- Хунаны тюбюн къазсанг, юсюнге ауар.
- Кеси юйюмде мен да ханма.
- Элни кючю – эмеген.
- Сёз къанатсыз учар.
- Аман хансны – урлугъу кёб.
- Нёгерсизни джолу узун.
- Адамгъа аман кюн соруб келмейди.
- Ёлген эшек бёрюден къоркъмайды.
- Кюлме джашха – келир башха.
- Эки ойлашыб, бир сёлешген.
- Нарт сёз – тилни бети.
- Эри аманны, къатыны – аман.
- Къызбайны юйюне дери сюрсенг, батыр болур.
- Ата Джуртча джер болмаз, туугъан элча эл болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тюзню ётмеги тюзде къалса да, тас болмаз.
- Чомартны къолун джокълукъ байлар.
- Тилде сюек болмаса да, сюек сындырыр.
- Ышармагъан – кюлмез, кюлмеген – къууанчны билмез.
- Аз сёлешген, къайгъысыз турур.
- Тиширыусуз юй – отсуз от джагъа.
- Минг тенг да азды, бир джау да кёбдю.
- Чабакъсыз кёлге къармакъ салгъанлыкъгъа, чабакъ тутмазса.
- Берекет берсин деген джерде, берекет болур.
- Иги джашны ышаны – аз сёлешиб, кёб тынгылар.
- Билими азны – ауузунда кирит.
- Сибиртки да сыйлы болду, кюрек да кюнлю болду.
- Болджал ишни бёрю ашар.
- Акъдан къара болмаз.
- Агъач халкъгъа алтынды, иссиликге салкъынды.
- Къайгъыны сюйген, къайгъы табар.
- Мал кёб болса, джууукъ кёб болур.
- Чакъырылмай келген къонакъ сыйланмай кетер.
- Ата – баланы уясы.
- Ач къарным, тынч къулагъым.
- Къар – келтирди, суу – элтди.
- Ётюрюкчюню шагъаты – къатында.
- Атадан ёксюз – бир ёксюз, анадан ёксюз – эки ёксюз.
- Тамырсыз терекге таянма – джыгъылырса.
- Баланы адам этген анады.
- Къонакъ болсанг, ийнакъ бол.
- Эм ашхы къайын ана мамукъ бла башынгы тешер.
- Сёлеш деб шай берген, тохта деб, сом берген.
- Къызын тута билмеген, тул этер, джашын тута билмеген, къул этер.
- Къоркъакъны кёзю экили кёрюр.
- Башсыз урчукъ тюзюне айланмаз.
- Таукел къуру къалмаз.
- Юйлю уругъа ит чабмаз.
- Кесинг сынамагъан затны, адамгъа буюрма.
- Ач уят къоймаз.
