Ана кёлю – балада, бала кёлю – талада.
Акъыллы – эл иеси, тели – эл баласы.
Къарын къуру болса, джюрек уру болур.
Ойнаб айтсанг да, эслеб айт.
Ач къарным, тынч къулагъым.
Ауругъаннга – кийик саулукъ, джетген къызгъа – чилле джаулукъ.
Къартха ушагъан джаш – акъыллы, джашха ушагъан къарт – тели.
Хатерли къул болур.
Хаухну атма, ёнгкючню сатма.
Кёрмегеннге кебек – танг, битмегеннге сакъал – танг.
Къызгъанчдан ычхыныр, мухардан ычхынмаз.
Айырылгъанланы айю ашар, бёлюннгенлени бёрю ашар.
Кирсизни – саны таза, халалны – къаны таза.
Къайгъыны сюйген, къайгъы табар.
Шайтан алдады, тюзлюк къаргъады.
Къартны сыйын кёрмеген, къартлыгъында сыйлы болмаз.
Эли джокъну – кёлю джокъ.
Ишин билген, аны сыйын чыгъарады.
Адамны джюреги нени кёрюрге сюйсе, кёзю да аны кёрюрге ёч болады.
Юй кюйдю да, кюйюз чыкъды, ортасындан тюйюш чыкъды.
Ауругъан – джашаудан умутчу.
Окъугъан – асыу, окъумагъан – джарсыу.
Ёмюрлюк шохлукъну джел элтмез.
Тюзню ётмеги тюзде къалса да, тас болмаз.
Агъач халкъгъа алтынды, иссиликге салкъынды.
Келинин тута билмеген, къул этер, къызын тута билмеген, тул этер.
Биреу ашаб къутулур, биреу джалаб тутулур.
Татлы тилде – сёз ариу, чемер къолда – иш ариу.
Акъыл къартда, джашда тюйюлдю – башдады.
Биреуню къыйынлыгъы бла кесинге джол ишлеме.
Хоншуну тауугъу къаз кёрюнюр, келини къыз кёрюнюр.
Ауузу бла къуш тута айланады.
Къозулугъунда тоймагъан, къойлугъунда тоймаз.
Джыланны къуйругъундан басарынг келсе, аны башы болгъанын унутма.
Ата джурт – алтын бешик.
Ашхы – джыяр, аман – джояр.
Мухардан ач ычхынмаз.
Атынг аманнга чыкъгъандан эсе, джанынг тамагъынгдан чыкъсын.
Этни да ашады, бетни да ашады.
Керилген да, ургъан кибикди.
Зар адамны насыбы болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Адам боллукъ, атламындан белгили болур.
Тил – миллетни джаны.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эр абынмай, эл танымаз.
Къонакъ болсанг, ийнакъ бол.
Чомартха хар кюн да байрамды.
Чомартны къолун джокълукъ байлар.
Айраннга суу къош, телиге джол бош.
