- Юй кюйдю да, кюйюз чыкъды, ортасындан тюйюш чыкъды.
- Джылкъыдан – ат чыгъар, тукъумдан – джаш чыгъар.
- Чоюнну башы ачыкъ болса, итге уят керекди.
- Намыс сатылыб алынмайды.
- Агъач – джерни чырайы, кийим – эрни чырайы.
- Ишлегенден, къарагъан уста.
- Кюн кёрмеген, кюн кёрсе, кюндюз чыракъ джандырыр.
- Айтхан – тынч, этген – къыйын.
- Ачлыкъ отха секиртир.
- Джыланны къуйругъундан басарынг келсе, аны башы болгъанын унутма.
- Чарсда алчыны эл кёреди.
- Адам сёзюнден белгили.
- Адам боллукъ, атламындан белгили болур.
- Кёб джашагъан – кёб билир.
- Ашлыкъны арба юйге келтирир, чана базаргъа элтир.
- Къарнынг тойгъунчу аша да, белинг талгъынчы ишле.
- Эртде тургъан джылкъычыны эркек аты тай табар.
- Билим ат болуб да чабар, къуш болуб да учар.
- Эшекге миннген – биринчи айыб, андан джыгъылгъан – экинчи айыб.
- Сакъалы текени да бар, мыйыгъы киштикни да бар.
- Джумушакъ сёз къаты таякъны сындырыр.
- Кенгеш болса, уруш болмаз.
- Къыз тиширыу кеси юйюнде да къонакъды.
- Атадан ёксюз – бир ёксюз, анадан ёксюз – эки ёксюз.
- Тойну къарнашы – харс, джырны къарнашы – эжиу.
- Тёрдеги кюлсе, эшикдеги ышарыр.
- Суу да къайтады чыкъгъан джерине.
- Ач бёрюге мекям джокъ.
- Тилчи тилден къаныкъмаз.
- Юйлю уругъа ит чабмаз.
- Аууздан келген, къолдан келсе, ким да патчах болур эди.
- Чомартха хар кюн да байрамды.
- Къызбайны юйюне дери сюрсенг, батыр болур.
- Эркишини аманы тиширыуну джылатыр.
- Дуния аламаты сен эсенг да, игиме деб айтма.
- Кёл – къызбай, къол – батыр.
- Сыфатында болмагъаны, суратында болмаз.
- Джарлыны эшигин махтагъан джабар.
- Ата Джуртун танымагъан, атасын да танымаз.
- Туз, гырджын аша, тюзлюк бла джаша.
- Ариу сёз джыланны орнундан чыгъарыр.
- Байны къызы баймакъ болса да, юйде къалмаз!
- Тёгюлген тюгел джыйылмайды.
- Келлик заман – къартлыкъ келтирир, кетген заман – джашлыкъ ёлтюрюр.
- Таукел къуру къалмаз.
- Ариу – кёзге, акъыл – джюрекге.
- Мухар, кеси тойса да, кёзю тоймаз.
- Тыш элде солтан болгъандан эсе, кесинги элде олтан болгъан игиди!
- Кесинге джетмегенни, кёб сёлешме.
- Олтуруб кёрюнмей эди да, ёрге туруб кёрюне эди.
Тукъумланы атауллары
|
Мен Айбазладанма, эшитгенме Айбазланы атауларын юсюнден, алайа хапарсызма. Ким билейеседа джазыгъыз.
|
|
|
|
|
|
блай къарайма да не киши тукъумун билдирирге излемейди, не да атаулларын билмейдиле!
|
|
|
|
|
|
Мен Биджиладанма, атаул - Ташалдарлары))) Дагъыда Биджилада Чопашлары, Ючинеклары, Сернекле (чам атлары) деб атауула бардыла))
|
|
|
|
|
|
Мен Борлакъладан ,Атаул-джернеслери))
|
|
|
|
|
|
айыб этмегиз, атаул деп кимге айтасыз? основатель рода деген магъанадамы?
|
|
|
|
|
|
Мен Дотдайладан, атаулум - Герийладан :smt006
|
|
|
|
|
|
Мен Езденледенме, атаулум - Хуртдаладан :smt006
|
|
|
|
|
|
Мен Байчораладанма,атаулм-Бёдене!
|
|
|
|
|
|
М н
|
|
|
|
|
|
Мен Чомаладанма, атаул - Алдамазлары
|
|
|
|
|
|
Мен Хасанладанма, атаулум Хызырлары.
|
||||
|
|
|
|||
Читают тему (гостей: 1)