- Шайтан алдады, тюзлюк къаргъады.
- Мадар болса, къадар болур.
- Суугъа – чабакъ, къаягъа – ыргъакъ.
- Ашыкъгъанны этеги бутуна чырмалыр.
- Бал чибинни ургъаны – ачы, балы – татлы.
- Кёзюнде тереги болгъан, чёбю болгъаннга кюле эди.
- Ариу сёзде ауруу джокъ.
- Хансыз джомакъ болмаз.
- «Ма», - дегенни билмесенг, «бер», - дегенни билмезсе.
- Рысхы – сют юсюнде кёмюк кибикди.
- Гырджын – тепсини тамадасы.
- Чомарт къолда мал къалмаз.
- Аурууну келиую тынч, кетиую – къыйын.
- Ач къарынны, токъ билмез
- Джырчы джырчыгъа – къарнаш.
- Джашда акъыл джокъ, къартда къарыу джокъ.
- Нафысынгы айтханын этме, намысынгы айтханын эт.
- Ётюрюкчюню шагъаты – къатында.
- Элни кючю – эмеген.
- Намысы болмагъанны, сыйы болмаз.
- Байма, деб да, къууанма, джарлыма, деб да, джылама.
- Кеси юйюмде мен да ханма.
- Биреуге аманлыкъны тилеме да, кесинге ашхылыкъны тиле.
- Кёз – сюйген джерде, къол – ауругъан джерде.
- Адамны бетине къарама, адетине къара.
- Къоркъакъны кёзю экили кёрюр.
- Чабакъгъа акъыл, табагъа тюшсе келеди.
- Джаханимни кёрмей, джандетге кёл салмазса.
- Ишни ахырын ойламай, аллын башлама.
- Келгинчи, къонакъ уялыр, келгенден сора, къонакъбай уялыр.
- Чомартха хар кюн да байрамды.
- Ариу – кёзге, акъыл – джюрекге.
- Билгенни къолу къарны джандырыр.
- Ёксюзню тилеги къабыл болур.
- Тойгъандан сора, ашны сёкме.
- Бетинги сатма, малынгы сат.
- Башынга джетмегенни сорма.
- Ойнай-ойнай кёз чыгъар.
- Башда акъыл болмаса, эки аякъгъа кюч джетер.
- Сагъыш – къартлыкъгъа сюйюмчю.
- Намысы джокъну – дуниясы джокъ.
- Аман адам элни бир-бирине джау этер.
- Къазанда болса, чолпугъа чыгъар.
- Аман хансны – урлугъу кёб.
- Сютню башын джалагъан къутулур, тюбюн ичген тутулур.
- Ханнга да келеди хариблик.
- Баланы адам этген анады.
- Битмегеннге сакъал – танг.
- Тюзню ётмеги тюзде къалса да, тас болмаз.
- Къызбайны юйюне дери сюрсенг, батыр болур.
ДНИ РОЖДЕНИЯ ФОРУМЧАН
|
[b:33a630a9ce]Z[/b:33a630a9ce], ))) :smt003 обязательно запомните)))
|
|
|
|
|
|
[b:95ce49c88c]КГ[/b:95ce49c88c], ))) это будет нетрудно)) дата слишком знАковая)))
|
|
|
|
|
Читают тему (гостей: 1)