- Киштикге къанат битсе, чыпчыкъ къалмаз эди.
- Адамны сабийин сюйген джюреги, бычакъча, джитиди.
- Намыс сатылыб алынмайды.
- Ач бёрюге мекям джокъ.
- Мен да «сен», дейме, сен да «кесим», дейсе.
- Асхат ашлыкъ сата, юйдегиси ачдан къата.
- Аджашхан тёгерек айланыр.
- Мал кёб болса, джууукъ кёб болур.
- Эллинг бла джау болсанг да, юйюнг бла джау болма.
- Гугурук къычырмаса да, тангны атары къалмаз.
- Эринчекни аурууу – кёб.
- Къарт болгъан джерде, берекет болур, сабий болгъан джерде, оюн болур.
- Къанны къан бла джуума, аманны аман бла къуума.
- Джюрекге ариу – кёзге да ариу.
- Босагъагъа джууукъ орун болса, ашыгъыб тёрге озма.
- Ишлемеген – тишлемез.
- Тойгъа алгъа да барма, тойда артха да къалма.
- Сибиртки да сыйлы болду, кюрек да кюнлю болду.
- Хансыз джомакъ болмаз.
- Таукел адам тау тешер.
- Мухардан ач ычхынмаз.
- Ким бла джюрюсенг, аны кёзю бла кёрюнюрсе.
- Ышармагъан – кюлмез, кюлмеген – къууанчны билмез.
- Акъыл къартда, джашда тюйюлдю – башдады.
- Тёгюлген тюгел джыйылмайды.
- Уллу суу бла уллу ауруудан башынгы сакъла.
- Айныгъанлы алты кюн, тогъайгъанлы тогъуз кюн.
- Кёзню ачылгъаны – иги, ауузну джабылгъаны – иги.
- Ишни аллы бла къууанма да, арты бла къууан.
- Аманны эки битли тону болур, бирин сеннге кийдирир, бирин кеси киер.
- Акъыллы – эл иеси, тели – эл баласы.
- Ашхы – джыяр, аман – джояр.
- Ёгюзню мюйюзюнден тутадыла, адамны сёзюнден тутадыла.
- Ёгюзню мюйюзлери ауурлукъ этмейдиле.
- Къыйынлы джети элге оноу этер.
- Телиге акъыл салгъандан эсе, ёлгеннге джан салырса.
- Аджашханны ызындагъы кёреди, джангылгъанны джанындагъы биледи.
- Джыгъылгъанны сырты джерден тоймаз.
- Джылкъыдан – ат чыгъар, тукъумдан – джаш чыгъар.
- Иги джашны ышаны – аз сёлешиб, кёб тынгылар.
- Джарлыны тону джаз битер.
- Келинни – келгинчи, бёркню кийгинчи кёр.
- Иши джокъну, сыйы джокъ.
- Артына баргъанны, къатына барма.
- Тили узунну, намысы – къысха.
- Рысхы джалгъанды: келген да этер, кетген да этер.
- Адамны сыфатына къарама, сёзюне къара.
- Эркишини аманы тиширыуну джылатыр.
- Келгинчи, къонакъ уялыр, келгенден сора, къонакъбай уялыр.
- Кёпюр салгъан кеси ётер, уру къазгъан кеси кетер.
