Бойнуму джети джерден кессенг да, мен ол ишни этеллик тюлме.
Шапа кёб болса, аш татымсыз болур.
Биреу ашаб къутулур, биреу джалаб тутулур.
Къанны къан бла джуума, аманны аман бла къуума.
Эте билген, этген этеди, эте билмеген, юретген этеди!
Экеу тутушса, биреу джыгъылыр.
Тенги кёбню джау алмаз, акъылы кёбню дау алмаз.
Кийиминг бла танылма, адамлыкъ бла таныл.
Аджашхан тёгерек айланыр.
Ишге юренсин къоллары, халкъ бла болсун джоллары.
Ашхылыкъ джерде джатмайды, аманлыкъ суугъа батмайды.
Сютню башын джалагъан къутулур, тюбюн ичген тутулур.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джети тилни билген джети кишиди.
Ёлген аслан – сау чычхан.
Тойгъанлыкъ къойгъа джарашады.
Адам къаллай бир ишленмесе, аллай бир кесин уллу кёреди.
Кюн кёрмеген, кюн кёрсе, кюндюз чыракъ джандырыр.
Чакъырылмагъан къонакъ къачан кетерин сормаз.
Къуру гыбыт бек дыгъырдар.
Бети къызарыучу адамны, джюреги харам болмаз.
Чомарт къонакъ юй иесин сыйлар.
Ашатыргъа иш – ашхы, ишлетирге аш – ашхы.
Адеб джокъда, намыс джокъ.
Аманнга игилик этсенг, юйюнге сау бармазса.
Адам къыйынлыгъын кёлтюрюр, зауукълугъун кёлтюрмез.
Аман хансны – урлугъу кёб.
Ачлыкъ отха секиртир.
Ариуну – ауруу кёб.
Джаш болсун, къыз болсун, акъылы, саны тюз болсун.
Ачны эсинде – аш.
Байма, деб да, къууанма, джарлыма, деб да, джылама.
Джырына кёре эжиую.
Къонакъ аз олтурур, кёб сынар.
Джашлыкъ этмеген, башлыкъ этмез.
Келлик заман – къартлыкъ келтирир, кетген заман – джашлыкъ ёлтюрюр.
Айранын берсенг, челегин да къызгъанма.
Джолда аягъынга сакъ бол, ушакъда тилинге сакъ бол.
Эркишиге тары кебек танг кёрюнюр.
Сабийликде юретмесенг, уллу болса – тюзелмез.
Акъылсызны джууукъгъа алма, акъыллыны кенгнге салма.
Кирсизни – саны таза, халалны – къаны таза.
Тил джюрекге джол ишлейди.
Башланнган иш битер, къымылдагъан тиш тюшер.
Эл бла кёргенинг эрелей.
Чакъырылмагъан къонакъ тёрге атламаз.
Башы джабылгъан челекге, кир тюшмез.
Эм ашхы къайын ана мамукъ бла башынгы тешер.
Ата Джуртун танымагъан, атасын да танымаз.
Дууулдаса – бал чибин, къонса – къара чибин.
