- Баргъанынга кёре болур келгенинг.
- Элиб деген, элге болушур.
- «Ма», - дегенни билмесенг, «бер», - дегенни билмезсе.
- Адам боллукъ, атламындан белгили болур.
- Хар сёзню орну барды.
- Аллахха ийнаннган кишини, Аллах онгдурур ишин.
- Ёзденликни кёбю ётюрюк.
- Кёкдеги болмаса, джердегин кёрмейди.
- Иги – алгъыш этер, аман – къаргъыш этер.
- Ач бёрюге мекям джокъ.
- Эрни эр этерик да, къара джер этерик да, тиширыуду.
- Юйюнг бла джау болгъандан эсе, элинг бла джау бол.
- Къыз келсе, джумуш эте келеди, къатын келсе, ушакъ эте келеди.
- Бети къызарыучу адамны, джюреги харам болмаз.
- Сёлеш деб шай берген, тохта деб, сом берген.
- Окъ къызбайны джокълайды.
- Ариу сёзде ауруу джокъ.
- Чабакъ башындан чирийди.
- Башсыз урчукъ тюзюне айланмаз.
- Джарашыу сюйген – джалынчакъ.
- Ишин билген, аны сыйын чыгъарады.
- Билим – акъылны чырагъы.
- Танг атмайма десе да, кюн къоярыкъ тюйюлдю.
- Ханы къызы буюгъа-буюгъа киштик болду.
- Келгинчи, къонакъ уялыр, келгенден сора, къонакъбай уялыр.
- Биреуню тёрюнден, кесинги эшик артынг игиди.
- Аз сёлешген, къайгъысыз турур.
- Бек анасы джыламаз.
- Сууда джау джокъ, кёб сёзде магъана джокъ.
- Джылкъыдан – ат чыгъар, тукъумдан – джаш чыгъар.
- Узун джолну барсанг, бюгюн келирсе, къысха джолну барсанг, тамбла келирсе.
- Айыбны суу бла джууалмазса.
- Эл тойса, тоймагъан, эл къойса, къоймагъан.
- Тешик этген тынчды, аны джамагъан къыйынды.
- Тешигини къатында, чычхан да батыр болур.
- Орундукъ тюбюнде атылсам да, орта джиликме, де да айлан.
- Эл бла кёргенинг эрелей.
- Къартны бурнун сюрт да, оноугъа тут.
- Джюрекден джюрекге джол барды.
- Мени джылытмагъан кюн, меннге тиймесин!
- Ач къарынны, токъ билмез
- Дуния мал дунияда къалады.
- Бал – татлы, балдан да бала – татлы.
- Ёксюзню къалачы уллу кёрюнюр.
- Кечеси – аяз, кюню – къыш, джарлы къаргъагъа бир аш тюш!
- Кёб ант этген, кёб ётюрюк айтыр.
- Урунуу – насыбны анасы.
- Ханнга да келеди хариблик.
- Къызгъанчдан ычхыныр, мухардан ычхынмаз.
- Ауузу аманнга «иги», деме.
