- Джарлы тюеге минсе да, ит къабар.
- Адамгъа аман кюн соруб келмейди.
- Суу ичген шауданынга тюкюрме.
- Халкъны джырын джырласанг, халкъ санга эжиу этер.
- Ашаса, ашамаса да, бёрюню ауузу – къан.
- Терслик кетер, тюзлюк джетер.
- Арыгъан къош чамчы болур.
- Ёзденликни джайгъан – джокълукъ.
- Джангыз торгъай джырламаз.
- Тёзген – тёш ашар!
- Джашда акъыл джокъ, къартда къарыу джокъ.
- Ач къарным, тынч къулагъым.
- Булут кёкге джарашыу, уят бетге джарашыу.
- Ана къойну – балагъа джандет.
- Бёрю да ач къалмасын, эчки да ашалмасын.
- Адам сёзге тынгыла, акъыл сёзню ангыла.
- Нёгерсизни джолу узун.
- Акъдан къара болмаз.
- Байлыкъ болгъан джерде, тынчлыкъ джокъду.
- Рысхысына кёре, джаш ёсер, къышлыгъына кёре, мал ёсер.
- Татлы сёз – балдан татлы.
- Гугук кесини атын айтыб къычыргъанча, мен, мен деб нек тураса?
- Аллахха ийнаннган кишини, Аллах онгдурур ишин.
- Соргъан айыб тюлдю, билмеген айыбды.
- Къонагъы джокъну – шоху джокъ.
- Джюрек кёзден алгъа кёрюр.
- Тёрде – темир таякълы, къаяда – чыпчыкъ аякълы.
- Таула не мийик болсала да, аууш табылыр.
- Чакъырылмагъан къонакъ тёрге атламаз.
- Джигер – джаннга къыйынлыкъ.
- Тил – кесген бычакъ, сёз – атылгъан окъ.
- Кёбден умут этиб, аздан къуру къалма.
- Ашлыкъ – бюртюкден, джюн – тюкден.
- Айраннга суу къош, телиге джол бош.
- Керек ташны ауурлугъу джокъ.
- Эркишиге тары кебек танг кёрюнюр.
- Тюзлюк тас болмайды.
- Башы джабылгъан челекге, кир тюшмез.
- Байлыкъ тауусулур, билим тауусулмаз.
- Нарт сёз къарт болмаз.
- Тил – миллетни джаны.
- Тешигини къатында, чычхан да батыр болур.
- Кесинг сынамагъан затны, адамгъа буюрма.
- Иши джокъну, сыйы джокъ.
- Адебсиз адам – джюгенсиз ат.
- Тас болгъан бычакъны сабы – алтын.
- Чомарт къонакъ юй иесин сыйлар.
- Акъыллы эркиши атын махтар, акъылсыз эркиши къатынын махтар.
- Сабийликде юретмесенг, уллу болса – тюзелмез.
- Къарт бла баш аша, джаш бла аякъ аша.
"9 Волна" - первый музыкальный телеканал Юга России
Читают тему (гостей: 1)