- Адебни адебсизден юрен.
- Тау башында, тау болмаз, джангыз терек, бау болмаз.
- Ишлемеген – тишлемез.
- Хазыр ашха – терен къашыкъ.
- Хунаны тюбюн къазсанг, юсюнге ауар.
- Уруну арты – къуру.
- Ашхы тенг джолгъа салыр, аман тенг джолдан тайдырыр.
- Тойчу джашха къарама, къойчу джашха къара.
- Къоркъакъны кёзю экили кёрюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адамны джюреги нени кёрюрге сюйсе, кёзю да аны кёрюрге ёч болады.
- Элни кючю – эмеген.
- Ётген ёмюр – акъгъан суу.
- Суу да къайтады чыкъгъан джерине.
- Атлыны кёрсе, джаяуну буту талыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Айтханы чапыракъдан ётмеген.
- Элиб деген, элге болушур.
- Акъыллы башны – тили къысха.
- Битмегеннге сакъал – танг.
- Ётюрюкню къуйругъу – бир тутум.
- Аш хазыр болса, иш харам болур.
- Келинин тута билмеген, къул этер, къызын тута билмеген, тул этер.
- Мени джылытмагъан кюн, меннге тиймесин!
- Адеби болмагъан къыз – тузсуз хант.
- Къарнынг тойгъунчу аша да, белинг талгъынчы ишле.
- Сормай – алма, чакъырылмай – барма.
- Ач отунчуну ачыуу – бурнунда.
- Кечеси – аяз, кюню – къыш, джарлы къаргъагъа бир аш тюш!
- Асхат ашлыкъ сата, юйдегиси ачдан къата.
- Ёлмесенг да, къарт дамы болмазса?
- Къазанчы аман болса, къазаны къайнамаз.
- Ашыкъгъан cуу, тенгизге джетмез.
- Керти сёзге тёре джокъ.
- Окъуу – билимни ачхычы, окъуу – дунияны бачхычы.
- Хата – гитчеден.
- Тенги кёбню джау алмаз, акъылы кёбню дау алмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Аманны къуугъан, аманлыкъ табар.
- Кёз – сюйген джерде, къол – ауругъан джерде.
- Эр абынмай, эл танымаз.
- Ашатыргъа иш – ашхы, ишлетирге аш – ашхы.
- Сютден ауузу кюйген, суугъа юфгюре эди.
- Кёл – къызбай, къол – батыр.
- Соргъан айыб тюлдю, билмеген айыбды.
- Бастасын ашагъан, хантусун да ичер.
- Джиби бир къат джетмей эди да, эки къат тарта эди.
- Билимден уллу байлыкъ джокъду.
- Хатерли къул болур.
- Кёб джашагъан – кёб билир.
