- Онгсузну – джакъла, тенгликни – сакъла.
- Иги адам абынса да, джангылмаз.
- Джангыз торгъай джырламаз.
- Аджашханны ызындагъы кёреди, джангылгъанны джанындагъы биледи.
- Хар ишни да аллы къыйынды.
- Акъыл къартда, джашда тюйюлдю – башдады.
- Джарлы эскисин джамаса, къууаныр.
- Суугъа – таянма, джаугъа – ийнанма.
- Тенгинг джокъ эсе – изле, бар эсе – сакъла!
- Къарны аманнга къазан такъдырма, къолу аманнга от джакъдырма.
- Душманны тышы – акъ, ичи – къара.
- Садакъачыны джаны – къапчыгъында.
- Ишлегенден, къарагъан уста.
- Ач къалгъандан, кеч къалгъан къолай.
- Джуртун къоругъан озар.
- Къошда джокъгъа – юлюш джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аджал соруб келмез, келсе, къайтыб кетмез.
- Ашаса, ашамаса да, бёрюню ауузу – къан.
- Кёб джат да, бек чаб.
- Ариу сёз – къылычдан джити.
- Чакъырылмагъан къонакъ – орунсуз.
- Ауурну тюбю бла, дженгилни башы бла джюрюген.
- Джангызны оту джарыкъ джанмаз!
- Ашына кёре табагъы, балына кёре къалагъы.
- Тилде сюек болмаса да, сюек сындырыр.
- Аман къатын алгъан, арыр, иги къатын алгъан джарыр.
- Ариу – кёзге, акъыл – джюрекге.
- Адам къаллай бир ишленмесе, аллай бир кесин уллу кёреди.
- Элни кючю – эмеген.
- Башланнган иш битер, къымылдагъан тиш тюшер.
- Сёз садакъдан кючлюдю.
- Къатын къылыкъсыз, эр тынчлыкъсыз.
- Келинин тута билмеген, къул этер, къызын тута билмеген, тул этер.
- Къолунгдан къуймакъ ашатсанг да, атаны борчундан къутулмазса.
- Джюрекден джюрекге джол барды.
- Эм ашхы къайын ана мамукъ бла башынгы тешер.
- Башсыз урчукъ тюзюне айланмаз.
- Кёз – сюйген джерде, къол – ауругъан джерде.
- Эллинг бла джау болсанг да, юйюнг бла джау болма.
- Кёлсюзден сёзсюз тууар.
- Элге къуллукъ этмеген, элге ие болмаз.
- Уллу къазанда бишген эт, чий къалмаз.
- Бозанг болмагъан джерге, къалагъынгы сукъма.
- Адамны аты башхача, акъылы да башхады.
- Экеу тутушса, биреу джыгъылыр.
- Байны къызы баймакъ болса да, юйде къалмаз!
- Биреуню къыйынлыгъы бла кесинге джол ишлеме.
- Айтханы чапыракъдан ётмеген.
- Суу кетер, таш къалыр.
ДНИ РОЖДЕНИЯ ФОРУМЧАН
|
[b:33a630a9ce]Z[/b:33a630a9ce], ))) :smt003 обязательно запомните)))
|
|
|
|
|
|
[b:95ce49c88c]КГ[/b:95ce49c88c], ))) это будет нетрудно)) дата слишком знАковая)))
|
|
|
|
|
Читают тему (гостей: 1)