- Аууз сакълагъан – джан сакълар.
- Ач келгенни – тойдур, кеч келгенни – къондур.
- Этни да ашады, бетни да ашады.
- Атадан ёксюз – бир ёксюз, анадан ёксюз – эки ёксюз.
- Акъыллы башны – тили къысха.
- Къайтырыкъ эшигинги, къаты уруб чыкъма.
- Арпа, будай – ащды, алтын, кюмюш а – ташды.
- Кийиминг бла танылма, адамлыкъ бла таныл.
- Ишге юренсин къоллары, халкъ бла болсун джоллары.
- Ач да бол, токъ да бол – намысынга бек бол.
- Акъылсызны джууукъгъа алма, акъыллыны кенгнге салма.
- Къонакъ болсанг, ийнакъ бол.
- Насыблы элин сюер, насыбсыз кесин сюер.
- Къызгъанчдан ычхыныр, мухардан ычхынмаз.
- Тешик этген тынчды, аны джамагъан къыйынды.
- Сабий болмагъан джерде, мёлек болмаз.
- Чомартха Тейри да борчлуду.
- Кийимни бир кюнню аясанг, минг кюннге джарар.
- Гырджын – тепсини тамадасы.
- Баш болса, бёрк табылыр.
- Джол бла сёзню къыйыры джокъ.
- Таукелге нюр джауар.
- Юйюнг бла джау болгъандан эсе, элинг бла джау бол.
- Айтханы чапыракъдан ётмеген.
- Тау башында, тау болмаз, джангыз терек, бау болмаз.
- Джумушакъ сёз къаты таякъны сындырыр.
- Адам туугъан джеринде, ит тойгъан джеринде.
- Джаш болсун, къыз болсун, акъылы, саны тюз болсун.
- Ёлген ийнек сютлю болур.
- Адамны аманы адамны бети бла ойнар.
- Джаханимни кёрмей, джандетге кёл салмазса.
- Тойгъан джерге джети къайт.
- Къыйынлы джети элни къайгъысын этер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Алтыннга тот къонмаз.
- Тюзню ётмеги тюзде къалса да, тас болмаз.
- Игилик игилик бла сингдирилиучю затды.
- Мухар, кеси тойса да, кёзю тоймаз.
- Аш кетер да бет къалыр.
- Чомартха хар кюн да байрамды.
- Эл ауузу – элия.
- Ариуну – ауруу кёб.
- Игиге айтсанг – билир, аманнга айтсанг – кюлюр.
- Тойчу джашха къарама, къойчу джашха къара.
- Таш бла ургъанны, аш бла ур.
- Адам боллукъ, атламындан белгили болур.
- Къызын тута билмеген, тул этер, джашын тута билмеген, къул этер.
- Кёл – къызбай, къол – батыр.
- Намыс болмагъан джерде, насыб болмаз.
- Аджашханны ызындагъы кёреди, джангылгъанны джанындагъы биледи.
