- Ауузу аманнга «иги», деме.
- Мухарны эси – ашарыкъда.
- Уллу къазанда бишген эт, чий къалмаз.
- Келгинчи, къонакъ уялыр, келгенден сора, къонакъбай уялыр.
- Тау башында, тау болмаз, джангыз терек, бау болмаз.
- Тамбла алтындан бюгюн багъыр ашхы.
- Ётюрюкден тюбю джокъ, кёлтюрюрге джиби джокъ.
- Эки элинги тыйсанг, джети элде махталырса.
- Адам къаллай бир ишленмесе, аллай бир кесин уллу кёреди.
- Ариу джол аджал келтирмез.
- Джылыгъа джылан илешир.
- Окъугъан – асыу, окъумагъан – джарсыу.
- Мухар, кеси тойса да, кёзю тоймаз.
- Тас болгъан бычакъны сабы – алтын.
- Джигер – джаннга къыйынлыкъ.
- Алим болгъандан эсе, адам болгъан къыйынды.
- Элиб деген, элге болушур.
- Къарт айтханны этмеген, къартаймаз.
- Кесине оноу эте билмеген, халкъына да эте билмез.
- Къайгъыны сюйген, къайгъы табар.
- Биреуню къыйынлыгъы бла кесинге джол ишлеме.
- Аз сёлешген, къайгъысыз турур.
- Ёксюзню къалачы уллу кёрюнюр.
- Къарыусузгъа кюлме, онгсузгъа тийме.
- Ашарыкъда сайлагъаннга – чий гырджын.
- Кёб къычыргъандан – къоркъма, тынч олтургъандан – къоркъ.
- Билеги кючлю, бирни джыгъар, билими кючлю, мингни джыгъар.
- Тилчиден кери бол.
- Эркишиге тары кебек танг кёрюнюр.
- Ариу – кёзге, акъыл – джюрекге.
- Таш бла ургъанны, аш бла ур.
- Таукел къуру къалмаз.
- Ашын ашагъанынгы, башын да сыйла.
- Этим кетсе да, сюегим къалыр.
- Баш болса, бёрк табылыр.
- Чомарт джарлы болмаз.
- Джиби бир къат джетмей эди да, эки къат тарта эди.
- Иесиз малны бёрю ашар.
- Байлыкъ болгъан джерде, тынчлыкъ джокъду.
- Ышармагъан – кюлмез, кюлмеген – къууанчны билмез.
- Гугук кесини атын айтыб къычыргъанча, мен, мен деб нек тураса?
- Айтхан – тынч, этген – къыйын.
- Ач да бол, токъ да бол – намысынга бек бол.
- Сабий кёргенин унутмаз.
- Термилгенинги табмазса, кюлгенинге тюберсе.
- Аджашхан тёгерек айланыр.
- Бозаны арты дауур болур.
- Арбаз сайлама да, хоншу сайла.
- Ишленмеген джаш – джюгенсиз ат, ишленмеген къыз – тузсуз хант.
- Битмегеннге сакъал – танг.
Предлагаем работу в г. Пятигорске
Читают тему (гостей: 2)