- Намысы джокъну – дуниясы джокъ.
- Намыс сатылыб алынмайды.
- Ана – юйню кюн джарыгъы.
- Аман хансны – урлугъу кёб.
- Къонакъ аз олтурур, кёб сынар.
- Айран тёгюлсе, джугъусу къалыр.
- Акъыл аздырмаз, билим тоздурмаз.
- Нарт сёз къарт болмаз.
- Кенгеш болса, уруш болмаз.
- Аз сёлеш, кёб ишле.
- Ишни аллы бла къууанма да, арты бла къууан.
- Окъугъанны бети джарыкъ.
- Огъурлуну сёзю – суу, огъурсузну сёзю – уу.
- Таш ата билмеген, башына урур.
- Эл элде бирер малынг болгъандан эсе, бирер тенгинг болсун.
- Ата джурт – алтын бешик.
- Адам къыйынлыгъын кёлтюрюр, зауукълугъун кёлтюрмез.
- Зар адамны насыбы болмаз.
- Игилик игилик бла сингдирилиучю затды.
- Къан бла кирген, джан бла чыгъар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сангырау къулакъ эл бузар.
- Бозанг болмагъан джерге, къалагъынгы сукъма.
- Тай асырагъан, атха минер.
- Эринчекни аурууу – кёб.
- Ишин билген, аны сыйын чыгъарады.
- Акъыл бла адеб эгизледиле.
- Чомарт джарлы болмаз.
- Кёб джат да, бек чаб.
- Хоншуну тауугъу къаз кёрюнюр, келини къыз кёрюнюр.
- Тёзген – тёш ашар!
- Элге къуллукъ этмеген, элге ие болмаз.
- Джашынгы кесинг юретмесенг, джашау юретир.
- Тёрде – темир таякълы, къаяда – чыпчыкъ аякълы.
- Адамны бетине къарама, адетине къара.
- Зар адам ашынгы ашар, кесинги сатар.
- Билген билмегенни юретген адетди.
- Иги сеники эсе да, сюйген кесимикин этеме.
- Джырчы ёлсе, джыры къалыр.
- Магъанасыз сёз – тауушсуз сыбызгъы.
- Ёлген ийнек сютлю болур.
- Айраннга суу къош, телиге джол бош.
- От кюйдюрген, сау болса да, тот кюйдюрген, сау болмаз.
- Телиге от эт десенг, юйюнге от салыр.
- Чалманны аллы къалай башланса, арты да алай барады.
- Керти сёзге тёре джокъ.
- Ашын ашагъанынгы, башын да сыйла.
- Окъуусуз билим – джокъ, билимсиз кюнюнг – джокъ.
- Бетинги сатма, малынгы сат.
- Къартны бурнун сюрт да, оноугъа тут.
