- Эл тойса, тоймагъан, эл къойса, къоймагъан.
- Окъугъан – асыу, окъумагъан – джарсыу.
- Чомартны къолу берекет.
- Тилсиз миллет джокъ болур.
- Тамчы таш тешер.
- Билимсиз иш бармаз.
- Аууз сакълагъан – джан сакълар.
- Ана – юйню кюн джарыгъы.
- Къазанчы аман болса, къазаны къайнамаз.
- Эри аманны, къатыны – аман.
- Тилде сюек болмаса да, сюек сындырыр.
- Алма терегинден кери кетмез.
- Алтыда кюлмеген, алтмышда кюлмез.
- Баш болса, бёрк табылыр.
- Киштикге къанат битсе, чыпчыкъ къалмаз эди.
- Джарлыны тону джаз битер.
- Эте билген, этген этеди, эте билмеген, юретген этеди!
- Ата джурт – алтын бешик.
- Ата Джуртуму башы болмасам да, босагъасында ташы болайым.
- Аш берме да, къаш бер.
- Зарда марда джокъ.
- Юй ишлеген балта эшикде къалыр.
- Алтыннга тот къонмаз.
- Уллу суу бла уллу ауруудан башынгы сакъла.
- Керилген да, ургъан кибикди.
- Алгъанда – джууукъ, бергенде – джау.
- Тойгъа барсанг, тоюб бар, эски тонунгу къоюб бар.
- Ёгюзню мюйюзлери ауурлукъ этмейдиле.
- Къызбайны юйюне дери сюрсенг, батыр болур.
- Орундукъ тюбюнде атылсам да, орта джиликме, де да айлан.
- Къартны бурнун сюрт да, оноугъа тут.
- Ата Джуртун танымагъан, атасын да танымаз.
- Асхат ашлыкъ сата, юйдегиси ачдан къата.
- Атлыны ашхысы, ат тизгининден билинир
- Кёлсюзден сёзсюз тууар.
- Намыс болмагъан джерде, насыб болмаз.
- Байлыкъ адамны сокъур этер.
- Сабий болмагъан джерде, мёлек болмаз.
- Азыкълы ат арымаз, къатыны аман джарымаз.
- Эртде тургъан бла эртде юйленнген сокъуранмаз.
- Адамны бетине къарама, адетине къара.
- Телиге акъыл салгъандан эсе, ёлгеннге джан салырса.
- Халкъны джырын джырласанг, халкъ санга эжиу этер.
- Аман къатын сабий табса, бий болур…
- Ачлыкъ отха секиртир.
- Акъыл неден да кючлюдю.
- Кесине гебен этелмеген, биреуге черен эте эди.
- Кесине оноу эте билмеген, халкъына да эте билмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Адам сёзге тынгыла, акъыл сёзню ангыла.
