- Адамны аты башхача, акъылы да башхады.
- Эртде тургъан бла эртде юйленнген сокъуранмаз.
- Тин – байлыгъынг, терен саулугъунг.
- Кёбден умут этиб, аздан къуру къалма.
- Бети бедерден, намыс сакълама.
- Уллу суу бла уллу ауруудан башынгы сакъла.
- Хар сёзню орну барды.
- Таукел тауну аудурур.
- Зарда марда джокъ.
- Къыз чыгъаргъан – къызыл къымжа.
- Джолунга кёре – джюрюшюнг, джагъанга кёре – юлюшюнг.
- Къатыны харакетли болса, эри къымсыз болур.
- Тюкюрюк баш джармаз, налат кёз чыгъармаз!
- Таугъа чыгъаллыкъ эсенг, тюзде къалма.
- Урунуу – насыбны анасы.
- Бозаны арты дауур болур.
- Къазанчы аман болса, къазаны къайнамаз.
- Мухарны эси – ашарыкъда.
- Таш ата билмеген, башына урур.
- Уясында не кёрсе, учханында аны этер.
- Тай асырагъан, атха минер.
- Джаш къарыу бла кючлю, къарт акъыл бла кючлю.
- Ашыкъгъанны этеги бутуна чырмалыр.
- Эркишиге тары кебек танг кёрюнюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомарт джарлы болмаз.
- Бастасын ашагъан, хантусун да ичер.
- Эллинг бла джау болсанг да, юйюнг бла джау болма.
- Тилсиз миллет джокъ болур.
- Ёмюрлюк шохлукъну джел элтмез.
- Хатерли къул болур.
- Сескекли кесин билдирир.
- Биреуге аманлыкъ этиб, кесинге игилик табмазса.
- Адамны бетине къарама, адетине къара.
- Ишлегенде эринме, ишде чолакъ кёрюнме.
- Аллахха ийнаннган кишини, Аллах онгдурур ишин.
- Таукелге нюр джауар.
- Уллу атлама – абынырса, уллу къабма – къарылырса.
- Ауругъанны сау билмез, ач къарынны токъ билмез.
- Къайгъы тюбю – тенгиз.
- Джыланны къуйругъундан басарынг келсе, аны башы болгъанын унутма.
- Эм ашхы къайын ана мамукъ бла башынгы тешер.
- Кёбге таш атма.
- Чомартны къолу берекет.
- Уллу айтханны этмеген – уллаймаз.
- Къуру гыбыт бек дыгъырдар.
- Уллу къазанда бишген эт, чий къалмаз.
- Аууздан келген, къолдан келсе, ким да патчах болур эди.
- Джаш болсун, къыз болсун, акъылы, саны тюз болсун.
- Татлы сёз – балдан татлы.
