- Тин – байлыгъынг, терен саулугъунг.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхы атаны – джашы ашхы, ашхы ананы – къызы ашхы.
- Джылар джаш, атасыны сакъалы бла ойнар.
- Абынмазлыкъ аякъ джокъ, джангылмазлыкъ джаякъ джокъ.
- Таула не мийик болсала да, аууш табылыр.
- Кесинге джетмегенни, кёб сёлешме.
- Билими азны – ауузунда кирит.
- Ариу сёз – джаннга азыкъ, аман сёз – башха къазыкъ.
- Юйюнг бла джау болгъандан эсе, элинг бла джау бол.
- Аш берме да, къаш бер.
- Тели турса – той бузар.
- Ауурну тюбю бла, дженгилни башы бла джюрюген.
- Хунаны тюбюн къазсанг, юсюнге ауар.
- Аман хансны – урлугъу кёб.
- Чакъырылмагъан къонакъ – орунсуз.
- Туз, гырджын аша, тюзлюк бла джаша.
- Къонагъы джокъну – шоху джокъ.
- Ашхы – джыяр, аман – джояр.
- Миллетни бойну – базыкъ, аны бла кюрешген – джазыкъ.
- Ишленмеген джаш – джюгенсиз ат, ишленмеген къыз – тузсуз хант.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эки элинги тыйсанг, джети элде махталырса.
- Адамны сыфатына къарама, сёзюне къара.
- Эр сокъур болсун, къатын тилсиз болсун.
- Джети тилни билген джети кишиди.
- Гитче джилтин уллу элни джандырыр.
- Асхат ашлыкъ сата, юйдегиси ачдан къата.
- Тик ёргени, тик энгишгеси да болады.
- Чабакъсыз кёлге къармакъ салгъанлыкъгъа, чабакъ тутмазса.
- Нафысынгы айтханын этме, намысынгы айтханын эт.
- Ана къойну – балагъа джандет.
- Чалманны аллы къалай башланса, арты да алай барады.
- Ёлюр джаннга, ёкюл джокъ.
- Телиге акъыл салгъандан эсе, ёлгеннге джан салырса.
- Кёлсюзден сёзсюз тууар.
- Чомарт бергенин айтмаз.
- Байма, деб да, къууанма, джарлыма, деб да, джылама.
- Акъыл аздырмаз, билим тоздурмаз.
- Зарда марда джокъ.
- Кийиминг бла танылма, адамлыкъ бла таныл.
- Аджалсыз ёлюм болмаз.
- Намыс сатылыб алынмайды.
- Харам къарнашдан, халал тенг ашхы.
- Бюгюн дуния кибик, тамбла ахыратды.
- Джылкъыдан – ат чыгъар, тукъумдан – джаш чыгъар.
- Джыгъылгъанны сырты джерден тоймаз.
- Алтыннга тот къонмаз.
- Иги сёз – джаннга азыкъ, аман сёз башха – къазыкъ.
- Акъыллы айтыр эди, акъылсыз къоймайды.
