- Билим ат болуб да чабар, къуш болуб да учар.
- Юйюнгден чыкъдынг – кюнюнгден чыкъдынг.
- Эл тойса, тоймагъан, эл къойса, къоймагъан.
- Ёмюрлюк шохлукъну джел элтмез.
- Чакъырылмагъан къонакъ – орунсуз.
- Керилген да, ургъан кибикди.
- Татлы тилде – сёз ариу, чемер къолда – иш ариу.
- Хоншуну тауугъу къаз кёрюнюр, келини къыз кёрюнюр.
- Айныгъанлы алты кюн, тогъайгъанлы тогъуз кюн.
- Тойгъандан сора, ашны сёкме.
- Башда акъыл болмаса, эки аякъгъа кюч джетер.
- Къайгъы тюбю – тенгиз.
- Миллетни бойну – базыкъ, аны бла кюрешген – джазыкъ.
- Гугук кесини атын айтыб къычыргъанча, мен, мен деб нек тураса?
- Рысхы – насыбха къор.
- Кесине гебен этелмеген, биреуге черен эте эди.
- Ач къарынны, токъ билмез
- Иесиз малны бёрю ашар.
- Тёгюлген тюгел джыйылмайды.
- Азыкълы ат арымаз, къатыны аман джарымаз.
- Тас болгъан бычакъны сабы – алтын.
- Кёбню кёрген – кёб билир.
- Акъыллы айтыр эди, акъылсыз къоймайды.
- Ётюрюкден тюбю джокъ, кёлтюрюрге джиби джокъ.
- Акъыл неден да кючлюдю.
- Аджашханны ызындагъы кёреди, джангылгъанны джанындагъы биледи.
- Адеби болмагъан къыз – тузсуз хант.
- Ургъан суудан башынгы сакъла.
- Уруну арты – къуру.
- Тилде сюек болмаса да, сюек сындырыр.
- Керек ташны ауурлугъу джокъ.
- Адам туугъан джеринде, ит тойгъан джеринде.
- Аллахха ийнаннган кишини, Аллах онгдурур ишин.
- Кийимни бир кюнню аясанг, минг кюннге джарар.
- Кёкдеги болмаса, джердегин кёрмейди.
- Адебсиз адам – джюгенсиз ат.
- Олтуруб кёрюнмей эди да, ёрге туруб кёрюне эди.
- Къууут – джелге, берне – бошха.
- Иги сёз – джаннга азыкъ, аман сёз башха – къазыкъ.
- Биреуге кёлтюрген таягъынг, кесинги башынга урур.
- Эр сокъур болсун, къатын тилсиз болсун.
- Ач келгенни – тойдур, кеч келгенни – къондур.
- Кёл – къызбай, къол – батыр.
- Къоркъакъны кёзю экили кёрюр.
- Байлыкъ келсе, акъыл кетер.
- Эски джаугъа ышанма.
- Кёзюнде тереги болгъан, чёбю болгъаннга кюле эди.
- Тиширыусуз юй – отсуз от джагъа.
- Акъыллы – эл иеси, тели – эл баласы.
- Хантына кёре тузу, юйюне кёре къызы.
Какую книгу вы сейчас читаете?
Читают тему (гостей: 1)