- Гугурук къычырмаса да, тангны атары къалмаз.
- Уруну арты – къуру.
- Чомартны къолу берекет.
- Аджашхан тёгерек айланыр.
- Ёлген ийнек сютлю болур.
- Ашхы тенг джолгъа салыр, аман тенг джолдан тайдырыр.
- Адамны джюреги нени кёрюрге сюйсе, кёзю да аны кёрюрге ёч болады.
- Къуру гыбыт бек дыгъырдар.
- Ханы къызы буюгъа-буюгъа киштик болду.
- Ашхы адам – халкъ байлыгъы, ашхы джер – джашау байлыгъы.
- Сакъалы текени да бар, мыйыгъы киштикни да бар.
- Кёзю сокъурдан – къоркъма, кёлю сокъурдан – къоркъ.
- Джырчы джырчыгъа – къарнаш.
- Ханнга да келеди хариблик.
- Биреуню къыйынлыгъы бла кесинге джол ишлеме.
- Тойгъа алгъа да барма, тойда артха да къалма.
- Алма терегинден кери кетмез.
- Ашаса, ашамаса да, бёрюню ауузу – къан.
- Билимсиз иш бармаз.
- Атлыны кёрсе, джаяуну буту талыр.
- Адам къыйынлыгъын кёлтюрюр, зауукълугъун кёлтюрмез.
- Акъыллы – эл иеси, тели – эл баласы.
- Тойгъанлыкъ къойгъа джарашады.
- Джашны джигитлиги сорулур, къызны джигерлиги сорулур.
- Аджалсыз ёлюм болмаз.
- Иесиз малны бёрю ашар.
- Джаш болсун, къыз болсун, акъылы, саны тюз болсун.
- Керти сёзге тёре джокъ.
- Тойну къарнашы – харс, джырны къарнашы – эжиу.
- Тенги кёбню джау алмаз, акъылы кёбню дау алмаз.
- Ишлемеген – тишлемез.
- Джарлы джети элни сёзюн этер.
- Чабар ат – джетген къыз.
- Сютден ауузу кюйген, суугъа юфгюре эди.
- Таукел тауну аудурур.
- Тойгъан антын унутур.
- Ёксюзню къалачы уллу кёрюнюр.
- Къызбайны юйюне дери сюрсенг, батыр болур.
- Къатын байлыкъны сюер, эр саулукъну сюер.
- Аманны эки битли тону болур, бирин сеннге кийдирир, бирин кеси киер.
- Эринчекге кюн узун.
- Адам сёзюнден белгили.
- Бети бедерден, намыс сакълама.
- Къоркъакъны кёзю экили кёрюр.
- Ата – билек, ана – джюрек!
- Ариу сёз – къылычдан джити.
- Джарлыны тону джаз битер.
- Джумушакъ сёз къаты таякъны сындырыр.
- Намыс сатылыб алынмайды.
- Ёлген эшек бёрюден къоркъмайды.
Предлагаем работу в г. Пятигорске
Читают тему (гостей: 1)