- Байны оноуу, джарлыгъа джарамаз.
- Алтыннга тот къонмаз.
- Чакъырылмай келген къонакъ сыйланмай кетер.
- Телини эшигин, махтау джабар.
- Билмейме деген – бир сёз
- Аз сёлешген, къайгъысыз турур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джылар джаш, атасыны сакъалы бла ойнар.
- Тенги кёбню джау алмаз, акъылы кёбню дау алмаз.
- Ач да бол, токъ да бол – намысынга бек бол.
- Эки къатын алгъан – эки ташны ортасына башын салгъан.
- Эринчекни аурууу – кёб.
- Керти сёзге тёре джокъ.
- Къартны бурнун сюрт да, оноугъа тут.
- Акъыл бла адеб эгизледиле.
- Ачлыкъ отха секиртир.
- Тёзген – тёш ашар!
- Кёзден кетген, кёлден да кетеди.
- Эрине къаргъыш этген къатын, эрнин къабар.
- Азыкъ аз болса, эртде орун сал.
- Зарда марда джокъ.
- Айырылмаз джууугъунга, унутмаз сёзню айтма.
- Ичимден чыкъды хата, къайры барайым сата?
- Адам туугъан джеринде, ит тойгъан джеринде.
- Дууулдаса – бал чибин, къонса – къара чибин.
- Билимли ёлмез, билимсиз кёрмез.
- Тенгинг джокъ эсе – изле, бар эсе – сакъла!
- Джумушакъ сёз къаты таякъны сындырыр.
- Ишлерге уял да, ашаргъа табма.
- Аджаллыгъа окъсуз шкок атылыр.
- Онгсузну – джакъла, тенгликни – сакъла.
- Иги сеники эсе да, сюйген кесимикин этеме.
- Терек ауса, отунчу – кёб.
- Мураты болгъанны джюрек тебюую башхады.
- Борчунг бар эсе, хурджунунга ойлаб узал.
- Aдам боллукъ, сыфатындан белгили.
- Тилчиден кери бол.
- Юй ишлеген балта эшикде къалыр.
- Адеби болмагъан къыз – тузсуз хант.
- Иги джашны ышаны – аз сёлешиб, кёб тынгылар.
- Билеги кючлю, бирни джыгъар, билими кючлю, мингни джыгъар.
- Арыгъан къош чамчы болур.
- Джахил болса анасы, не билликди баласы?
- Тыш элде солтан болгъандан эсе, кесинги элде олтан болгъан игиди!
- Бермеген къол, алмайды.
- Къолу уллу – асыу, аягъы уллу – джарсыу.
- Къанны къан бла джуума, аманны аман бла къуума.
- Ойнай билмеген, оюн бузар.
- Ёмюрлюк шохлукъну джел элтмез.
- Хансыз джомакъ болмаз.
