- Адамны бетине къарама, адетине къара.
- Таш ата билмеген, башына урур.
- Тойгъа алгъа да барма, тойда артха да къалма.
- Къарнынг къанлынга кийирир.
- Чакъырылмагъан джерге барма, чакъырылгъан джерден къалма.
- Мадар болса, къадар болур.
- Къызгъанчдан ычхыныр, мухардан ычхынмаз.
- Билеги кючлю, бирни джыгъар, билими кючлю, мингни джыгъар.
- Урунуу – насыбны анасы.
- Кёзден кетген, кёлден да кетеди.
- Мал кёб болса, джууукъ кёб болур.
- Тас болгъан бычакъны сабы – алтын.
- Къарыусузгъа кюлме, онгсузгъа тийме.
- Къонагъынгы артмагъын алма да, алгъышын ал.
- Сабий кёргенин унутмаз.
- Кёлю джокъну – джолу джокъ.
- Джыгъылгъанны сырты джерден тоймаз.
- Биреуню эскиси биреуге джангы болмайды.
- Къайгъы тюбю – тенгиз.
- Кийим тукъум сордурур.
- Билим ат болуб да чабар, къуш болуб да учар.
- Ач, тоймам, дейди, тойгъан, ач болмам, дейди.
- Ишлерге уял да, ашаргъа табма.
- Адам къыйынлыгъын кёлтюрюр, зауукълугъун кёлтюрмез.
- Аман адам этегингден тутса, кес да къач.
- Хар адамгъа кеси миннген тау кибик.
- Аз сёлешген, къайгъысыз турур.
- Чабакъ башындан чирийди.
- Байма, деб да, къууанма, джарлыма, деб да, джылама.
- Ёлюр джаннга, ёкюл джокъ.
- Къая джолда джортма, ачыкъ сёзден къоркъма.
- Джети тилни билген джети кишиди.
- Адеб базарда сатылмаз.
- Айтылгъан сёз ызына къайтмаз.
- Сютден ауузу кюйген, суугъа юфгюре эди.
- Ачлыкъда тары гырджын халыуадан татлы.
- Кёрмегеннге кебек – танг, битмегеннге сакъал – танг.
- Сибиртки да сыйлы болду, кюрек да кюнлю болду.
- Ауругъаннга – кийик саулукъ, джетген къызгъа – чилле джаулукъ.
- Эли джокъну – кёлю джокъ.
- Къазанны башы ачыкъ болса, итге уят керекди.
- Телиге акъыл салгъандан эсе, ёлгеннге джан салырса.
- Ачыу алгъа келсе, акъыл артха къалады.
- Ачылгъан эт джабылыр, кёрген кёз унутмаз.
- Кенгеш болса, уруш болмаз.
- Эр абынмай, эл танымаз.
- Къартны сыйын кёрмеген, къартлыгъында сыйлы болмаз.
- Окъдан джара эртде-кеч болса да бителир, сёз джара, ёмюрге къалыр.
- Элде адам къалмаса, ит тахтагъа минер.
- Шапа кёб болса, аш татымсыз болур.
Тукъумланы атауллары
|
Мен Айбазладанма, эшитгенме Айбазланы атауларын юсюнден, алайа хапарсызма. Ким билейеседа джазыгъыз.
|
|
|
|
|
|
блай къарайма да не киши тукъумун билдирирге излемейди, не да атаулларын билмейдиле!
|
|
|
|
|
|
Мен Биджиладанма, атаул - Ташалдарлары))) Дагъыда Биджилада Чопашлары, Ючинеклары, Сернекле (чам атлары) деб атауула бардыла))
|
|
|
|
|
|
Мен Борлакъладан ,Атаул-джернеслери))
|
|
|
|
|
|
айыб этмегиз, атаул деп кимге айтасыз? основатель рода деген магъанадамы?
|
|
|
|
|
|
Мен Дотдайладан, атаулум - Герийладан :smt006
|
|
|
|
|
|
Мен Езденледенме, атаулум - Хуртдаладан :smt006
|
|
|
|
|
|
Мен Байчораладанма,атаулм-Бёдене!
|
|
|
|
|
|
М н
|
|
|
|
|
|
Мен Чомаладанма, атаул - Алдамазлары
|
|
|
|
|
|
Мен Хасанладанма, атаулум Хызырлары.
|
||||
|
|
|
|||
Читают тему (гостей: 1)