъынгы ариучугъум деп Азрет Зухраны къучакълап кесине къысды.... Парий Азретни парий къылыкъларын къайтаргъанга ушай эди......
 
 
 
#64
Джаратама0
19.10.2011 23:17:50
 
 
 
#65
Джаратама0
21.10.2011 05:49:41
азрет анга къар кютерик болмаз къыш?
всезнайка
Блажен кто верует © ))))))))))
 
 
 
#66
Джаратама0
21.10.2011 06:51:09
///
 
 
 
#67
Джаратама0
21.10.2011 11:24:59
Кецхиллик)), удалила - под своим ником не хочется писать, а под другим не получается без регистрации))
 
 
 
#68
Джаратама0
21.10.2011 20:11:59
"под своим ником не хочется писать, а под другим не получается без регистрации"

И зачем тогда об этом говорить? Да об этом молчать нужно, как партизан. А написали-то наверняка гадости, раз посчитали написанное непристойным для своего ника. Странно вообще, как можно написать нехорошести в этой забавной теме.
 
 
 
#69
Джаратама0
22.10.2011 02:35:22
Бейджик
Самое забавное в этой теме - это # Дата: 21 Окт 2011 17:11 ))))))))))
 
 
 
#70
Джаратама0
22.10.2011 02:37:12
"под своим ником не хочется писать, а под другим не получается без регистрации"

И зачем тогда об этом говорить?

Это было пояснение для тех, кто успел прочитать то, что я написала.
 
 
 
Страницы: Пред. 1 2 3
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.