- Биреуню тёрюнден, кесинги эшик артынг игиди.
- Ишни ахырын ойламай, аллын башлама.
- Тюзню ётмеги тюзде къалса да, тас болмаз.
- Соргъан айыб тюлдю, билмеген айыбды.
- Ёлген эшек бёрюден къоркъмайды.
- Ашарыкъда сайлагъаннга – чий гырджын.
- Хар зат кесини орнуна иги.
- Сабийликде юретмесенг, уллу болса – тюзелмез.
- Билимли ёлмез, билимсиз кёрмез.
- Джарлы эскисин джамаса, къууаныр.
- Ауругъаннга – кийик саулукъ, джетген къызгъа – чилле джаулукъ.
- Окъ къызбайны джокълайды.
- Ариу сёз джыланны орнундан чыгъарыр.
- Ачыу алгъа келсе, акъыл артха къалады.
- Кёб къычыргъандан – къоркъма, тынч олтургъандан – къоркъ.
- Аз айтсам, кёб ангылагъыз.
- Ауурну тюбю бла, дженгилни башы бла джюрюген.
- Башы джабылгъан челекге, кир тюшмез.
- Къайгъыны сюйген, къайгъы табар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Иги сёз – джаннга азыкъ, аман сёз башха – къазыкъ.
- Ёнгкюч къууана барыр, джылай келир.
- Булут кёкге джарашыу, уят бетге джарашыу.
- Билим – акъылны чырагъы.
- Къатын байлыкъны сюер, эр саулукъну сюер.
- Акъыл аздырмаз, билим тоздурмаз.
- Бёрю да ач къалмасын, эчки да ашалмасын.
- Иесиз малны бёрю ашар.
- Тамырсыз терекге таянма – джыгъылырса.
- Тюз сёз баргъан сууну тыяр.
- Къыз келсе, джумуш эте келеди, къатын келсе, ушакъ эте келеди.
- Тили узунну, намысы – къысха.
- Чарсда алчыны эл кёреди.
- Таукел къуру къалмаз.
- Кёзню ачылгъаны – иги, ауузну джабылгъаны – иги.
- Тёрдеги кюлсе, эшикдеги ышарыр.
- Къолу уллу – асыу, аягъы уллу – джарсыу.
- Ёлмесенг да, къарт дамы болмазса?
- Бозанг болмагъан джерге, къалагъынгы сукъма.
- Байлыкъ адамны сокъур этер.
- Бозаны арты дауур болур.
- Ашхылыкъ джерде джатмайды, аманлыкъ суугъа батмайды.
- Кийим тукъум сордурур.
- Аш иеси бла татлыды.
- Ата Джуртча джер болмаз, туугъан элча эл болмаз.
- Этни бети бла шорпасы.
- Джаш болсун, къыз болсун, акъылы, саны тюз болсун.
- Ётюрюкню башын керти кесер.
- Тик ёргени, тик энгишгеси да болады.
- Кёл ашады да, кеси ашады.
ДНИ РОЖДЕНИЯ ФОРУМЧАН
|
[b:33a630a9ce]Z[/b:33a630a9ce], ))) :smt003 обязательно запомните)))
|
|
|
|
|
|
[b:95ce49c88c]КГ[/b:95ce49c88c], ))) это будет нетрудно)) дата слишком знАковая)))
|
|
|
|
|
Читают тему (гостей: 1)