- Таукелге нюр джауар.
- Чоюнну башы ачыкъ болса, итге уят керекди.
- «Ма», - дегенни билмесенг, «бер», - дегенни билмезсе.
- Татлы сёз – балдан татлы.
- Къайгъыны сюйген, къайгъы табар.
- Ариу – кёзге, акъыл – джюрекге.
- Джолда аягъынга сакъ бол, ушакъда тилинге сакъ бол.
- Адам боллукъ, атламындан белгили болур.
- Къанны къан бла джуума, аманны аман бла къуума.
- Накъырданы арты керти болур.
- Джумушакъ сёз къаты таякъны сындырыр.
- Ёнгкюч къууана барыр, джылай келир.
- Нарт сёз – тилни бети.
- Къарнынг бла ёч алма.
- Ёксюзню тилеги къабыл болур.
- Кёлсюзден сёзсюз тууар.
- Кесинге джетмегенни, кёб сёлешме.
- Кёзден кетген, кёлден да кетеди.
- Эринчекни аурууу – кёб.
- Уллу айтханны этмеген – уллаймаз.
- Джерни букъусу кёкге къонмаз.
- Къарыусузгъа кюлме, онгсузгъа тийме.
- Сёлеш деб шай берген, тохта деб, сом берген.
- Кимни – тили, тиши онглу, кимни – къолу, иши онглу.
- Джылар джаш, атасыны сакъалы бла ойнар.
- Тойгъан джерден туугъан джер игиди.
- Ишлегенде эринме, ишде чолакъ кёрюнме.
- Сагъыш – къартлыкъгъа сюйюмчю.
- Эм ашхы къайын ана мамукъ бла башынгы тешер.
- Баш – акъыл ючюн, акъылман – халкъ ючюн.
- Къатыны харакетли болса, эри къымсыз болур.
- Джолунга кёре – джюрюшюнг, джагъанга кёре – юлюшюнг.
- Бал чибинни ургъаны – ачы, балы – татлы.
- Ариу сёзде ауруу джокъ.
- Атынг аманнга чыкъгъандан эсе, джанынг тамагъынгдан чыкъсын.
- Кюн – узун, ёмюр – къысха.
- Тилчи бир сагъатха айлыкъ хата этер.
- Уллу суу бла уллу ауруудан башынгы сакъла.
- Билими азны – ауузунда кирит.
- Битмегеннге сакъал – танг.
- Ёгюзню мюйюзюнден тутадыла, адамны сёзюнден тутадыла.
- Ачылгъан эт джабылыр, кёрген кёз унутмаз.
- Суу ичген шауданынга тюкюрме.
- Окъугъан озар, окъумагъан тозар.
- Ана къолу ачытмаз.
- Джаным-тиним – окъуу, билим.
- Аман киши кеси юйюнде – къонакъ.
- Зар адам ашынгы ашар, кесинги сатар.
- Этни да ашады, бетни да ашады.
- Къазанчы аман болса, къазаны къайнамаз.
