- Бастасын ашагъан, хантусун да ичер.
- Бир абыннган – минг сюрюнюр.
- Ашда – бёрю, ишде – ёлю.
- Адамны сыфатына къарама, сёзюне къара.
- Тойгъанлыкъ къойгъа джарашады.
- Иги сёз – джаннга азыкъ, аман сёз башха – къазыкъ.
- Арба аугъандан сора, джол кёргюзтюучю кёб болур.
- Сакъламагъан затынга джолукъсанг, не бек къууанаса, не бек ачыйса.
- Игиге айтсанг – билир, аманнга айтсанг – кюлюр.
- Гитче джилтин уллу элни джандырыр.
- Билмегенинги, билгеннге сор.
- Ашыкъгъанны этеги бутуна чырмалыр.
- Суу ичген шауданынга тюкюрме.
- Къууут – джелге, берне – бошха.
- Байлыкъдан саулукъ ашхыды.
- Рысхы – насыбха къор.
- Садакъачыны джаны – къапчыгъында.
- Джарлыны эшигин махтагъан джабар.
- Нарт сёз – тилни бети.
- Башынга джетмегенни сорма.
- Башы ишлегенни, ауузу да ишлер.
- Шапа кёб болса, аш татымсыз болур.
- Гугурук къычырмаса да, тангны атары къалмаз.
- Урама да – ёледи, сатама да – келеди.
- Башы джабылгъан челекге, кир тюшмез.
- Кёбден умут этиб, аздан къуру къалма.
- Эски джаугъа ышанма.
- Чомартха хар кюн да байрамды.
- Окъугъан озар, окъумагъан тозар.
- Ашаса, ашамаса да, бёрюню ауузу – къан.
- Ат да турмайды бир териде.
- Байлыкъ тауусулур, билим тауусулмаз.
- Хата – гитчеден.
- Бек анасы джыламаз.
- Кийиминг бла танылма, адамлыкъ бла таныл.
- Башсыз урчукъ тюзюне айланмаз.
- Чыбыкълыкъда бюгюлмеген, къазыкълыкъда бюгюлмей эди.
- Ауузу бла къуш тута айланады.
- Аман адам этегингден тутса, кес да къач.
- Таукел тауну аудурур.
- Акъылсызны джууукъгъа алма, акъыллыны кенгнге салма.
- Къарын къуру болса, джюрек уру болур.
- Алма терегинден кери кетмез.
- Урунуу – насыбны анасы.
- Ариуну – ауруу кёб.
- Эл ауузу – элек, анга ийнаннган – халек.
- Байлыкъ келсе, акъыл кетер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кесине оноу эте билмеген, халкъына да эте билмез.
- Сагъыш – къартлыкъгъа сюйюмчю.
