- Иги сёз – джаннга азыкъ, аман сёз башха – къазыкъ.
- Чыкълы кюнде чыкъмагъан, чыкъса къуру кирмеген.
- Кёзюнде тереги болгъан, чёбю болгъаннга кюле эди.
- Шекер бла туз – бир болмаз, ушамагъан – юй болмаз.
- Ашлыкъны арба юйге келтирир, чана базаргъа элтир.
- Ачлыкъда тары гырджын халыуадан татлы.
- Уллу суу бла уллу ауруудан башынгы сакъла.
- Сютню башын джалагъан къутулур, тюбюн ичген тутулур.
- Джаш болсун, къыз болсун, акъылы, саны тюз болсун.
- Къолунгдан къуймакъ ашатсанг да, атаны борчундан къутулмазса.
- Чомартха Тейри да борчлуду.
- Джылар джаш, атасыны сакъалы бла ойнар.
- Тин – байлыгъынг, терен саулугъунг.
- Бир онгсуз адам адет чыгъарды, деб эштирик тюлсе.
- Билимсиз иш бармаз.
- Тик ёргени, тик энгишгеси да болады.
- Джашлыкъ этмеген, башлыкъ этмез.
- Намыс сатылыб алынмайды.
- Ишге юренсин къоллары, халкъ бла болсун джоллары.
- Ашхы адам – халкъ байлыгъы, ашхы джер – джашау байлыгъы.
- Къазанчы аман болса, къазаны къайнамаз.
- Тойгъан антын унутур.
- Окъугъан озар, окъумагъан тозар.
- Къралынгы – душмандан, башынгы от бла суудан сакъла.
- Нарт сёз къарт болмаз.
- Агъач халкъгъа алтынды, иссиликге салкъынды.
- Иги джашны ышаны – аз сёлешиб, кёб тынгылар.
- Кютгени беш эчки, сызгъыргъаны уа, джерни джарады.
- Джарлы эскисин джамаса, къууаныр.
- Душманны тышы – акъ, ичи – къара.
- Чыбыкълыкъда бюгюлмеген, къазыкълыкъда бюгюлмей эди.
- Эркишиге тары кебек танг кёрюнюр.
- Тойну къарнашы – харс, джырны къарнашы – эжиу.
- Ана къолу ачытмаз.
- Билген билмегенни юретген адетди.
- Элге къуллукъ этмеген, элге ие болмаз.
- Кеси юйюмде мен да ханма.
- Аманны тукъумуна къарама, игини тукъумун сорма.
- Тыш элде солтан болгъандан эсе, кесинги элде олтан болгъан игиди!
- Гыдай эчки суугъа къараб, мюйюзле кёрмесе, джашма алкъын, дегенди.
- Айыбны суу бла джууалмазса.
- Чабар ат – джетген къыз.
- Айырылгъанланы айю ашар, бёлюннгенлени бёрю ашар.
- Кесинге джетмегенни, кёб сёлешме.
- Ашатыргъа иш – ашхы, ишлетирге аш – ашхы.
- Джарлыны тону джаз битер.
- Кёб къычыргъандан – къоркъма, тынч олтургъандан – къоркъ.
- Чакъырылмагъан къонакъ къачан кетерин сормаз.
- Юйюнг бла джау болгъандан эсе, элинг бла джау бол.
- Ашхы атаны – джашы ашхы, ашхы ананы – къызы ашхы.
Какую книгу вы сейчас читаете?
Читают тему (гостей: 1)