- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кийиминг бла танылма, адамлыкъ бла таныл.
- Ашын ашагъанынгы, башын да сыйла.
- Хар адамгъа кеси миннген тау кибик.
- Ат басханны джер билед.
- Экеу тутушса, биреу джыгъылыр.
- Кюн кёрмеген, кюн кёрсе, кюндюз чыракъ джандырыр.
- Ариу сёз аурууунгу алыр.
- Баш – акъыл ючюн, акъылман – халкъ ючюн.
- Магъанасыз сёз – тауушсуз сыбызгъы.
- Къатыны харакетли болса, эри къымсыз болур.
- Акъыл неден да кючлюдю.
- Джырчы ёлсе, джыры къалыр.
- Байма, деб да, къууанма, джарлыма, деб да, джылама.
- Тюзлюк шохлукъну бегитир.
- Ёлюк кебинсиз къалмаз.
- Чалманны аллы къалай башланса, арты да алай барады.
- Сакъ юйюне сау барыр.
- Сакъламагъан затынга джолукъсанг, не бек къууанаса, не бек ачыйса.
- Джарлыны эшигин махтагъан джабар.
- Малны кют, джерни тюрт.
- Таукелге нюр джауар.
- Эркишини аманы тиширыуну джылатыр.
- Агъач – джерни чырайы, кийим – эрни чырайы.
- Къонакъ болсанг, ийнакъ бол.
- Айырылмаз джууугъунга, унутмаз сёзню айтма.
- Ёзденликни джайгъан – джокълукъ.
- Ачны эсинде – аш.
- Биреуню тёрюнден, кесинги эшик артынг игиди.
- Бал – татлы, балдан да бала – татлы.
- Ачыкъ джюрекге джол – ачыкъ.
- Эллинг бла джау болсанг да, юйюнг бла джау болма.
- Сескекли кесин билдирир.
- Юреннген ауруу къалмаз.
- Билмезни кёзю кёрмез, этмезни къулагъы эшитмез.
- Къатын къылыкъсыз, эр тынчлыкъсыз.
- Къонакъ кёб келюучю юйню, къазаны отдан тюшмез.
- Тёрде – темир таякълы, къаяда – чыпчыкъ аякълы.
- Къуллукъчума, деб махтанма, къуллукъ – хаух джамчыды!
- Экиндини кеч къылсанг, чабыб джетер ашхам.
- Джюрек кёзден алгъа кёрюр.
- Адамны сабийин сюйген джюреги, бычакъча, джитиди.
- Тойгъан джерге джети къайт.
- Тай асырагъан, атха минер.
- Чабар ат – джетген къыз.
- Азыгъы аз, алгъа къабар, аты аман, алгъа чабар.
- Къар – келтирди, суу – элтди.
- Кюл тюбюндеги от кёрюнмейди.
- Айныгъанлы алты кюн, тогъайгъанлы тогъуз кюн.
- Джеринден айырылгъан – джети джылар, джуртундан айырылгъан – ёлгюнчю джылар.
Глобализация жи есть...
|
Кстати, Грузия таки дала согласие на вступление России в ВТО :smt012
К Новому году присоединят
|
|
|
|
|
|
|||
|
|
|
Читают тему (гостей: 1)