- Ач къарным, тынч къулагъым.
- Адам сёзюнден белгили.
- Баш – акъыл ючюн, акъылман – халкъ ючюн.
- Ауругъаннга – кийик саулукъ, джетген къызгъа – чилле джаулукъ.
- Ашына кёре табагъы, балына кёре къалагъы.
- Эллинг бла джау болсанг да, юйюнг бла джау болма.
- Аш хазыр болса, иш харам болур.
- Джарлыны тону джаз битер.
- Нафысынгы айтханын этме, намысынгы айтханын эт.
- Таугъа чыгъаллыкъ эсенг, тюзде къалма.
- Тил – миллетни джаны.
- Айыбны суу бла джууалмазса.
- Таякъ этден ётер, тил сюекден ётер.
- Кийиминг бла танылма, адамлыкъ бла таныл.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёрмегеннге кебек – танг, битмегеннге сакъал – танг.
- Къыйынлы джети элни къайгъысын этер.
- Сагъышы джокъ – джукъучу, акъылы джокъ – къаугъачы.
- Къарыусузгъа кюлме, онгсузгъа тийме.
- Олтуруб кёрюнмей эди да, ёрге туруб кёрюне эди.
- Атлыны кёрсе, джаяуну буту талыр.
- Бюгюн дуния кибик, тамбла ахыратды.
- Джолунга кёре – джюрюшюнг, джагъанга кёре – юлюшюнг.
- Суугъа – таянма, джаугъа – ийнанма.
- Къоркъакъны кёзю экили кёрюр.
- Чомарт къолда мал къалмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Узун джолну барсанг, бюгюн келирсе, къысха джолну барсанг, тамбла келирсе.
- Джуртун къоругъан озар.
- Шапа кёб болса, аш татымсыз болур.
- Ариу сёз – джаннга азыкъ, аман сёз – башха къазыкъ.
- Ашхы – джыяр, аман – джояр.
- Баланы адам этген анады.
- Ёзденликни джайгъан – джокълукъ.
- Ач отунчуну ачыуу – бурнунда.
- Хатерли къул болур.
- Тас болгъан бычакъны сабы – алтын.
- Сёз къанатсыз учар.
- Сабыр джетер муратха, сабырсыз къалыр уятха.
- Кёлсюзден сёзсюз тууар.
- Къатын байлыкъны сюер, эр саулукъну сюер.
- Тюзлюк шохлукъну бегитир.
- Уллу айтханны этмеген – уллаймаз.
- Ёмюрлюк шохлукъну джел элтмез.
- Тау башында, тау болмаз, джангыз терек, бау болмаз.
- Къонакъ аз олтурур, кёб сынар.
- Соргъан айыб тюлдю, билмеген айыбды.
- Мен да «сен», дейме, сен да «кесим», дейсе.
- Ариу сёз джыланны орнундан чыгъарыр.
- Термилгенинги табмазса, кюлгенинге тюберсе.
Крымкая война
Читают тему (гостей: 1)