- Сабыр джетер муратха, сабырсыз къалыр уятха.
- Айран тёгюлсе, джугъусу къалыр.
- Джарлы джети элни сёзюн этер.
- Сёз садакъдан кючлюдю.
- Къарнынг ауруса, ауузунгу тый
- Ашаса, ашамаса да, бёрюню ауузу – къан.
- Окъдан джара эртде-кеч болса да бителир, сёз джара, ёмюрге къалыр.
- Ачылгъан эт джабылыр, кёрген кёз унутмаз.
- Ач келгенни – тойдур, кеч келгенни – къондур.
- Биреу къой излей, биреу той излей.
- Ашхы сёз таш тешер.
- Чыбыкълыкъда бюгюлмеген, къазыкълыкъда бюгюлмей эди.
- Этни да ашады, бетни да ашады.
- Къатын къылыкъсыз, эр тынчлыкъсыз.
- Ариу сёзде ауруу джокъ.
- Къарын къуру болса, джюрек уру болур.
- Джарлыны тону джаз битер.
- Ёлген аслан – сау чычхан.
- Ишге юренсин къоллары, халкъ бла болсун джоллары.
- Билген билмегенни юретген адетди.
- Ауругъанны сау билмез, ач къарынны токъ билмез.
- Тилчиден кери бол.
- Айраннга суу къош, телиге джол бош.
- Эркишиге тары кебек танг кёрюнюр.
- Ашлыкъны арба юйге келтирир, чана базаргъа элтир.
- Аджаллыгъа окъсуз шкок атылыр.
- Кийимни бичсенг, кенг бич, тар этген къыйын тюлдю.
- Кийиминг бла танылма, адамлыкъ бла таныл.
- Тюз сёз баргъан сууну тыяр.
- Акъыллы эркиши атын махтар, акъылсыз эркиши къатынын махтар.
- Ана – юйню кюн джарыгъы.
- Ачны эсинде – аш.
- Къарт бла баш аша, джаш бла аякъ аша.
- Мухардан ач ычхынмаз.
- Суу ичген шауданынга тюкюрме.
- Таукел адам тау тешер.
- Хунаны тюбюн къазсанг, юсюнге ауар.
- Сибиртки да сыйлы болду, кюрек да кюнлю болду.
- Джаным-тиним – окъуу, билим.
- Адамны бетине къарама, адетине къара.
- Малны кют, джерни тюрт.
- Адамны джюреги нени кёрюрге сюйсе, кёзю да аны кёрюрге ёч болады.
- Дуния мал дунияда къалады.
- Намыс сатылыб алынмайды.
- Аджалсыз ёлюм болмаз.
- Адам боллукъ, атламындан белгили болур.
- Азыкълы ат арымаз, къатыны аман джарымаз.
- Агъач – джерни чырайы, кийим – эрни чырайы.
- Окъуу – билимни ачхычы, окъуу – дунияны бачхычы.
- Баш болса, бёрк табылыр.
Глобализация жи есть...
|
Кстати, Грузия таки дала согласие на вступление России в ВТО :smt012
К Новому году присоединят
|
|
|
|
|
|
|||
|
|
|
Читают тему (гостей: 5)