- Ана – юйню кюн джарыгъы.
- Аякъларынгы джууургъанынга кёре узат.
- Аш берме да, къаш бер.
- Эрине къаргъыш этген къатын, эрнин къабар.
- Джыгъылгъанны сырты джерден тоймаз.
- Хаухну атма, ёнгкючню сатма.
- Билмезни кёзю кёрмез, этмезни къулагъы эшитмез.
- Кёкдеги болмаса, джердегин кёрмейди.
- Башсыз урчукъ тюзюне айланмаз.
- Къуру гыбыт бек дыгъырдар.
- Аджашханны ызындагъы кёреди, джангылгъанны джанындагъы биледи.
- Джаралыны джастыгъында сау ёлюр.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёбден умут этиб, аздан къуру къалма.
- Аз сёлешген, къайгъысыз турур.
- Айырылгъанланы айю ашар, бёлюннгенлени бёрю ашар.
- Джумушакъ терекни къурт ашар.
- Дууулдаса – бал чибин, къонса – къара чибин.
- Джолунга кёре – джюрюшюнг, джагъанга кёре – юлюшюнг.
- Къатыны харакетли болса, эри къымсыз болур.
- Ёлген аслан – сау чычхан.
- Джюз элде джюз ёгюзюм болгъандан эсе, джюз джууугъум болсун.
- Айныгъанлы алты кюн, тогъайгъанлы тогъуз кюн.
- Джаным-тиним – окъуу, билим.
- Кесинге джетмегенни, кёб сёлешме.
- Туз, гырджын аша, тюзлюк бла джаша.
- Гугук кесини атын айтыб къычыргъанча, мен, мен деб нек тураса?
- Къатын байлыкъны сюер, эр саулукъну сюер.
- Билим къая тешер.
- Чабар ат – джетген къыз.
- Келинни – келгинчи, бёркню кийгинчи кёр.
- Тас болгъан бычакъны сабы – алтын.
- Баш – акъыл ючюн, акъылман – халкъ ючюн.
- Кёзню ачылгъаны – иги, ауузну джабылгъаны – иги.
- Кёрмегеннге кебек – танг, битмегеннге сакъал – танг.
- Кёлю джокъну – джолу джокъ.
- Джангызны оту джарыкъ джанмаз!
- Акъыллы – эл иеси, тели – эл баласы.
- Узун джолну барсанг, бюгюн келирсе, къысха джолну барсанг, тамбла келирсе.
- Джахил болса анасы, не билликди баласы?
- Тойгъан антын унутур.
- Окъуусуз билим – джокъ, билимсиз кюнюнг – джокъ.
- Аш иеси бла татлыды.
- Эллинг бла джау болсанг да, юйюнг бла джау болма.
- Окъугъан – асыу, окъумагъан – джарсыу.
- Къалгъан ишге къар джауар.
- Ариу сёз – джаннга азыкъ, аман сёз – башха къазыкъ.
- Айран ичген – къутулду, джугъусун джалагъан – тутулду.
- Джашлыкъ этмеген, башлыкъ этмез.
- Тели турса – той бузар.
Какую книгу вы сейчас читаете?
Читают тему (гостей: 1)