- Бал чибинни ургъаны – ачы, балы – татлы.
- Арыгъан къош чамчы болур.
- Къартны сыйын кёрмеген, къартлыгъында сыйлы болмаз.
- Накъырданы арты керти болур.
- Нёгер болсанг, тенг бол, тенг болмасанг, кенг бол.
- Сакъалы текени да бар, мыйыгъы киштикни да бар.
- Сакъ юйюне сау барыр.
- Кесинге джетмегенни, кёб сёлешме.
- Сакъламагъан затынга джолукъсанг, не бек къууанаса, не бек ачыйса.
- Билим ат болуб да чабар, къуш болуб да учар.
- Аман хансны – урлугъу кёб.
- Алтыда кюлмеген, алтмышда кюлмез.
- Къарнынг къанлынга кийирир.
- Уллу суу бла уллу ауруудан башынгы сакъла.
- Огъурлуну сёзю – суу, огъурсузну сёзю – уу.
- Аз айтсам, кёб ангылагъыз.
- Атлыны ашхысы, ат тизгининден билинир
- Къулакъдан эсе, кёзге ышан.
- Кёрмегеннге кебек – танг, битмегеннге сакъал – танг.
- Айраннга суу къош, телиге джол бош.
- Кюл тюбюндеги от кёрюнмейди.
- Ачыу алгъа келсе, акъыл артха къалады.
- Таукел тауну аудурур.
- Адебни адебсизден юрен.
- Чомартха хар кюн да байрамды.
- Кюн – узун, ёмюр – къысха.
- Сангырау къулакъ эл бузар.
- Юреннген ауруу къалмаз.
- Иги сёз – джаннга азыкъ, аман сёз башха – къазыкъ.
- Къызгъанчдан ычхыныр, мухардан ычхынмаз.
- Эл бла кёргенинг эрелей.
- Билим – акъылны чырагъы.
- Ётюрюкню къуйругъу – бир тутум.
- Кёбге таш атма.
- Ойнай-ойнай кёз чыгъар.
- Джаш болсун, къыз болсун, акъылы, саны тюз болсун.
- Экиндини кеч къылсанг, чабыб джетер ашхам.
- Къарт айтханны этмеген, къартаймаз.
- Кёб ант этген, кёб ётюрюк айтыр.
- Сыфатында болмагъаны, суратында болмаз.
- Ёлюк кебинсиз къалмаз.
- Тенги кёбню джау алмаз, акъылы кёбню дау алмаз.
- Алим болгъандан эсе, адам болгъан къыйынды.
- Суугъа – таянма, джаугъа – ийнанма.
- Къатыны харакетли болса, эри къымсыз болур.
- Чомарт къонакъ юй иесин сыйлар.
- Билеги кючлю, бирни джыгъар, билими кючлю, мингни джыгъар.
- Этим кетсе да, сюегим къалыр.
- Хоншуну тауугъу къаз кёрюнюр, келини къыз кёрюнюр.
- Орундукъ тюбюнде атылсам да, орта джиликме, де да айлан.
